صباح الخير
كيف الحلوات
طبعا الكل كسلان والهمة ما عادت زى الاول
ومعظم الحلوات تراجعو وما عادو يكملو
عم بدور على طريقة ترجع النشاط زى الاول والالتزام كمان
طيب هلا خلينا نشو ف الاسباب اللى خلتنا نتكاسل
كل واحدة حسب ظروفها
انشغلت بالبيت والنقل واللى النت بيفصل عندها واللى مرضت واللى حست وزنها ثبت ما تحرك وفكرت انو ما فى فايدة
بما انو الموضوع هيك ان ضلينا على هذا الحال كلنا راح نطفش واولكم انا
هلا اللى بدو يصير معلش يا بنات بدكم تسامحونى من البداية قبل ما تكملو كلام وما تعصبو عليا لانو الحال هيك مش مزبوط ومش عاجبنى
وطبعا احنا اخوات وما المفروض نزعل على بعض لانو بدى مصلحتكم
تابعونى بالرد التالى لتشوفو شو بدى احكى وتمعنو بكلامى منيح
وبعدين اعطونى رايكم
والشغلة رأي شخصى مش اكتر بس المهم انو كل واحدة تدور على مصلحتها

مرة تانية سامحونى لانى راح اقسى عليكم شويتن مش شوية واحدة
اولا ببدى فى الاخت الغالية بيلى
الله يعطيكى العافية والله ما قصرت حاولت تشجعينا وتلمينا كلنا لفريق والحمد لله الموضوع مشى الحال لفترة من الزمن واجت فترة غبتى للسفر وبعد ما رجعت كان الكل تقريبا تكاسل وزاد التكاسل كمان
بيلى صحيح انو انت صاحبة الفكرة وعم تتعبى وتجيبيلنا شغلات وكتر الله الف خيرك وبارك فيك ويجزاك الخير
لكن وجودك ضرورى بينا غالبا بعد سفرك صرتى طلى بس بالليل بالغالب وتعطيى التعليمات وتشجعيى بس مش زى الاول وخصوصا ارجعى لاول الصفحات
بعرف انو ممكن تكون ظروفك بس معلش حبيبتى احنا بنطلعلك على انك قائدتنا وقدوتنا صحيح كل واحدة لازم تدور على مصلحتها وهى الادرى بنفسها وانتى مش مجبورة تلزمى اى واحدة بالالتزام بس حبيت تكونى صارمة اكتر معنا
اما بالنسبةللنقطة التانية
اذا لاحظتو انو البنات تقريبا بدى الكسل عنهم بالاسبوع لتالت ومشينا الاسبوعين الاولين حلوين مع تخبيصات خفيفة
اللى صار بالاسبوع التالت انو كسلنا وكنا كلنا بنستنى المعسكر ومتشوقين على امل انو المعسكر يشد همتنا اكتر واكتر وعلقنا عليه الامل
بيلى ما تزعلى فكرة المعسكر حلوة جدا واكتر من رائعة واحلى ما فيها انها تسمحلك انو تهتمى بنفسك من جميع الجوانب نفسيا وجسديا وتعليم الغذاء صحيا
بس برأى انو المعسكر ما كان عند طموحاتنا وامالنا اللى علقناها عليه على انو يرجعلنا الهمة
معظمنا حاول يلتزم باول يومين نشاط لكن بالغالب الكل كان يخبص وما يلتزم كتير
لانو توقعنا انو الرياضة تكون اكتر المجهود اكبر الاهتمام اكبر على اساس انو هاى الفترة اللى بدنا نخس فيها ونضعف الكتر شى
وكلنا من جوانا كنا عازمين على نفسنا انو معلش خبصنا الاسبوع التالت بكرا بالمعسكر بنعوض
انا ما بلومك بيلى مرة تانية سامحيننى والله
بحكى هيك من قهرى وخوفى على البنات ان بقت الهمة هيك ما حدا حيضل للعيد
وكمان نقطة للاخت بيلى الحلوة ماتزعلى بس ارجعى لليوميات انو معظم اليوميات ما عملت فيها الرياضة وطبعا الفريق بينظر للقائدة وبيطلع فيها معلش القائدة متساهلة مع نفسه واحنا زيها
مرة تانية بمرر كل واحدة صحيح مسؤولة عن نفسها وما حدا بيلومك وما تزعلى للمرة الالف

رمش العين يا غالية ماعليكى كلام ما شاء موجودة دايما وبتحاولى تفيدى الجميع وبكفى خفة دمك العسل
الاصلاتى ما بعرف شو صاير معها كانت اكتر واحدة ملتزمة ومتشجعة وبتشجع الجميع ونفسها بالكاس بس بدأت تختفى تدريجيا وشكلنا ما راح نعود نشوفها وتعتذر ولو انى بتمنى وجودها بينا لانو اسلوبها كان مشجع دايما للجميع عسى ربى يرجعها زى الاول تدعمنا
برتقالة فوشية
يا احلى برتقالة
شو يا عمرى مالك يعنى الك فترة ما فى التزام بالمرة ارجعى للامسسسسسسس شوفى يومياتك حتلاقى التخبيص بيزيد معك شوى شوى
ما تزعلى كلنا زيك بس بدنا حدا يصحينا اوعى تعصبى
وانت وعدتى تبدأى من السبت بداية جديدة وانا بدعيلك من كل قلبى انو الله يوفقك
هيك بدى اياكى ياغالية
انسى اللى راح وما تلومى نفسك واعتبرى انو يا ستى كلنا كنا اجازة ورجعنا لانو كلنا زيك مش بس انت
وكانو التحقتى بالجروب من جديد والهمة والنشاط اعلى ما يكون
قومى اغسلى وجهك وصحصحى واشربى شاى بالنعناع بدون سكر واقراى الموضوع مرة واتنين وعشرة
وعاهدى نفسك انو الفترة اللى جاية جديدة وما راح نخبص فيها قد ما نقدر لانو التخبيص حيتبعه عقاب وعقاب شديد واللى حيكون متعب اكتر من العقاب بيكفى تأنيب الضمير والحكى لكل البنات مو بس الك
احلا الوقا ت زعلتينى والله بتمنى انك ترجعى بكلامك وتستمرى معنا ونبدى بداية جديدة وعلى فكرة يا بنات اللى بيصير معنا اشى عادى جدا والكل بتيجى فترة خمول
(يا الله والله زهقت بدى ارجع اكل زى الاول ما قادرة اوفى بالالتزام والله مقصرة خلص بترك وبعدين برجع حتى لو انك تركت سنة او 2 او 3
هذا اشى بدو حل )هيك عقولنا من جوا بتحكى
وما راح ينحل بيوم او يومين او تلاتة
تفاصيل الماء
والله يا حلوة ظروفك متحكمة بعدم وجودك والله يعينك بس والحمد لله ما شاء الله قدرت توصلى للمتالى وهذا ممتاز بس مش كافى لازم تكونى معنا دايما على الاقل حتى تثبى وزنك وما يعود يرجع ونصيحة لك ما تنزلى اكتر من هيك كافى جدا بس خليك على الرياضة حتى تتمتعى بالرشاقة والخفة والحيوية خليها 3مرات بالاسبوع وهذا ما راح اعملو ان شاء ربى لما وزنى يوصل لررقم اللى ببالى
ماما 3 مرحبا بعودتك وكلنا ناطرين همتك العالية والبداية الجديدة لانو كلنا اخذنا اجازة مفتوحة بتمنى انك توكنى بنسية افضل من الاول وطبيعى الواحد تيجى فترة يتعب اذا كان الجو يتقلب ويتغير احنا ما بدنا نتغير
وتتقلب مزجاياتنا
الرشيقة بحيكى على التزامك بصراحة ما شاء الله عليك مع انو دايم عندك عزايم والاولاد والطلعات والمشاغل لكن ما شاء الله قادرة تشدى حالك ومعظم الواقات ما بتخبصى
يا ربت تكونى هيك دايما والله يعنيك وان شاء ربى انك توصلى للى بدك اياه بس بدى منك همة اعلى شوية والتزام اكتر واكتر
اما اغصان البطة الف سلامة عليها ويا رب رجلها تطيب عشان ترجع زى الاول وانشط كمان وتوصل لهدفها وتحققو وتتمتع بالرشاقة واللياقة


يا رب ما اكون نسيت حدا من الحلوات الملتزمات معنا بالرنامج اذا نسيت حدا ذكرونى
للمرة المليون ماتزعلو يا غوالى كلو حتى نرجع الانتعاش ونصحصح ونرجع احلى جروب وانشط جروب بالدنيا

طيب هلا بدى احكى كمان كلمتين للجميع
للمرة المليون ما حدا يزعل
احانا جروب وبتهمنا مصلحة بعض

الكلام اللى بالاسفل هو نظامى للايام القادمة حتى ابعد عنى الكسل وحبيت اشاركم فيه
روحى اغسلى وجهك وحضري كاسة شاى حلوة وصحصحى حالك
انا عن نفسى حعطى حالى كفين حلوات عشان اصحى واكب على راسى شوية ميه
بداية جديدة للجميع
شعارها لا للتخبيص لا للحرمان نعم للرشاقة والتمارين الرياضية نعم للحياة الصحية
اولا

لا للتخبيص
بيلى ما قصرت اعطتنا معلومات غذائية رائعة وجدا مفيدة
والحلو فى هذا المعلومات انك اصبحت قادرة علة انك تحددى وجباتك الصحية تمام وتعرفى شو بدك تاكلى والكمية وتحددى ساعة الجوع ما تاكلى الا لما تحسى بالجوع بس
قسمى وجباتك اليومية بدل تلات وجبات خليهم خمسة على ان تكون الوجبة الاخيرة قبل الثامنة او السابعة يعنى بعد صلاة العشى بشوى
اكلك من اكل البيت ما تعملى وجبات تانية لحالك بدل ما تاكلى على مرة واحدة كلى على مرتين او كلى الوجبة مع العيلة وتعلمى تصبرى نفسك بس بين الوجبات خذى شى خفيف فاكهة خضار
عقاب التخبيص سيكون كالتالى خبصت وعكيتى وخربتى لازم تمشى نص ساعة كعقاب زيادة عن المدة المحددة يوميا ان كان التخبيص اكتر من الازم المشى اكتر كمان


لا للحرمان كلنا اشتهينا الحلو فى الفترة اللى مضت منا من قاوم من ما لم يستطبع
بالنسبة اللى كنت قادرة اكل لقمتين حلو وارتفع بس اللى لاتحظتو انى بعاند نفسى وما بترك الطبق فى الفترة الماضية اللى لما اكملو مع انى بحس انى شبعانة بس احساس جواية بيخلينى اكل ويعدين بيبدا عذاب الضمير
لا للحرمان الاسبوع سبع ايام كلى حلو او بسكويت او كيكة اللى بدك اياه يومين فقط بالاسبوع
اشتهيتى المقالى مرة واحدة بالاسبوع فقط الاسبوع هذا كلى باذنجان مقلى الاسبوع الجاى بطاطا
هيك بتنبسطى وبتكونى مرتاحة ومتشوقة اكتر انك راح تكافئ نفسك وطبعا الكميات محدودة مش كتير طبعا


اما التمارين الرياضة اجعليها عادة يومية اذا كنت بتحبى تمارين خفيفة بس فى اليوم 10دقائق او اقل كل يوم التمرين لازم تعمليه ويجب ان تنوعى فى تمارينك حتى لاتقوى عضلة على حساب الاخرى
اذا مارست تمارين شد البطن يجب ان تقوى عضلات الظهر لان معطم الذين يمارسون تمارين البطن يتجاهلون تقوية عضلات الظهر ومن ثم بعد فترة يعانون من الام
بطبعة الحياة العشوائية والفوضى وعدم الالتزام من رأى انك ما تلتزمى طول الفترة بتمارين على نفس الشاكلة حاولى تغيرى
بعنى عملتى الاسبوع هذا يوميا تمارين 10دقيقة كل يوم لمجموعة عضلات مختلفة
الاسبوع القادم تمارين لمدة ساعة او اقل شوى تلات مرات بالاسبوع
طبعا المشى يومى اقل شى نص ساعة وكلنا عارفين بدائل المشى ان مليتى طلوع ونزول درج نط حبل هرولة اللى تحبيه
بالنسبة اللى افضل المشى يكون كما هو والانشطة الاخرى تعتبر رياضة اضافية
هذا نظامى للايام القادمة ومعلش اعذرونى للمرة الالف ان قسيت على حدا منك او بدر منى تجريح
لكن ليكون بمعلوماتكم كل هذا لمصلحة الجماعة
وانتظر ارائكم بصدر رحب
حبيت اضيف شغلة للبنات بالنسبة اللى احد اسباب كسلى ما بدى اكتبكل اشى بعملو من عناية واهتمام وواجبات وتصورات وغيرو فكنت اكسل كتير حتى الجدول معظم الايام ما شيكت عليه ان رجعلى هذا الاحساس راح اكتفى بوضع الاشارات على الجدول واضعها امامكم مع تعليقات بسيطة
تعبت من الكتابة ان افتكرت شى رجعتلكم واتمنى انكم تستفيدو من هالكلام وتبدأو بداية جديدة وموفقة للجميع

معلش اضافة اخيرة قبل ما اقوم كتير احيانا بنكون بحاجة لخبطة على الراس حتى نصحى
ارجعى لكلام الحلوة بيلى اللى باول الموضوع اول صفحة
كانك بتكبى مية باردة على راسك
وهلا اشوفلكم كمان روابط منيحة للصحصحة


هذا موضوع لحافية القدمين والله انو امر على منا لكفين اللى ممكن اعطيهم لحالى خزنو عندى ودايما بسمعو


http://forum.hawaaworld.com/showthread.php?t=2560660


واضافة اخرى ضعى اما عينك اهداف صغيرة حتى عندما تحققيها تشعرى بالانجاز
انا عنى وصل وزنى 59 والميزان يتارجح مرات يعطينة 58 بس يرجع يغبر رايه
هذا الاسبوع هدفى انو الى الميزان ما يتارجح يوقف على 58 يعنى كيلو ولحد فقط وراح اكافا نفسى بشغلة حلوة لما ينزل وزنى هذا الكيلو