.......................................................ز
هلا اختي arwand الله يجزاكي خير ويتقبل دعائك ربي ويشفينا جميعا بأذنه امييييييييين
مع اني ما اعرفك ولا تعرفيني بس فعلا انا حاسه فيكي واعرف بالضبط كل الم وكل تعب انتي حاسه فيه .
وكل المعاناة الي الخوات هنا عايشين فيها .
بس اختي لا تقسين على نفسك .. بالنسبه لاطفالك انتي منتي مهمله وانا متأكدة انك من احسن الامهات .. والي
يخليني متأكدة انه هذا المرض ما يجي الا للانسان المثالي ..النظامي ..الي يفكر كثير بالي حوله .. ويشيل هم طول
الوقت ويضغط على نفسه .. ويبي كل شئ مزبوط وممتاز .
ولو كنا مهملين او باردين او حتى انانيين صدقيني كان احتمال مرضنا بالفايبرومايلجا 0 %
انتي سوي الي تقدرين عليه من غير ما تضغطين على نفسك .. هذا الشئ الي بيساعد اطفالك .. لانه مجرد
احساسك بالتقصير والذنب طول الوقت .. يسبب لك التوتر والقلق وبيزيد اعراض المرض عليك .. وبتقل قدرتك على
الاهتمام باطفالك .. هي مثل الدائرة تدورين فيها ... لازم تكسرين هالدائرة علشان ترتاحين .
وعلى فكرة انا عانيت وما زلت اعاني من الاحساس بالذنب والتقصير تجاه زوجي ..اطفالي وبيتي وحتى امي واهلي
الي صرت ما اشوفهم الا بالقليل . بس الي عملته اني صارحت الكل بحالتي .. شرحت لهم مرضي بشكل مبسط
وقلت لهم عن الالم والارهاق الداااائم الي عايشه فيه .. واني غير الانسانه الي كنت قبل .. وان قوتي وطاقتي
وامكانياتي نزلت الى ما دون الصفر !! بعد كذا الي قدر ظروفي الله يكثر خيره .. والي ما قدر الله يهديه .. ما بايدي
شئ اسويه ! وسبحان الله اطفالي وهم صغار تفهموا مرضي واشوفهم حاسين فيني اكثر من ابوهم مثلا !!!
واكثر من بعض افراد العيله!!! الي بعضهم مكذبني والبعض الثاني مهو مقتنع والثالث اعوذ بالله شمتان !!
بس هذول ما يهموني ولا يعنون لي شئ . لانه فعلا الاوقات الصعبه هي الي تبين لك معادن الناس !!
اما بالنسبه لزوجك فأرجوك اختي لا تحسسينه انك مقصرة .. وانه له جميله عليكي لانه متحمل حالتك !!
ارجوك لا تفكرين كذا .. مرضك مو غلطتك .. ولو كان هو المريض كان شلتيه من الارض شيل ..صح ولا لأ ؟!
اذا كان مقدر الله يجزاه خير .. بس احساسك بالتقصير تجاه .. وانه له حق يتزوج عليكي وما سواها ...اسمحيلي
هذي غلطه كبيرة تسوينها بحقك وبحقه بعد!! ... حاولي قد ما تقدرين لا تبيني المك قدامه طول الوقت .. ولا تشتكين
له طول الوقت .. ترى الرجل بطبعه ملول وما يحب الحرمه الشكايه . ادري ان هالشئ صعب .. بس عاد هذاا فضل
بكثييييييير من انهم يتزوجون علينا !!
بالنسبه للموقع على الفيس بوك بسجل معهم ان شاء الله .. وانتي بعد .. سجلي معهم .. ترى المعرفه نص العلاج
وان شاء الله يكونون جروب متفائل ومتعاون ..لانه اخر شئ نحتاجه هو احد يحبطنا او يسبب لنا اليأس والحزن
لان مرضنا بكبره كله اكتئاب والم وتعب وتشائم .. علشان كذا نحتاج نساعد انفسنا نطلع من هالظلمه الي احنا فيها !!
القاعدة الذهبيه لمرض الفايبروماياجا ( كل ما تكون مرتاح نفسيا وهادئ وسعيد ..كل ما تحسنت اعراض المرض )
ما تختفي تماما لكن تتحسن بأذن الله .
ان شاء الله بكتب عناوين مواقع على الفيس بوك والوب عن الفايبرومايلجا بالانجليزي للي يحب يطلع عليها .
دعائي لكم جميعا بايام خاليه من الالم
.......................................................ز
هلا اختي arwand الله يجزاكي خير...
يشهد الله أنني أحببتك في الله يا أم عبد الله ألتمس فيك الطيبة
يا صحبة في الله تحلوا الحياة بكم اني في الله ووالله أحبكم,,,أسعد الله قلبكِ بدعوة لا تُرد
والله أعاني هذه المرة من دوار مستمر,,وكالعادة مع الآلام اليومية والاكتئاب اليومي والله المستعان,,والحمد لله على كل حال..
أنصحكم بالحجامة والمداومة عليها كل شهر ,فهي تخفف عنا الكثير ,,والدعاااء الدعاء وهو أعظم علاج باذن الله