ذكريات الأمس :

صباح الخير يا بنات كيف الهمه اليوم وليده تتهنين بالبنطلون يا عمري إن شاء الله ما يجي العيد الا وانتي تلبسين سمول والله يخسف أوزاننا جميعاً وفعلاً الرياضه مهمه بس مين اللي تصمل عذب الجوري شلونك ريفااااال وش أخبارك بعد خبصة أمس بنات وش رأيكم كل وحده تقول أنواع الرياضات اللي مارستها ورأيها بكل نوع حتى نشجع بعض وناخذ بنصيحة وليده بالنسبه لي أكثر رياضه حبيتها المشي السريع بالهواء الطلق الوقت يمر من دون ما أحس لكن بما إنه مافيه هواء طلق بهالوقت من السنه مضطره امارس رياضه ثانيه جربت السير بس ما حبيته أبد ممل لآخر درجه فتركته جربت الأوربت تراك وعورتني ركبتي وتركته تمارين كروز رهيبه وسريعه بس لأني من سنه ونص وانا أمارسها مليت خلاص و صرت ما أطيقها وش بعد..... نط الحبل يقولون يحرق جربته فتره بسيطه وتركته خفت على صدري يترهل البكسنج خيال للزنود مع الريجيم و الإستمرار لفتره ما تقل عن شهر ضربات علوية وسفليه و بمستوى الجسم كل وحده 100 مره باليوم أما أسوأ انواع التمارين كانت الكارديو ما استفدت منها أبد هاذي تجربتي اتمنى نتفق على كمية من التمارين نسويها مع بعض يومياً حتى نتشجع

صباح الخير يا بنات كيف الهمه اليوم وليده تتهنين بالبنطلون يا عمري إن شاء الله ما يجي العيد...