هلا دلال..

نصيحه لا توزنين .. لأنج بتحسين باحباط.. انا كنت اوزن اكون ناقصه 3 كيلو.. اروح للدكتور ايقولي نقصتي كيلو و نص .. ! وكنت انحبط.. بس هو قاللي لا توزنين..لأنه كل ميزان يختلف عن الثاني.. و يوم اتروحين عند الدكتور لازم ما اتكونين ماكله شي قبلها ب 4 ساعات..


انا اليوم رحت له.. لكني رديت مبسوووووووووووووطه مع اني
زايده 3 كيلو!!!..

لأنه قاللي هالثلاث كيلو مب دهووون.. هذا كله ماااااااي..!

اتعرفين شو سبب تجمع الماي..؟؟

لأني كنت اكل الهمبا الاخضر مع الملح.. موسمه الحين.. و انا اموت فيه و كلت منه كميه.. اصلاً يوم كنت حامل كنت اتوحم عليه.. :D

و هذا سبب لي انحباس الماي ف الجسم.. قاللي طبقي نظام الاسبوع الاول و انشالله هالماي كله بيروح.. و انا ببدا يوم الجمعه بإذن الله..

و اختي اللي اكبر مني بعد راحت معاي للدكتور اليوم تبى اتسوي رجيم.. و انشالله بتبدا معاي من يوم الجمعه نظام الاسبوع الاول..

يالله شدي حيلج.. و طمنينا.. و انشالله اتكونين خافه من وزنج.. و هالميزان عطيه حد ايخشه عنج... و لا ايطلعه لج الا مره ف الاسبوع.. :D

بالتوفييييق..

يااختي العز
عجبني رجيمك بغيت اسالك الفطورلازم جبن ومورتديلا
لانه احيان الوحده تصحي مايكون لها نفس يادوب نسكافيه
وممكن تكتبين الاسبوع الثاني
وشكرا
ومبروك النزول وعقبالنا

العز
هلا وغلا اختي
الحمد لله اني ما احب الموالح
مشكلتي في الحلويات وخاصه الشوكولتيز
راجعت الدكتور اليوم الحمد لله بميزان البيت خافه 600 غرام
بس عند الدكتورنازل وزني كيلو بالتمام والكمال
انتي عارفه الوزن عند الدكتور بالثياب
وبالبيت بدوون والظاهر ميزاني مخرف من كثر ما اوزن

وبالتوفيق لك ولاختك
وان شاء الله تخفين هالزياده باسبوع واحد وتفتكين

مشكورة اختى على الاجابة، بعد سوال، اقدر اخذ حبوب حرق السعرات بدون ما اشترك مع دكتور نيوترشن، صراحة انا بديت اليوم بالبرنامج اللي انتي كتبتيه وبجرب هذا الاسبوع وبشوف.
اختي وبنتها راحن عنده ونزلن وايد ما شاء الله، بس انا اللي مخوفنى انه صعب وايد يعني ممكن ما التزم، ايام كثيرة فيها بيض ومرتديلا يعني المشكله الريوق اما الغدا والعشاء مو مشكله اقدر امشي بي بشوف هذا الاسبوع ، ان شاء الله

إختي العز.... وينج
بسأل بعد، كان يعطيكم الدكتور فيتامينات او مكملات غذائية ولا لا؟؟؟؟؟؟

ان شاء الله يارب تردي علي... وإذا انتى مش موجودة الله يخليكم اي وحدة جربت النظام ترد على.....