"تجــمــع"يامتأخرات لنجرب<نظام غذائي+تمارين للبطن>للتخلص من الكرش 彡 لتتنفس مبايضنا彡

..بسم الله الرحمن الرحيم..

النظام الغذائي..


كثير منا يكره حكاية نصف رغيف وبرتقالة وحده وبيضه مسلوقه:22: ....الخ

عشان كذا راح اكتب لكم اساسياااااات واتبعوها ..وانا اولكم ^_^

1-على الريق "ماء دافئ +ليمون+كمون"

2- شرب7 كاسات ماء في اليوم<<لان الماء وسط تفاعلات ومايتم حرق الدهون الا فيه

3-شرب عصير الاناناس في اي وقت"انا بشتري عصير الربيع قد قريت بنات يمحدونه"والاناناس يحرق الدهون

4-اكل زبادي في اي وقت<<لانه يحرق الدهون خصوصا في منطقة البطن

5-تخفيف الاكل-تخفيف الاكل تخفيييييييف الاكل<<حاولوا تقللون كمية اكلكم المعتاد عشان تضمر المعده

6-اثناء الاكل عدم شرب السوائل

7-الامتناع تماما عن المشروبات الغازيه<<كلها مضا وتفخت بطوننا

8-تجنبوا اكل وجبه دسمه وحده في اليوم وباقي اليوم مافي شيء<<يعني حركات الكبسة بطلوها والا قللوها
عددوا وجباتكم وخففوها

9-قدر الامكان نتجنب اكل السكريات والدهون يعني بالعربي نبي نتخلص من دهون ناكلها ليش:hahaha:

10-قبل النوم بثلاث ساعات لايطب بطنك شيء ان بغيتي فاكهه او موية وبس

11-قبل النوم مباشره شرب ماء دافئ مع ليمون

هذا نظامنا الغذائي وش رايكم سهل صح نقدر نطبقه مافيه تعجيييييييز^_^

الرياضة

اول نقطه ابي انبهكم لها هي تمارين الاحماء عشان مانعور انفسنا:09:

وهي سهله:
1-المشي
امشي ربع ساعه

اذا عندك سير فالامر ميسر وسهل
واذا ماعندك سير الحوش
واذا ماعندك سير وحوش الدرج
واذا ماعندك سير وحوش ودرج وساكنه بشقه مثل حالاتي:hahaha: ابرمي بالشقه ربع ساعه امشي فيها

واثناء المشيء حركي يدينك زي المرجيحه وحركي رجولك..
2-الرقبة:

××××××××××
عذرا فالصورة مخالفة / المشرفة

بدأ الرياضة:-

واشكر الاخت ღآلاءღ لاني بحثت ولقيتها منزله موضوع بصور واخذت منه ..

بسم الله..


-1-


الاسبوع الاول: 7مرات الاسبوع الثاني: 10مرات الاسبوع الثالث:15مرة الاسبوع الرابع:20مرة

-2-


الاسبوع الاول: 7مرات الاسبوع الثاني: 10مرات الاسبوع الثالث:15مرة الاسبوع الرابع:20مرة

-3-


الاسبوع الاول: 7مرات الاسبوع الثاني: 10مرات الاسبوع الثالث:15مرة الاسبوع الرابع:20مرة

-4-


الاسبوع الاول: 7مرات الاسبوع الثاني: 10مرات الاسبوع الثالث:15مرة الاسبوع الرابع:20مرة

-5-
هذا تمرين زوجي قال لي عليه يقول يعطونهم اياه بالنادي وانه يشد عضلات البطن
رسمته رسم الله بالخير بس ان شاءالله تفهمونه


ظهرك على الارض بس
راسك ويدينك مرفوعين
ورجولك مرفوعين..بس ماتطيرينهم فوق مره يعني ارفعيهم شي بسيط تقريبا نفس الصورة

وتجلسين رافعتهم ..وبتحسين بعضلات بطنك شاده
وعدي الى رقم معين بعدين نزليهم وينتهي هالتمرين ماتكررينه فهمتوا!

اول اسبوع:خلك رافعتهم وعدي الى العشرة
ثاني اسبوع:خلك رافعتهم وعدي الى العشرين
ثالث اسبوع:خلك رافعتهم وعدي الى الثلاثين
رابع اسبوع: خلك رافعتهم وعدي الى الاربعين

-6-
التمرين المعروف اللي هو تنسدحين على الارض وتثنين ركبك
وتكون قدمك لاصقه بالارض ويدينك تحت راسك وترتفعين بجزئك العلوي الين ركبك وتنزلين وهكذا..




7مرات الاسبوع الثاني: 10مرات الاسبوع الثالث:15مرة الاسبوع الرابع:20مرة
مثل هالصورة تقريبا لكن جزئك السفلي ماتحركينه




وبسسسسسسسسس

انا ياحلوين راح ابدأ يوم السبت 21-10-2006
لانه راح يكون خامس يوم للدورة والدم خف كثييييييير

يله من تشاركنا

تسلمين والله ياقلبي نظام بالمره سهل وحلو

وعلى قولتك كاتمتنا هالكروش والله .......انا بستمر معكم باذن الواحد الأحد

وان شاء الله بعد العيد برجع للنادي علشان اسوي تمارين ويمكن ادخل سباحه

وانا والله عاجبني الليمون مع المويه الدافيه والكمون لي كم شهر مستمره عليه

احس انه ثبت وزني لحد ماارجع للنادي بس وقت الدوره مااقدر اخذه ...

الله يعطيكي العافيه ترانيم ويكتبلك الاجر في كل حرف كتبتيه ويرزقنا وياكي وجميع البنات بالحمل

الصالح المتعافى

تسلمين يا ترانيم وجزاكي الله الف خير ان شاء الله
وراح انضم لتجمع ان شاء الله لكن اذا خفت الدوره ان شاء الله والله كريم
بس في معلومه في حرمه تقول اذا المبايض تعبانه لا تاكلي شيء حامض كيف الليمون وشكرا

هلا وغلا أختي ترانيم ،،،
عاد تصدقين قبل لا أدخل تجمعنا سرب الطيور طاحت عيني على موضوعك ، وقبل لا أقرا صاحبة الموضوع قلت أكيد بتكون ترانيم ، سبحان الله طلع احساسي صحيح ، الله يعطيك العافية ، صراحة نظام وايد سهل وبسيط ما يباله مجهود ، أنا أنتظر نزول الدورة أول ما تشرف راح أنضم لكم ان شاء الله ، مع ان وزني عادي يوم أنزل يكون 58 ، ولما أزيد أوصل حدي 62 ، بس أشوف الميزاااان كتب لي هالرقم أتخرع وعلى طول أحاول أنزل وزني ، بس عندي كروشه صغيرة ، ان شاء الله يقضي عليها هالنظام ، مع اني شاكة انها تروح أحس انها صايرة مثل الجبل الثابت اللي ماممكن انه يتحرك من مكانه ،،،