راس المعزّة

اختى بطلع عن الموضوع اشوي وبسالج عن ام دويس هل كانت صج موجودة ولا خروفة من خراريف الاوليين

عزيزتي أحلى عيون اسمع عنها والكل يؤكد حقيقتها وأنها مب لتخويف الصغار وبعد يذكرون لج منو هم ضحاياها من البيت الفلاني وفلان اللي راح وما رجع وووووو وايد........ الله يحلنا من طاريهم....

راس المعزّة مشكوره حنا نسميه ( ضاطور أو الوزغ )عيوني ذكرت بعد

يقولك أذا طاح سن الصغير لازم ترميه وقت طلوع الشمس وتقولييين ( ياعين الشمس خذي سن الحمار وعطيني سن غزال ) هههههههههههههههههه

لا ومب زين ترمينه في الزباله ووووووووووو

وعلى قولك رميناه بالزباله وبالشارع والحمد لله هاذا أسنان طلعت خراااااااااااافاااااااااااااااات أوليييييييييين:26:

راس المعزّة
اميين يا رب العالمين000 وتسلمين عزيزتى

وتذكرت

يوم كنت حامل رحت اكشف وقالوا الطفل متربع ( جالس )

ودخلت عليه وحدة يوم كنت ببيت امى وقالتلى مو زين تجلسين متربعة علشان ما يتربع الطفل في بطنج ولازم تفردين رجولج
واستغربت فعلا لانى ما قلتلها عن الكشف

سوالف الاوليين حلوه ماينمّل منها

بعد كانوا يقولون الحامل زوجها المفروض ما يقطع شئ...او يؤذي حيوان مثلا

واحد من الاهل قطع خياشيم (سمك الجرجور) كان صايدنه...وطلعوا 2 من عياله عندهم تشوه خلقي في الفم مثل القطع اللي صار في السمكة...والحمدلله سووا عملية تجميلية وانتهت المشكلة.

بعد كانت يدوه (جدتي) تقول لا تحومون (تنقزون) على واحد راقد عشان مايطلع قصير القامه.