الف مبروك على الاصرار والعزيمة:24: :24:

مبروك حبيبتي على النزول وعقبالنا
ياله هذا قاعدين نستنا باقي القصه ايش ورانا بس لاتتاخرين:26:

مبروك اختي دلوله..
انا ما ادري شو صاير فيني كل ما انوي اسوي ريجيم اكل اكثر جنه الاكل بيخلص وانا ما كنت جذيه قبل بس صار ما عندي عزيمه:44:
يالله ننتظر تكملة القصه شجعينا...:42:

هلا والله حبيباتي , و مشكورين على هذي الردود الحلوة .
و انا و الله ما كتبت تجربتي إلا لأني حاسة بشعوركم و عارفة شو الأزمة إلي مسببتها السمنة , و لكن والله العظيم يا بنات إن إلي يشوفني ألحين ما يعرفني , و الكل مستغرب كيف راح الطوق الشحمي الموجود في اوراكي .
لدرجة إني مسوية حملة صحية في بيتنا حتى خواتي إلي كانوا over weight صاروا رشيقات لانهم بعد ما شافوني ردهم الأمل في الرشاقة علشان جذي ابي اقولكم شدّوا حيلكم و اضغطوا على روحكم و راح توصلون للوزن المطلوب حتى لو كانت المدة طويلة , انا الحين صار لي 6شهور تقريبا و مروا بلمح البصر و ما حسيت فيهم و الحين الحمدلله آكل إلي بخاطري و ما زاد وزني غرام واحد حتى , بس إذا حسيت اني خربتها و طينتها بعد .,اروح المشاة و امشي لمدة ساعة .....,

و ألحين بكمل لكم باقي القصة ...........,
اعذوروني بنات انا راح اكتب لكم القصة بالتفصيل الممل لاني كاتبة يوميات ريجيمي موثقة بالتواريخ بعد .
في تاريخ 13مارس بديت بريجيم الدكتور طالب الشمري ( راح اكتبه لكم بعدين ) ليما تاريخ 14ابريل و نزل وزني من 62كغ الى 60.2كغ , ادري ان هذا ما يشجع بس انا كنت اداوم بالجامعة و ما ارد البيت الا العصر و اكون حدي تعبانة فما كنت اسوي رياضة و لا حتى امشي بعد . بعدها قريت في المنتدى ريجيم بنت الكويت الله يجزاها الف الف خير ( الريجيم المنتظر لملاك فلسطين و جماعتها لا يطوفكم 10 كيلو بالشهر ) و طبقت هالريجيم و رحت وزنت بتاريخ 12مايو ولقيت إن وزني صار 57.7كغ و ما صدقت إني دخلت في رينج الخمسينات و كملت الريجيم للاسبوع الخامس وفي تاريخ 21مايو صار وزني 55.9كغ و استانست حدّي , و رديت و كررت الريجيم ووزنت يوم 6 يونيو وكان وزني 53.3كغ و استمريت على الريجيم ليما 3يوليو و يوم وزنت كان وزني 51.5كغ و بعدها قمت اخربط في الاكل و اروح للمطاعم و آكل المعجنات بعد و لما وزنت كان وزني ثابت و ما تغير , و بعدين قررت إني أعيد الريجيم و بديت بتاريخ 19يوليو , ووزنت 27 يوليو و عندها صار وزني 49كغ , و على فكرة بنات انا من بديت بريجيم بنت الكويت ما كنت اسوي رياضة كلّش , و الحين الحمدلله بطلت الريجيم لكن احاول بين فترة و فترة إني أسوية رياضة , يعني مرة أنط الحبل 100مرة أو اركض على السلم او اروح المشاة واحيانا ارتب البيت علشان بس احرق السعرات إلي أكلتها , و من كثر ما جننت أهلي بالسعرات قاموا ينادوني في البيت بالآنسة سعرة و تصوروا اني صرت المرجع العلمي للسعرات في البيت و كل ما كلوا شي سألوني عن سعراته و قعدوا يحسبون السعرات الي كلوها في اليوم (اقول صار الريجيم في بيتنا هاجس ) .