تطلقت وعمري 21 والحين عمري 27 شوفوا السالفه

انا بنت ملكت وانا عمري 21 واخواتي قبلي اثنين ماتزوجو
وتزوجت الكبيره بنفس السنه وانا لما صار عمري 22 تطلقت من دون زواج بسبب مشاكل
وعشت حياتي عادي مبسوطه وكذا واهلي ماقد حسسوني اني تطلقت عادي يعني الوضع
والتهيت بالدراسه وكذا
والحين لي ثلاث سنوات متخرجه من الجامعه ومليت طفشت من جلسة البيت ومعاملة اهلي لي بدت تسوء جدا
احسهم ماهم شايفيني شيء ويقولو دوري شغل بدال جلستك
يعني نظرتهم ماحبيتها
على العلم عندي اخت اكبر مني بسنه وشوي مفوته لولد عمي وهو الحين بالخارج يدرس باقي له شهر ويخلص دراسه ويجي يملكون ويتزوجون بشهر 10 لان مجهزين كل شيء
وانا الوحيده اللي باقيه بالعيله ماني عارفه وش مصيري
....
انا احس بإكتئاب فضيع
ليه م انخطبت بعد طلاقي ؟؟؟
صح بتقولو لاحقه ع الزواج والمسؤوليه وهذا الكلام
انا من تطلقت الين السنه اللي فاتت مافكرت بالزواج ابد
لكن الحين صار عمري 27 ومابي اتأخر واتزوج على كبر
ومهما كان كل بنت تحلم بزوج وتحلم باطفال وبيت لها وحياة مستقره يعني تفكيري مو شفاحه على الزواج
بقد م اني بتزوج وبستقر وبكون اسرة جميله واطفال
وبيت مملكه لي صغيره
احيان يجيني تفكير انو ماعاد بنخطب لاني متطلقه
رغم اني بنت مادخل علي ابد
الموضوع فضفضه احس كبت بصدري لين قلت بس