bellecat :

يوميات الثلاثاء دايت : ماشي الحال بدل المشي نصف ساعة : عملت 10 كارديو المعسكر اليوم الاول و25 دقيقة ستوت بيلاتس تمارين المعسكر تمام نسيت التصورات الماء6 عملت تقشير للجسم وحطيت مرطب مكان ستريتش مارك وكريم لوريال لشد الجسم . للوجه عملت تقشير ثم تنظيف المسام بنتوجينا ثم ماسك منقي للبشرة من نيفيا. عملت ماسك الزبادي للشعر . قبل النوم وضعت كريم لوريال للوجه وكريم لتحت العين من كلارنس. واخر شي حطيت فازلين لاقدامي ولبست الكلسات طوال بعد الظهر. يعني يوم عناية بامتياز . يوم الاربعاء: الدايت: ماشي الحال المشي نصف ساعة تمارين امعسكر تمام الماء: 5 بشرة: تنظيف البشرة بغسول نتروجينا وبعدين حطيت كريم لوريال وكلارنس تحت العين الجسم: مرطب للستريتش مارك بقي لي التصورات اليوم ومبارح وكريم الجسم والمكملات والبشرة العناية المسائية . اخ منك يا ام محمود يعني الا طلعت على الميزان , مبروك بس شكلك انهوست الميزان بعد الاكل وقبل الاكل . يعني فينا نقول ان دايت ام محمود : الفطور فيتا مع خس وطلعة على الميزان والغداء ملوخية وطلعة على الميزان . يا شيخة ارحمي نفسك وفرضا هالميزان تنح وما رضي ينزل شو بيصير فيك . معلش ما بدي خرب فرحتك بس ارحمي نفسك خخخخخخ ما في حل معك ابدا مبروك مبرروووووووووووك حلوة هالمفاجاة . خبرينا عن عالم الخمسنات كيفه لسا مثل ما تركناه حلو وكله خفة ورشاقة؟؟ ما مشتاق النا ؟؟ خخخ جايين الك يا حبيبي ( عالم الخمسينات ) . تمام يومياتك وما مشكلة الوقت بس افضل عشانك اذا بدك حطي ساعة مكان الاكل عشان فورا تلاحظيها . احكيلنا عن شعورك وكيف شايفة جسمك بعد ما عرفت وزنك يعني جسمك هو نفسه ما تغير باللحظة قبل ما تعرفي وزنك واللحظة اللي عرفتي فيها وزنك احكلنا كيف تغير شعورك . الرشيقة : حلوة يومياتك وكم يوم لسا رح نقعد نحلل يومياتنا نشوف البلاوي الزرقاء اللي عم نعملها بنفسنا . الله يجبر بخاطرك وينحفنا كلنا يا بنات وينور بصيرتنا .خخخخ سلمتك يمناك ويسراك . اغصان الشمال: ماشاء الله عليك ربي يقويك ويعطيك الارادة . تفصيلك للموضوع حلو . لكن المهم انك تطبيقنه على كل وجبة يعني اذا بترجعي على يوميا ام محمود بالرد اللي فوق هذه الضبط الطريقة . دوني بها الشكل على دفترك وهون اذا حبيت المهم متابعة هالمعلومات لكم يوم عشان تقدري تكتشفي نموذج الاكل الخاص بك . مثلا : الفطور االساعة 7 تناولته في المطبخ وانا جالسة امام المائدة درجة الجوع 1 مايتة من الجوع .اكلت 5 قطع جبنة كل وحدة بحجم اصبعين و5 ارغفة خبز كبيرة و9 كاسات كولا . برتقالة فوشية :معلش طبعا ممكن بس المهم انك تكتبي هالتفاصيل على دفترك عشان مهمة جدا . بنات حبيت شارككم هالتجرية اليوم : اليوم الصبح وانا عم جهز حالي لروح على الشغل شفت النطلون االجديد اللي مقاسه صغير عليي ومن زمان حابة قيسه بس خايفة انه ما يجي . قست البنطلون الصبح وكنت خايفة انه احبط منه لاني متاكدة انه اصغر من مقاسي . وهذا اللي صار : طلع البنطلون براحة كثير ولكنه على البطن ما زال صغير يعني السحاب ( السوستة ما بتسكر) . للحظة فكرت رح احبط وروح اكل وما بعرف الشغلات اللي بنعملها ولكن داخلي كان في شعور بالفرح شعور صغير بالارتياح . تفاجات من نفسي يمكن بدي لسا كثير حتى يجي على مقاسي بس صار مرتاح على الافخاذ يعني نحفانيين .. صح سمنتي بالبطن بس كمان موزعة بكل جسمي .يعني عم انحف من كل جسمي . وفهمت شو اللي صار انا صرلي 8 سنين سمينة بس قبل كنت نحيفة . بس تخيلوا اني بهالالسنين نسيت شو يعني هالشعور يعني حتى نسيت كيف بينحف الواحد او شو يعني . كنت متخيلة انه بينحف الواحد لما بيصغر بطنه كذا قياس . بس اللي عم يصير معي شي ثاني عم يتقلص جسمي كله من كل محل . اقدامي نفسها نحفت . افخاذي اللي كنت معتبرتها نحيفة او ما كثير سمينة نحفانة . خصري باين عليه وحتى معصمي نحفان . معقول ذاكرتنا بتضعف لما نسمن وبننسى كيف كنا نحس . دائما بسال نفسي لما بشوف وحدة نحيفة ولابسة الثياب اللي بتبين انها نحيفة يعني لا تخجل بجسمها وواثقة منه.كيف عم تحس بها اللحظة يا ترى بتفكر شو لابسة بتفكر بجسمها بتحس بالضيق من البنطلون اللي لابسته او انها ما عاد تفكر بها الامر وتستمتع باالجلسة والحكي لاني بشوف البنات النحاف بيحكوا وبيضحكوا وبيستمتعوا ما بعرف اذا حاسين بها الشي انه في شي بيقيدك شي بيمنعك تنطلقي شي بيمنعك تكوني على سجيتك وتكوني انت بكل بساطة . مرة قريت شي انه السمنة هي بالعقل مش بالجسم : فكان في امراة وزنها 150 كيلو طبعا هي سمينة ولما تمشي بالشارع الناس تتطلع فيها شي نظرة شفقة وشي نظرة قرف وشي لوم ….. والاولاد اللي يشاور عليها فتسحبهم امهاتهم عشان لا تنتبه وتنزعج واللي يفسر لابنه انها مريضة . ولما تجي تطلع بتكسي يرفض لانه رح تميل السيارة او بابه صغير ما بتقدر تدخل منه…. نحفت المخلوقة وصارت رشيقة وبتقول مرة كنت عم وقف تكسي ولما وقف قلتله امشي يا اخي امشي قلها ليه قالتله مش رح اقدر ادخل من باب التكسي . استغرب الشوفير وقال طلعي بنفسك في المراية انت وزنك 50 . هي بعقلها لسا شايفة نفسها سمينة وما في بالدنيا شي رح يقنعها حتى لو بتصير 40 او بتلبس xs اذا لسا شايفة نفسها من الداخل سمينة . وهون خطر في بالي سؤال يا ترى لما بتنحفي وبتصيري رشيقة بوضوح جدا للاخرين رح تتجراي تلبسي بلوزة ضيقة تبين رشاقة خصرك وبطنك او لسا بنظر نفسك سمينة . رح تتجراي تلبسي شي غير اللبس الواسع اللي تعودت عليه رح تتجراي تتقبلي جسمك الجديد وشكلك الجديد او لسا رح تستمري بالملابس اللي تخبئك؟؟؟ ( بالحدود الشرعية طبعا) انت عم تنحفي بعقلك ومن جوا شايفة نفسك نحيفة او عم ينحف جسمك ووزنك عم ينقص على الميزان بس لسا قدام نفسك انت فلانة السمينة . فائدة تصوراتنا اليومية انه تجعل عقلك يصدق انك نحيفة ورشيقة حتى يحول هالشي لحقيقة على ارض الواقع واهمية انك تشوفي نفسك نحيفة وتصدقي هالشي لو كذبتك المراية انك ما ترجعي تسمني بعدين . بسبب صورتك الذاتية . مرحبا بتعليقاتكم

يوميات الثلاثاء دايت : ماشي الحال بدل المشي نصف ساعة : عملت 10 كارديو المعسكر اليوم الاول و25...

bellecat :

محاضرة اليوم عن وضع الاهداف بالطريقة الصحيحة : ما هدفك لقد اجبنا جميعا عن هذا السؤال من قبل والهدف من ذكره ثانية اننا قطعنا معا ما يقارب 5 اسابيع اي انك جربت الرياضة والدايت ومررت خلال ثبات وزن ونزوله والبعض بزيادة الوزن اي انه قد اصبح لديك خبرة عملية بما ستمرين به وبما ستفعلينه وما يجب ان تفعليه لكي تخسري الوزن الزائد والان اسالك : ما هو هدفك ؟؟؟ مثلا هدفي ان اخسر 30 كيلو من وزني واثبت على الوزن 57 كيلو انتظر اجاباتكن حتى نتابع محاضرتنا غدا .

محاضرة اليوم عن وضع الاهداف بالطريقة الصحيحة : ما هدفك لقد اجبنا جميعا عن هذا السؤال من قبل...

bellecat :

تصورات اليوم الخامس : رؤية صديقة قديمة: تصوري نفسك وانتي توقفي السيارة في ساحة انتظار السيارات في المطار لتقابلي صديقتك. القي نظرة في المرايا الخلفية ,انك تبدين اكثر صحة وسعادة, واقل عمرا عما كنت تبدين عليه منذ سنوات. تتجهين بسرعة الى السلالم وتصعدين عليها متجاوزة درجتين في القفزة الواحدة. استشعري قوة جسدك بينما تقفزين بسرعة فوق كل درجة من درجات السلم اليس من الرائع ان تستطيعي التحرك بسرعة دون ان تلهثي؟ تصلين الى البوابة في موعدك بالضبط لتري صديقتك تقترب. تبتسم ابتسامة مهذبة وتقول لك "معذرة " وتتجاوزك دون ان تعرفك, فتنناديها باسمها وتقولين لها: انه انا! تستدير صديقتك وتبدو عليها علامات الذهول, وتقول: هذا لا يصدق. ماذا فعلت بنفسك؟ فتبتسمين انت ابتسامة مشرقة.

تصورات اليوم الخامس : رؤية صديقة قديمة: تصوري نفسك وانتي توقفي السيارة في ساحة انتظار...