تجهيزاتي لنفاسي حسب خبراتكم وتجاربكم

السلام عليكم ورحمة الله وبركاته 
كيفكم ياكروشات وكيف استعدادكم للنفاس 
الله يسهل عليه وعليكم وعلى كل مسلمة باقي ع ولادتي شهر ونص بأذن الله 
سويت لي جدول نفاس ناتج من خبرات بنات المنتدى الله يجزاهم الف خير وحبيت اسوي لي كورس كامل شامل فجمعت كل شي ونظمت كل شي وبحثت كثييير ودونت كثيييير:3_3_103:
وطلعت بهالعلب ،،،:icon28:
كل اللي اتمناه ان الخبيرات بهالمواضيع زي التاجرات ام عبودي وقشر قهوة وعاشقة تراب الجنة ولايهونون الباقيات واي وحدة ليها تجربة وشافت ان جدولي يبي له تعديل او تصحيح تتفضل مشكورة وربي يجزاكن الف خير . 
نبداء بسم الله 
علب النفاس 
1- علبة لهوم لأول عشرين يوم الصبح ع الريق وقبل العشا .
1- علبة العشرين يوم الأولى ،،،
لهوم ال 20 الأولى من النفاس
مقاديره
بياله الشاي حلبة
نص البياله حبة البركة 
فنجان قهوة كمون
ملعقه كبيرة قرنفل
2- علبة لهوم لأخر عشرين يوم الصبح ع الريق وقبل العشا .
2- علبة العشرين يوم الأخيرة،،، 
الخمس الفناجيل ،،،
فنجان محلب
فنجان رشاد حب
فنجان قرنفل
فنجان فلفل اسود
فنجان كمون
3- علبة شاي اعشاب بين الوجبات وطول اليوم . طوال الاربعين
3- علبة شاي الاعشاب ،،،
  قشر قهوة
 كمون
 قرفة
 يانسون
 شمر
4- علبة دواء القهوة مع التمر في المساء وليس عالريق ((( يشرب مع التمر عالريق حليب دافي مع فلفل ابيض ))) وبين الوجبات .4- علبة دواء القهوة ،،،
 فنجان قهوة مرة
فنجان قهوة كمون
ملعقة كبيرة عنزروت
ملعقة كبيرة قرنفل
فنجان مقل
5- علبة مكونات الغسول مجموعه بدون طحن.
5- علبة مكونات الغسول،،،
في اخر عشرين يوم 
ارطا
 ملح فارسي
 قشر رمان
اول 15 يوم بعد الولادة باسبوع ،،
مرة وملح فقط


6- علبة مكونات الكبو مجموعه ومطحونه .
 6- علبة مكونات الكبو ،،،
  قشور بصل
 كمون
 مرة
 محلب 
حبة البركة
 خواجوا
7- قارورة المنقوعه وتشرب مرتين في اليوم بالغطاء .
7- قارورة النقوعه ،،،
عنزروت 
مرة
ذرة محلب
8- علبة التمر المعبوط مع السمن ويفضل مايضاف لها رشاد الا بعد ان يجف دم النفاس . 
8- علبة التمر المعبوط ،،، 
تمر 
سمن 
رشاد
حبة سودا 
فلفل اسود
شمر وكمون مجروشين
9- علبة دواء الحليب ويشرب ع الريق
9- علبة دواء الحليب ،،،
ربع كاس فلفل ابيض 
ربع كاس فلفل اسود 
ربع كاس حلبة 
ربع كاس حبة سودا
نص كاس شمر
ربع كاس كمون
كاس ماش
تخلطينها وتطحنينها وتحطين ملعقه من الخلطه في كاس حليب دافئ وتشربينها على الريق لمدة اسبوعين وبعد كذا نسوي نفس الخلطة بدون حلبه ونستمر عليها لنهاية الأربعين
وبالله التوفيق 
هذا جدولي اخذته من نظام التاجرات 
ونظام المجربات 
وتعبت عليه كثييير من بحثي وتجميعي 
عشان اطلع من نفاسي وانا فل الفل بأذن واحد احد 
لأن هذي بتكون ولادتي الرابعه وكلللللل ولاداتي السابقه ماكنت اعرف شي عن كل هذا ولا كنت افهم شي بحكم اني بغربه وبعيدة عن اهلي وامي مسكينة ماتعرف الحاجات هذي وكل عيالي جو ع بعض واحس اني فعلاااااااً محتاجه جدول ونظام يظبط كل اموري وبأذن الله بيكون هذا هو 
بس حبيت اسأل الخبيرات اذا فية غلط او شي مهم ماكتبته نبهوني تكفون ومابنساكم من دعواتي لان هذي فرصتي وماتجيني الدورة الشهريه الا بعد سنة او سنة ونص حسب رضاعتي للطفل فما ابي اقصر في شي بنفاسي  
ع فكرة قشر الرمان متى يشرب وكيف ؟؟