حابه اقولكم عن تجربتي في انقاص وزني
صحيح ماهو النزول الكثير ولكن اهم شي ما احس بالحرمان حتى ما اكون مفجوعه واهجم على الاكل في لحظة ضعف .... ولا اني احرم نفسي وينزل وزني سريعا وبعدها يرجع الدبل
اول شي الاراده والاقناع مطلوبه وخاصتا في اول اسبوع.... لازم تكون عندك الاراده والاصرار .... والاقناع بانك تضعفي وتصيري احلى واهم شي تكسبي صحتك لي متى الكسل والوزن يزيد...
وثاني شي الصبر الصبر الصبر ... يعني في هذا النظام ماراح ينزل وزنك بالاسبوع 4 كيلو او خمسه بالكثير كيلوييييييين او كيلو حسب كل وحده وجسمها ... وهذا النزول يكون من الدهون وليس من سوائل الجسم
وثالث شي لا تحرمين نفسك من شي .... يعني تبين ككاو اختاري الاخف وكلي قطعه
تبين كيكه اكلي قطعه
تبين بسبوسه اكلي قطعه ..... وان شاء الله ما ياثر
ورابع شي روحي واشتري لك مثل هالصحن .... وانا الحمدالله لقيته وبديت فيه .... ووزعت فيه اكلي مثل ما تشوفون
فطوري : ابتديه اما بتوست اسمر مع جبنه قليل الدسم .... وعصير .... او بيض بدون خبز .... مع شاي وحليب ....وما استعمل سكر الرجيم استعمل السكر الاسمر
الغداء : اوزعه مثل ماتشوفون بالصحن ... اخذ من طبخ البيت بس البروتينات اخليها مسلوقه او مشويه ومرات اخليها عادي.... والنشويات اكلها مثل ماتشوفون قسمها بالصحن مره بسيط بس ما احرم نفسي من الغداء.... وحاطه لي باديه ايضا صغيره للايدام او للمرق .... وتقريبا بالغدا ابتعد عن الخبز يعني الرز يكفيني... واذا اكلت بطاط ما اكل رز يعني اختار صنف واحد من النشويات وما اخلط اكثر من نوع
والعشاء لازم يكون الساعه سسسسسسبع ..... اما توست بالجبن او بالمرتديلا .... او يكون بدون التوست افضل .... يعني شوربة خضار .... او بيض بدون خبز ... او بس زبادي
بين الوجبات .... لازم يكون الضحى والعصر يعني المغرب مافي لانك راح تتعشين بعد المغرب وتسكريييين حلجك..... ممكن يكون فواكه .... او كتكات ..... او اي حلى تبينه بس ماتكثرين طبعا
وقبل النوم اشرب المرامييييييييييه ..... واخليها يوم وترك ما اشربها يومي..... ونتايجه روعه للكرششششششه
هذا النظام شجعني اني انزل من وزني
وماراح يجيك الامساك منه لانك مكثره خضار وفواكه.....
واهم شي الراحه النفسسسسسسيه مع ان اول اسبوع راح تتعبين اشوي ... بس عادي بعدها راح تتعودين
والاهم ان معدتك راح تصصصصصصغر والله يا بنات حتى انكم من نفسكم ماراح تكثرون اكل
والحمدالله قاعد ينزل وزني بالجرامات وبدون حرمان يعني لو اقطع الحلى يمكن انزل اكثثثثثثثر... ولو العب رياضه اكيد راح ينزل اكثر ....
وان شاء الله فكرة نزول وزني تفيدكم وانتظر رايكم فيه ايضا
:42:
الله يوفقك وينحفك وانتي بصحة وسلامة يارب