بنات هذه الفانيليا السائله بالبرتقال الي قلت لكم عليها
روووووووعه احط ملعقه كبيره تعطي نكهه جميله للكيكه مع اضافه نص كوب سميد وذوقي احلى كيكه

اول شي جيبي صدرين الدجاج ونظفيها وغسليها وقطعيها شرايح صغيره وخفيفه وحطيها في طاسه فيها علبة زبادي وعصير ليمونه وفصين ثوم مفرومه وعصير ليمونه البهارات ملح وفلفل اسود وبهارات الشاورما وخل واذا عندك دبس الرمان حطي مقدار ملعقه وببريكا وكمون وكزبره وغطيها وخليها تتبيل في الثلاجه من اربع ساعات ليوم كامل

بعد ماتنبل جيبي مقلاة واسعه وحطي فيها شوي زيت وحطي الشاورما على نارهاديه وقلبي شوي بس تنشف حطي لها بصله مقطعه شرايح وقلبي الين مايذبل البصل وسكري النار وخليها على جنب جيبي بطاطس وقطعيه مكعبات وتبليه بملح وفلفل وكزبره ناشفه وببريكا وثوم بودر وبصل بودر واقليه اذا قلايه هوائية حطي معهم شوي زيت زيتون واقليها في زيت غزير وطلعيها على ورق نشاف

الصوص حطي في الخلاط علبة زبادي وملعقتين طحينه سائله وعصير ليمونه وشوي ملح

الحين جيبي الصينيه حطي اول طبقه البطاطس بعدها الدجاج الي سويتيه وآخر طبقه الصوص وبالعافيه وخلاص تتوكل بالخبز بدون ماتتحمر ولا شي بس رشي وجهها بشوي سماق وممكن ترشين بقدونس مفروم تطلع احلى بعد

فتة الباذنجان السريعه

جيبي الباذنجان قطعيه مكعبات واقليه في زيت وخبز قطعيه بعد مكعبات واقليه في زيت حار واذا تحمر طلعيه

جيبي صينيه حطي طبقة باذنجان طبقة خبز ونفس الصوص الي فوق ورشي وجهه بالبقدونس وبالعافيه

المصقعه البسيطه اقلي شرايح باذنجان وشرائح بطاطس حبتين لكل نوع وجيبي الصينيه حطي تحت البطاطس وبعدين فوقه الباذنجان في الخلاط طماطتين وسط مقطعه ونص علبة صلصه ومكعب ماجي وبيالة مويه وملح وفلفل كزبره وكمون وبهارات وببريكا واخلطهم زين واصبها على الخضار الي في الصينيه واقصدرها وخليها في الفرن من تحت الين تنشف المويه ويتغير لونها للأحمر احطها من فوق تاخذ لون

نجي لصينيه سهله مره مره مره ونتوكل بالخبز اي خضار تحبين قطعيها ملفوف جزر بطاطس كوسه باذنجان قرع طماط وبصل وثوم وتجيبين الدجاجه منظفه ومغسوله ومقطعه ارباع ومتبله بملح وفلفل وكمون وكزبره وتحطينهم في الصينيه فوق الخضار بعد ماتصفين الخضار في الصينيه جيبي طاسه وحطي فيها نصف كاس مويه ونفس البهارات الي في الدجاجه وتحطين معها حبتين ماجي ونص علية صلصه وتحركينهم الين يذوب الماجي وصبيها على الخضار وقصدريها زين ودخليها الفرن ارفعيها في الوسط ساعه او اكثر عاد انتي شيكي عليها بعد الساعه وكل ماقعدت اكثر صارت احلى من تحت بعد ماتستوي تماماً شيلي القصدير وحمري وجه الدجاجه وبالعافيه عليكم

يوشا روووووووعه الكاسترد تسلم يدك فعلا أحس بتكون نكهه الموز فيه حلووة
أذكر اول كيكه عملتها كانت بحليب الموز أبو ريال
كانت نكهتها رووعه
شامبو هيربل تسلمي ع طرق الصواني

الفريك فعلاً لذيذ ومشهور اوي في مصر في منطقة الصعيد وله كذا طريقه في الطبخ وطبعاً اشهرطريقه له الحمام المحشي فريك.جزاك الله كل خير.

رفع