تعالوا نبدأ نسويلنا برنامج عناية للعيد

مرحبا اختي

كان ودي افيدج ..

لكني انا بعد ودي ببرنامج عناية قبل العيد .. اتمنى يكون البرنامج سهههههههل

عموماً انا معاج بانتظار مشاركة العضوات ..
؛؛
؛؛
؛؛
ورمضان كريم :)

وانا معاكم

بسم الله الرحمن الرحيم
ببدأ انا
للوجه .. راح استخدم بيبي فيس او اكستراديرم لمدة عشر ايام علشان اشيل الجلد الميت المتئذي
من مكياج وسهر وشمس الصيفية .
وبعدين اريح وجهي ثلاثة ايام واستخدم فيها مضاد التهابات .
وبعد ذلك راح استخدم كريم مغذي من لوريال لليل وكريم تفتيح يولاي للنهار وراح ان شاء
الله استخدم اقنعة طبيعية علشان احافظ على النتيجة ( نيدو + خيار + بياض بيضة )
( شوفان + حليب ) ( قشطة )
وان شاء الله راح اشرب عصيرات منوعة يوميا + سلطة منوعة يوميا .
للجسم .. راح اسوي حمام مغربي مرة بالأسبوع وادهن جسمي بعدها بكريم البابايا من بودي شوب
وراح استخدم يوميا خلطة ( صابونة غار + ماء ورد + 2 جليسوليد + زيت جلسرين + فنجان قهوة من زيت خروع و لوز وزيتون + 2ملعقة كركم + فكس ) وادعكه بليمونة وملح
بليفة بودي شوب .
راح العب رياضة لشد الجسم .
راح اشرب ان شاء الله 8اكواب موية علشان انظف جسمي من الداخل وعلشان النضارة .
الشعر .. باركولي رحت لطبيب جلدية وكتبلي على انبولات للشعر وبخاخ بستمر عليهم + اخذت فيتامين
من GNC للبشرة والشعر والأظافر + شريت ماسك من لوريال بسويه مرتين بالأسبوع .
لليدين والرجلين .. راح اسويلهم سكراب كل اسبوع + ادعكهم بليمونة يوميا اذا ما نسيت + ادهنهم
بالجليسوليد + وكل ما سويت قناع لوجهي لطخت فيهم بعد .
وبس .. علما ان بشرة وجهي مختلطة وبشرة جسمي شديدة الجفاف وشعري بعد جاف ..
وسلامتكم .. في انتظار برامجكم .

جدوولك حلووو وبحااول اطبق منة

والله موضوع مهم انا بعد كنت افكر بنفس الشئ .. انا بشرني دهنية اللي في بالي استخدم الشوفان والبطاطس والحليب ... واذا فيه شئ تقدرون تفيدونا ياليت ما احد يتأخر