تشجيع للي حاب ينحف وقصتي مع السمنه وكيف نزلت

السلام عليكم ورحمة الله
اخباركم جميعا ان شاءالله بخير


الإفراط في الشيء مضر والشدة في تاشيء كمان مضر !
الوسسط يا جماعه وخير الامور اوسطها

كل وحدة تمسك ورقه وقلم تكتب ايش الاشياء اللي تاكلها على مدار اليوم من يوم ما تصحي الين ما تنامي !

انا عن نفسي يوم ما شفت ! ما صدقت اني اكل الكميه هادي ( ماشاءالله )

الصباح ساندوتش وعصير ، الظهر شبسات وبسكويت ، العصر اتغدى وماشاءالله كأني ما اكلت قبل ساعه او ساعتين ، المغرب انقنق في اي شي شبسات فصفص فشار ، العشاء اتعشى بطاطس مقليه او اسخن الغداء

مااااشاااااءاالله ! :06:
ليش كدااااا ؟! حراااااام ولنفسسسك عليككك حقققققق
فرض صلاه هو :icon810:

وانصدمت من نفسي جدا جدا !
لكن استمرييييييييت !
ارادتي كانت منتهيه ومعدومه

دخلت دايت سنتر ومشيت على رجيم
اول ما انتهى !؟ رجعت زي ما كنننت
وقفففت مع نفسسسي وقفففه صاادقه وجريئة وجااااارحة :


مشكلتي ، ان كل شخص اعرفه او ما اعرفه يشوفني يمدح بجماااالي وملامحي وينهي كلامه ب ( لككككن دبببببه )
كنت اتضاااايق مرررررره ، طيب ليش اتضايق ؟! انا لو تزوجت ما حأرضى اتزوج بني ادم في وزني ؟! هو حيرضى ؟!
نعمه الجمال اللي ربي انعم علي بها فييينها ؟! انا مو شايفتها !! تستااااااهلي انتي مسويه في نفسك كدا !
طييب لمما انخطب اضبط نفسي ! يااا شيييييخة ؟! ومين اساسا حيخطبك وانتي كدا ؟! انحفي اول وبعدين انخطبي ! وبعدين تعالي افرضي انخطبتي واتزوجتي وانتي وزنك كدا ؟! لا حمل حيضبط ولا زوج وتتهني فيه وحتمتني زياده لانه الزواج بطبعه معروف انه يمتن !
رقبتي تعورني وظهري مخلوووع مدري اشبي !! خليني اروح الدكتوور ! ( انننننحححححففففيييي الااااوووول كل شيء فييييكييي معدوووووم بسبب وزنك )
اوووف الطرحة مطلعتني دبدوبه لازم الفها كويس ؟ لا خلاص خليني ابحبحها حبتين عشان خدودي ما تطلع ! طيب وجسمك ؟! برضك دبه

كل دا في كوم وصحتي في كوم عسى اهلي ما نحفت عشان الجمال والزواج ! انحف عشان صحتييييي !

وعلى حظي الوقفه النفسيه هادي كانت في رمضان :nerd:

بدأت حررررممممت نفسسي من كل شيء كنت اكل لقمممه ( بلا مبالغه ) واقوم !
وما نزلت ؟! انقهررررت وعرفت ان الشيء دا ما حينفع

صرت احط في صحني من ( كل نوع لقمه ) او قطعه او ملعقه
واطول في المضغ واترك فتره بين لقمه ولقمه ( اتكلم ، اصب عصير ، اغرف لاحد )
سبحان الله يقلك بعد 20 دقيقه ترسل المعده للدماغ اشارات انها شبعت
المهم اني استمريت على الشيء هذا فتتترررره اسبوعين !
والحمدللله نزززلللللت كثير لأني من النوع اللي انزل بسرعه ماشاءالله وحتى ازيد بسرعه
( بالنسبه للي يقولو اللي ينزل بسرعه يرجع يمتن بسرعه بعدين اتفاهم معاكم ) :biggrin:

معدتي تلقائيا صغرت لان الكميه اللي تدخلها صارت اقل وما عاد صارت تتقبل الكميه القديمه

اللي يسألني تاكلي كللللل ششششيء ؟! ( ايوه اكل كككككككل شيء ) بس كمييااات صغيره ( لقيماات ) حتى حلى وشبس اكلت بس لقمة او لقمتين اسمي ما حرمت نفسي وذقته وفي نفس الوقت ما زاد وزني

طبعا انا اللي اسويه دا ما يمد للرجيم بأي صله لأن الرجيم ممل ويحدد اكلات وبكميات ويا انها متواجده او غير متواجده وممكن ما تحبيها ! يا هووو ما يسوى العذاب دا الررررحمه !

وبعد شهر :) نفسيتي بسبب اسباب دراسيه اتدهورت
بدأت اخرررب كثييير في نظامي وروتيني

لككككككككن سبببحان الله عقلي اتبرمج اني انتبه لاكلي ووزني
كنت قبل ما انام كل يوم اقيس وزني ! هاه زدت ما زدت
اذا زدت كنت اعوض بشيء ثاني
استمريت كذا 10 ايام
وكان اللي زاد في وزني غرامات !!
( علما باني كنت اكل فاست فوود )

اتشجعت اكثر ورجعت لنظام حياتي اللي بديت اتعود عليه
وصرت اشرب شاهي اسمه ( الرشاقه)
بعععدد الغدااااااء فقط لأن الغداء احسه اثقل اكله
وترا اكل كل وجباتي لكن الفطور ( لقمه واحده بمعنى لقمه )
والعشااء احياننا اسحب عليه لأني ما احس بجوع
واذا اتعشيت اكل لبن زبادي خالي الدسم

وفعلا انا مستمره عليه ولي اليوم من نص رمضان شهر ونص
والحمددددللله بتوفيق الله نزلت ماشاءالله 20ك والطلوب كمان 20 زيها
قولو ماشاءالله عشان ربي لا يضيع تعب احد

نصايحي :
1-خففو بأكثر شي تقدرو عليه لكن لا تحرمو نفسكم لانه الحرمان ما يساعد على النزول والنفسيه لها دور كككككككبببببببيييييييييييير

2-حاولو تستبدلو الاشياء المضرة باشياء مفيدة وحاولو تتلذذوها

3- اذا كنتو طفشانين ارقصو انا الشيء هذا ساعدني او امشو

4- الموووووويييه يا جماااعه الخخخييييير شيييء جمممممييييييييييللللللللل وعلى فكره كل كوب يحرق معدل 40 سعره بعد ساعه :)

5- وقفو اكل قبل ما تنامو ب3 ساعات

6- اكيد الكثير يتحسس من كلام الاهل الازواج ( ياخي متنتي ، مين حيتزوجك ، كيف حتربي اولادك على شي مو صحي ) ترا هما يخافو عليكم فلا تعاندو لانكم تعادو نفسسسسكم مو اكتر

7- شجعو نفسكم واعطو رسايل ايجابيه طول الوقت لانه كل الموضوع متوقف على النفسيه

8- خللو هدفكم في النزول لوجه الله يعني مثلا انا اعرف وحده تبغى تنحق بس عشان تقدر ترجع تسجد لله لانه بسبب متنها ماهي قادره ( الله ينولها اللي في بالها )



واهم نصيييييححححة :
برمجو عقلكم وتفكيركم ونفسيتكم ولا تستخدمو رجيم مؤقت بس غيرو نظام وروتين حياتكم بشكل ما يخليكم تنحرمو وبشكل يخليكم تنزلو ومنها روتين حياة جديد


 وبس انتهيت انا كدا حاولت اعطيكم كل شيء مريت بيه وادري مررررره طولت لكن حبيت اوصل الصوره كامله وانا مستعده لاي سؤال ومساعده :33: