Welma :

فطيرة الدجاج عجينة الرقائق اللي بنستحدمها لعمل البقلاوة بنصفها في البايركس وبين كل طبقة بندهن زبدة ولما تصفي العجينة بالصينية خلي أطرافها طويلة و طالعة لبرة كتير عشان لما تحطي الحشو ترجعي تسكري عليها بدون ما تقصي أو تحطي عجينة من أول وجديد يعني القطعة اللي فوق الحشو واللي بتغطي الصينية(الحشو) بتكون امتداد القطع اللي بقاع الصينية<<<<يا رب يكون شرحي واضح المهم نرجع نعيد من أول *بتصفي الرقائق مع الدهن بين الطبقات بالزبدة *بتحطي الحشو *بترجعي بتسكري أطراف الرقائق وبتخزقي وجهها بالشوكة أو بعود الشوي *صبي عليها الخليط المكون من (كاسة فيها 5ملاعق زيت بيضة وكمليها حليب للآخر ملح فلفل) ودخليها الفرن لحد ما تتحمر طبعا الحشو عبارة بشاميل سميك دجاجة مسلوقة ومنسخة ومنزوع منها العضم شرايح بصل مشوحة على النار جزر اختياري فطر اختياري فليفلة شرايح طويلة ومشوحة قليلا اختياري بهارات حسب الرغبة ملاحظة كمية البشاميل بتكون مافية بس انها تمسك المكونات مع بعض

فطيرة الدجاج عجينة الرقائق اللي بنستحدمها لعمل البقلاوة بنصفها في البايركس وبين كل طبقة...

Welma :

الطريقة لأم عزيزان من المنتدى بلح الشام ... السهل واللذيييييذ كان لذيذ وطريقته سهله وماتاخذ وقت ... والاهم انه ماطلع ليييييييين ... وحتى زاد اشوي منه لثاني يوووووووم ولا تغيرت ليونته المقادير : 2 قلاص طحين نص قلاص زيت او زبده (انا حطيت زيت ) 2 قلاص ماء 4 بيض 1 م ص فانيليا القليل من الخل الابيض (لرائحة البيض) زعفران وهيل وطبعا زيت للقلي وشيره الطريقه : يوضع الماء والزيت على النار حتى يغلي الخليط ثم نرفعه من النار نضيف الطحين ونخلط جيدا (اهني انا خليت المقدار يبرد اشوي لان ماحبيت اضيف عليه البيض وهو ساخن ) نضيف بيضه بيضه مع الخل حتى يمتزج الخليط ثم نضيف الفانيليا والهيل والزعفران يوضع الخليط في كيس الكريمه ويشكل في زيت غزير ساخن على نار هادئه ويقلب حتى يتحمر خليه في المصفاة حتى يبرد جيدااااااااا ( وهذي الخطوه مهمه اهم شي انه يبرد تماما حتى ما يلين بعدين) وبعدها اسقيه بالشيره البارده والنتجييييييييه ؟؟

الطريقة لأم عزيزان من المنتدى بلح الشام ... السهل واللذيييييذ كان لذيذ وطريقته سهله...

Welma :

الفتوش بتاااااااااااااااع ويلما <<<<بسوي دعاية هههههههههه اليوم خالد وهو بيفطر قال ما حد بيعرف يعمل فتوش زي ماما:icon28: شوفي يا مي مي بتختلف طرق الفتوش من واحد للتاني بس الاشي الموحد فيها انها سلطة وفيها خبز ههههههههههههه هاي الخطوة مهم عندي الالتزام فيها *افرمي بصل ناعم جدا أو ابشريه وحطيه في صحن السلطة وحطي عليه زيت زيتون *افرمي حبات بندورة تقطيع كبير <<<<من مميزات الفتوش ما بده وقت كتير في التقطيع لأنه القطع بتكون كبيرةمش زي السلطة العادية وما بتاخد وقت كتير في التقطيع *افرمي الخيار بنفس الطريقة اذا ما عندك اشي تاني اكتفي بالخيار والبندورة لا تحطي خس ولا بقدونس ممكن فجل اختياري ما بحطه أنا ممكن فليفلة كمان المهم بتتبلي السلطة (بالسماق والنعناع الناشف وعصير الليمون والملح) مهم جدا عشان تحصلي على نكهة فتوشي المميزة:42: الخطوة الأخيرة بتعمليها قبل التقديم بتكوني مجهزة خبز لبناني أو أي خبز عربي بس يكون رقيق وبتكوني مقطعاه مربعات في 2 سم في 2سم وبتقليه في زيت حامي أو بتحمريه بالفرن بس المقلي أطعم أنا بقلي خبز لأسبوع وبحتفظ فيه المهم بتحطي قطع الخبز فوق الفتوش وعند التقديم بتقلبيها معها عشان ما تطرى وتضل مقرمشة وسلامتكم ان شا الله يكون شرحي واضح على فكرة هو بسيط جدا بس الشرح كتير

الفتوش بتاااااااااااااااع ويلما <<<<بسوي دعاية هههههههههه اليوم خالد وهو بيفطر قال...