تصرفات او افعال تكرهينها في المجتمع وودك انها تنقرض

هذا الله لا يبلانا ان شاء الله يسمونه مكياج العزاء الوحده فيهم ما تستغنى عن المكياج حتى بالموت .......:(

وبالنسبه للموضوع كثير اشياء ودك تتغير بس ما فيه امل من التغيير ومن كثرها ما اقدر اعددهم ......

اكره الكذذذذذذذذذذذذذذذذب والتمثيل واللي يسوي قصص بس عشان تصدقينه وكذبته تمشي وتصيرين زي الغبية بنظره

في شي قاهرني فاقع مرارتي
الي هو استهتار الحريم بنفسهم يعني تتزين وتتكشخ وهي طالعه على السوق بس عشان تلفت الانتباه
اوتتميلح مع الكاشير اوالصيدلي او البايع عشان يراعيها
عمره لا راعاني ولا ابي منيته حتى دامني واقف بحترامي وادبي
اليوم اختي تسولفلنا عن وحدا شافتها في السوق
تقول البنت شكلها محترمه يعني لابس نقاب ومحتشمه ماهي متزينا
جالس تكلم الكاشير توصفله جكيت شرته من عندهم والكاشير رجال وسيم
تقول رافع يدينها على الطاوله ويدينا باينين وهي بيضه وتوصفله الجكيت بيدبنها وباسلوب دلع
((ذاك الجكيت الي له طاقيه وله سحاب وتاشر على صدرها وله خط ازرق من ورى وهي تلف يدها على ظهرها تبي توري وين الخط الازرق تقول اختي احس البنت شوي وترقص باليه تقول انا مت عليه ضحك والرجال طايح وجها
امانه ما ودك تذبحيها هذي ((الحمد لله على نعمة العقل))

تقهرني اللي تعاديك وتتصيد زلاتك وهي ماشافت منك إلا كل خير

وتقهرني اللقافه ..

وتقهرني اللي تستغبيك وهي تدري بقرارة نفسها انك داهيه !

تقهرني اشياء كثير خليني ساكته احسن

السلام عليكم ورحمة الله

كل ملاحظاتكم فعلا واقعيه وصايره بكثره ,,

والاخت قصيميه غير ...عندما قلتي هذه الملاحظه
وتقهرني اللي تستغبيك وهي تدري بقرارة نفسها انك داهيه !
والله انك صادقه ,,,
كثير تتعامل معك على انك ماتفهمي وانك انسانه ولاشيء
رغم انها عارفه انك تعرفي وتفهمي وتنتقدي ؟؟
الا انها تفضل نفسها عنك ...وتجعل منك ولاشيء ؟؟؟

واللقافه كمان يوووه عاد هذه يامكثرها بالمجتمع ؟؟؟
الاغلبيه منا يعاني منها باانواعها ,,,
وبعدين احيانا لقافه تسم الكبد ....
*******************************************


كمان عندي اشياء ودي اني ماعاد اشوفها بالمجتمع ؟؟؟
اولا ............
الالحاح الشديد عند الشحاته لك وانتي بسوق او بمكان عام ..
واحراجك امام الناس ...
ثانيا ,,,,
عندما تدخلين بعض المحلات وليس كلهم ,,منذ ان تطأ رجلك المحل
هب الا وعامل المحل ياجنبك والا قدامك يوريك هذا ويعلمك وش هذا
ويضايقك بحركاته اللي تفقع القلب
( لكن انا اكسحهم على طول اقول لوسمحت عندي عيون
والحمدلله اذا بغيت شيء بقولك )
واحيانا بعد هذا اللف وراءك وبالاخير يحطمك ويقول في مقاسات كبيره خخخخخخخخخخخخخخ:22:
واحيانا من اولها مايعطيك نفس تتنفسين ,,الا هجوم ويقول في مقاسات
كبيره ,,تحطيييم اهيء اهيء اهيء هههههههههههههه
طيب يمكن ابغى اشتري لابنتي والا لاختي نحاف
وشله شغل طيب خخخخخخخخخ

ثالثا ...
بعد في امور ثانيه ,,,ودي انها تنقرض....
.عندما تجتمعين بحريم سواء قريباتك او من معاريفك ..ويستلمونك
سين وجيم ؟؟وتحقيق ؟؟
الصراحه اللي زي كذا اسفهم وماارد عليهم ؟؟ ارد بكلمة ماادري ؟؟
يمكن ؟؟ الله اعلم ,,؟؟ سبحان الله ؟؟ الله المستعان ؟؟

رابعا ,,
كمان لدي ملاحظه الحمدلله الله انعم عليا بعيال ولله الحمد ..
وربي رزقني فيهم الولد والبنت والجمال والكمال لوجه الله ,,
يعني مافي مجال للغيره من احد ..يارب لك الحمد والشكر
طيب ليه بعض الحريم اذا شافت وحده مدحت بنتها
والا ولدها الصغيرون ( كونه صغي مثلا او اعجبها كخلقته ماشاء الله )
على طووووول هبت فيها بطريقه هجوم ..
وقالت (((ماشاء الله الا اله الا الله ؟؟؟؟)))) ويييييييه يعني جوعانه عيال؟؟؟استغفر الله ..وين الاحترام والتقدير كوني زيها عندي زي ماعندها

انا معاها لو اني محرومه ؟؟ لو اني مااذكر الله ؟؟
المشكله تقولها وانا قد قلتها قبلها وربي ماشاء الله تبارك الله ..
الله يخليه لك .
وبرضوا تقاطعني بصوت جرأة ووقاحه ماشاء الله ماشاء الله ,,
لاحد ماتحرجني وتخليني ماعاد اطالع بولدها والا بنتها ,,
بسم الله الرحمن الرحيم
والمشكله اغلب اللي يسون هذه الحركه ..انا قد معلمتها من زمان
دائما اقول لها انتبهي لعيالك ودائما قولي عليهم ذكرالله .,,,
يعني انطبق المثل اللي يقول
علمت ولدي الرمايه ويوم اشتد ساعده رماني ,,,
سبحان الله ,, علمناهم الشحاده وسبقونا على الابواب
وماهو فقط بهذا الامر وبكل الامور ...
في اي نصيحه اقولها لوحده ..بعد فتره الاقيها منفذتها فيني
ههههههههههههههههههههههه شرالبلية مايضحك وربي ,,

خامسا ....
كمان في حركات اذا كنت بمجلس نساء كلنا نساء مسلمات نخاف الله
في منا الملتزمه وفي منا العاديه ,
,يكون التلفزيون مثلا مشغل على اي برنامج
مانبغى نقول غناء ....( الغناء معروف انه مثلا منكر وحرام ) طيب مااختلفنا
مثلا كان في مسلسل عادي او برنامج عادي
,,,طيب احنا كلنا 20 امرأة بالمجلس
راضين وساكتين اللي تبغى تتفرج تتفرج
واللي ماتبغى ماهو لازم.................... صح والا لا
تخيلوا واحنا كذا نتفرج ونسولف ونضحك ومنسجمين مع بعض
شوي الا وحده نطت وقالت سكوا التلفزيون ماابغى المسلسل حراام ؟؟

طيب حرام والا حلال .... مااختلفنا ... لكن نختلف في طريقة الذوق واحترام الاخرييين ,,,,,,صح والا لا ,,,,,,
طيب انتي مثلك مثل غيرك اسكتي وتقبلي الوضع اللي انتي فيه
ماهو عاجبك الوضع .. الله لايهينك روحي بيتك ,,,

في حركه ثانيه ..مره تضحك قهرررر,,
تخيلوا بزواج اختي جايبين الدي جييه ,,
وحاطين كلها أغاني دق حق زواجات وعروس يعني مثل
اللي بالعروس العاديه طقاقات اللهم انها جايه على شكل اشرطه ,,
واغاني وطنيه وعرضات شعبيه ,,اوكي
والله يابنات تنادي عليا وحده من المعازيم
اعرفها طبعا وش تتوقعون تقول لي ,,

تقول الله يخليك ام ياام عبد العزيز خليهم يوطون على الصوت
والا يصكونه ؟؟!!!!
قلت والله ياحبيبتي احنا في زواج ماو بكيفي في اهل عريس وعروس
وبعدين الليله ليلة فرح .. وش تبغينا يعني نجلس كذا نطالع بعض ؟؟!!!
بالله ويش رايكم ,,,
وقت فرح وعرس ومناااسبه وحوالي 400 حرمه جايه القصر
تقولي روحي قولي لهم يوطون على الصوت والا يقفلونه ؟؟!!
الى اي مدى وصل الاستحقار بااهل العزيمه ؟؟؟

بالله ويش رايكم يعني ؟؟انا بصراحه اعتبرها لفت نظر؟؟
وكمان وربي انها رياء ؟؟ يعني يعني شوفوني ياناس انا انكر المنكر؟؟؟
اي منكر ؟؟ وهى جايه فرح وعرس وطرب؟؟؟
ياسلام ليه ماهى عارفه يعني؟؟
طيب ليش جات مادام انها ماتبغى الطرب ؟؟
بالله قد شفتم عرس من غير دق ؟؟؟ مااعتقد الا بالعزاء ؟؟
استغفر الله



على العموم والله عندي امور كثيييره واشياء تقهررررر..
وبجعبتي اشياء افضع ؟؟؟ لكن مانقول الا
سبحانك اللهم وبحمد ك استغفرك واتوب اليك

خلينا ساكتييين احسن مثل ماقالت اختي قصيميه غير..

لكن بااكتفي الى هنا ,,وان شاء الله لي عوده اذا امكن..

ومشكورة اختي على الموضوع الحلوووووو ...

تحياتي ,,:)