وشلونكم حوائيات عساكم بخير وعافيه
اشتقت لكم كثيييييييييييير بس لي فترة طويله ما انزل مواضيع وفرغت نفسي هاليومين عشان اكتب
هذي اول مشاركه لي بقسم الامومه عسى ربي يحفظ لنا عيالنا ويرزق كل محرومه
اول شئ بتكلم عن التجهيز والافكار الي استفدتها من المنتدى وخبرتي المتواضعه
وثانيا عن قصه ولادتي
عندي طلب اتمنى انكم تدعولي اقوم بالسلامه اانا والنونو وان ربي يسخر لي دكتورة طيبه تولدني طبيعي وما تتعبني بالخياطه
الحين باتكلم عن التجهيز
طبعا هشوم بكري وانا ما عندي خبرة ابدا بالاطفال كوني وحيده امي
لكن ام زوجي وخواته ما قصروا ساعدوني كثير كوني ولدت عندهم
بديت اقضي من يوم اني بالشهر الثالث صادف تخفيضات مذركير
وسنتر بوينت 2011
اخدت من سنتر بربتوز نيو بورن ب60 اتوقع لبسه بالعافيه 10 ايام وضاق بسم الله عليه
فنصيحه لا تكثري نيوبون خذي من 0-3
اما من مذركير بالتخفيض 80
اخذت مقاس 3-6مالقيت الوان حلوة لعمر اقل
حلوة ما عليها لكن لما بديت احطه على المشايه تنتفت الرجول مدري يمكن بسبب الاحتكاك
هذي من الهرم ومذركير ومن كذا محل
تجربتي
حاولي تاخذي بربتوز للركبه لان اذا كان اقصر من كذا مع البامبرز كرمتو يطلع لفوق الفخوذ وينحشر وكنت اضطر افك الطقطق الي بالوسط
عشان يرتاح النونو والشكل ابدا مو مرتب
حاولي تلبسي النونو بربتوز لين ما تطيح سرته لان لبس قطعتين ممكن يضايقه
قد ما تقدري كثري داخليات لانها تنعدم بسرعه خصوصا اذا ما عندك غساله اتوماتيك او شغاله
الداخليات لا تاخذي ام سيورخذي كت لانها تنحشر بالكتوف ويحمر الجلد لو امتلى البامبرز كرمتو فيضيق البربتوز كونه مسكر من تحت
لاحظت على الصناعه السوري ضيقه شوي ومتعبه باللبس
في نوعيه صناعتها هنديه حلوة وتنمغط عند الراس موجوده بالهرم وعليها ستكر عند البطن
الكوفله خذي اكبر مقاس لا تنغري بالي تنباع كطقم مع اللبس لانها صغيرة وما تصلح تقمطي النونو فيها صح
مو شرط تكون بطاقيه
المناشف الصغيرة اخذتها من الهرم ب7 بس خشنه شوي ومن ستي ماكس ب15 وعايشه للحين ما شاء الله
المناديل من مذركير غير معطرة حلوة وماعليها اشوفها زي باقي الانواع
ميزاتها الوحيده ان غطاها يتسكر
ممكن تجيبي أي نوع وتحطي شطرطون عريض وشفاف وتغلفي العلبه بكيسه حتى لا تنشف المناديل
الشفاط من سنتر بوينت ما استفدت منه \
اغراض الرضاعه
شريت ترمس عادي لانه يهمني يحفظ المويه اكثر من انه يحتفض بالحرارة بس عيبها تاخذ مكان بالشنطه لان حجكها كبير شوي هالمرة شريت من سنتر ماركه السيف نحيفه وطويله ما تاخذ مكان
فرشاه تنظيف الرضاعه الغالي مثل ابو 2هذي من سنتر وخربت بسرعه
طبعا جبت قدر وركوه خاصين لغلي المويه والرضاعات ميزانيتي ما سمحت اشتري الجهاز ولا عندي مكان احطه فيه دعواتكم ربي يرزقني بيت اوسع واحلى
وجبت ملح ليمون لان قدور الالمنيوم تصدي بسرعه لو طولت المويه فيها
الرضاعات مافي احلى من بيجون عن تجربه
الصغيرة خصصتها للاعشاب والوسط للحليب والبلاستك نوبي للمويه طبعا نضفتهم وغليتهم وحطيتهم بالثلاجه ليوم الولاده
فوط الرضاعه مذركير ما عليها وتطلع ريحه نوبي عاديه وصغيرة احسن نوع بيجون
اللهايات جبتها احتياط ما تعود عليها الحمدلله
اغراض الشاور
شريت 3 مناشف قلت لوتوسخت وحده الثانيه جاهزة والثالثه احتياط
في كل شي حاولت اجيب 3 عملت حساب اني مقدر اغسل وصعب اطلب من ام زوجي وضيوفنا كثييرررررررررررررررررررر والمويه تقطع باستمرار عندهم
هذ الاسفنجه تسندك وقت ترويش النونو والمخده جبتها عشان تساعدني بالرضاعه او اجلس عليها ما استفدت من ولا احسها ضروريه
اخذت احسن نوع بامبرز الي هو بالقطن لكن هالمرة بجيب العادي
المسحه الطبيه لتنظيف السرة من محل المستلزمات الطبيه بالضباب
المعقم السائل من سوق الفلبين اعقم فيه كل شئ وما استغني عنه
المشط والمقص من سنتر بوينت
والباقي من بنده
URL=http://forum.hawaaworld.com]
وهذا لبس اول يوم
بربتوز نيوبورن, طاقية,قفازات, مريله, كوفله ولحاف
وهذي من سنتر بوينت قلت استغل التخفيض
الحين نجي لحوستي
هذا لبسي وطلع فيه شقوق فلازم شلحه بنفس اللون من تحت ونصيحه خذي ابو ازرار لا تغرك هالشقوق مو عمليه بالرضاعه
وطقمت معها كم طرحه قطنيه
لفيت حلويات وعلوك وسويت سله بتصميم بسيط
وطبعت اذكار بنيه صدقه جاريه عن النونو
وشنطتي حق المستشفى حطيت فيها
غيارين ملابس داخليه
لبسي انا والنونو وروب وشراب
فوط نسائيه باجنحه-سوفي-وفوط رضاعه
صابونه لايف بوي ديودرانت فرشاه اسنان ومعجون صغير معطر فم عينه شامبو
كحل وبودرة ومسكرة وروج زهر لحمي ومناديل مذركير تنفع لمسح المكياج عود اذن
مسك العروس من القرشي
معطر جو ايروك فرش البخاخ المائي
كاميرا مع شاحنها
تمر ومويه ابو نص ومرة منقوعه وزيت مقري عليه
مشط وبكل ومنشفه شعر صغيرة
عبايه
مناديل ديتول المعقمه للتواليت
كاسات ورق استخدمتها للتشطيف بحلول البيداتين نصيحه صديقتي الله يجزاها خير
وهذي التمرة جهزتها للنفاس افطر عليها مع كاسه حليب
الي بالسمسم للعشرين الاولى
الي بالحبه السودا للعشرين الاخيرة
وهذي طريقه ام سلطان الله يجزاها خير
ولتنظيف الاعشاب استفدت من ابداع سنتر الله يرحمها ويغفر لها ويجعله صدقه جاريه لها
هذي الملفات الي نسختها من المنتدى واستفدت منها
الجزء الثاني بتكلم فيه عن قصه ولادتي وش النصايح والااخطاء الي سويتها
هذي ملابس النونو الجديد الله يجيبه بالسلامه وتام الخلق من دون زياده ولا نقصان
وهذا للشنطه
المفروض طقم جديد لكن مالقيت شئ مناسب وعلى بدايه الشهر بروح سنتر بوينت ان شاء الله بس قلت اخذ احتياطي ممكن اولد باي وقت
ادعوا لي اقوم بالسلامه ويجعل ولدي تام الخلقه بدون زياده ولا نقصان وربي يسخر لي دكتورة طيبه تولدني طبيعي وترحمني بالخياطة
فيني دوالي وشايله هم لا يولدوني عمليه
وهذا موضوع كتبته اليوم استفسر
سؤال بخصوص البنج في التوسيع والخياطه
http://forum.hawaaworld.com/showthread.php?t=4026532#post82504506
وادعوا لي تعدي فترة الاربعين بدون مشاكل وتوتر وارجع بيتي بسلامه مرة مغتمه لاني مراح اولد ببيتي
والاامور متعقده بيني وبين ابو الشباب على الاخرررر الله يسخره لي:(
هي ملفات ورد ياليت تعلموني الطريقه