تجربتي مع ريجيمات عالم حواء

مرحبا بنات ........... كيف أحوالكم ....,
أنا عضوة شبه جديدة في المنتدى و ودّي أفيدكم بتجاربي مع ريجيمات الأخوات العزيزات إلّي معانا في المنتدى ......,
أولا...انا عمري 19 و كان وزني في تاريخ (11-1-2004 ) 74 كغ و طولي بالأساس 153سم. و انا من خلقني ربي و انا دبدوبة:44: , و يا كثر ما حنيت على اهلي :06:علشان يودوني دكتور تغذية و لكن مافي فايدة , و كانوا دايما يقولون لي إن هذي خلقة ربي فيني و إن هذي طبيعة جسمي و لا يمكن اني اضعف :(, انا كنت صغيرة من فوق و عريضة من تحت يعني معظم شحومي متركزة في الاوراك و الافخاذ , و كنت كارهة نفسي لدرجة ما تتصورونها , فلمّا جت عطلة الربيع كان الانترنت شغلي الشاغل و بالأخص منتدانا عالم حواء , قعدت اتصفح في المنتدى و اطبع كل رجيم يعجبني و احس اني اقدر انفذه لانّي بصراحة احب يكون الرجيم سهل و اكله متوفر عندي في البيت , و اول شي طبعته كان السعرات الحرارية الموجودة في الاكل , و من 11يناير الى 12 مارس حطيت دوبي دوب هالسعرات و قعدت احسب السعرات إلي آكلها في اليوم و كنت اعطي نفسي ما بين 900 الى 1000 سعرة في اليوم و كنت امشي العصر في الحوش نص ساعة و بعدها اركض عشر دورات في الحوش , و في الليل كنت اركض على السلم 10مرات صعودا و نزولا , و كنت ما آكل شي بعد الساعة 8 بالليل , و كنت أشرب حوالي من 6 الى 8 أكواب مرامية في اليوم , و بعد هذا كله نزل وزني و صار 62 كغ :21:, و علشان اكون صريحة اكثر كنت في بعض المرات اخربها :23:و آكل وجبات سريعة مع خواتي الله يهداهم كانوا دايما يخربون علي الريجيم , و اليوم بنات وزني صار 49كغ و شلون صار جذي ؟!!!!!!! راح أكمل لكم القصة بعدين ..... لاني تعبت و ابي اروح انااااااااااااااام .
و السلام مسك الختام ........:11: