عزيزتي &ليمووونه& :
ذكرتيني بسالفة السرة هذي أتصدقين أني أحتفظ بسرة بناتي كلهن للحين لأن زوجي العزيز حاب يحفظهن للذكرى !! ودايما كل ما أولد ينبهني على هاي الشغله مع أني ما أهتم !!

وهنا عندنا قريبا الكلام متقارب مثلا اللي تحب الأسواق يقولون لها شو سرك مقطوع في الأسواق؟؟ وأنا لو شاورتني أمي وأنا صغيرة كان قلتلها ترميه في الحرم المكي رحتها من سنتين ولازال قلبي معّلق فيها...لو يوم بس أروح وأطوف وأصلي يا الله يا رب أنك توصلني بيتك الحرام اللهم آمييييييييييييييييييييييييييين

كثير من اللي قلتوه عندنا وكنت ناسيته بس ذكرتوني به
عندنا كمان يقولو ان الطفل إذا كبر يحب مكان سره وكان البعض يحطه في كتاب الإنجليزي لإنه عقده ويبغونه يصير مترجم ههههههه تخيلو لو أول ما يبدأ بالكلام يعلمونه ماما يقول ماذر ( مادري هي صح ماما بانجليزي ماذر) شكل سرتي في كتاب عربي.
تصدقون ذحين اكتشفت ليه بنتي مجننتني على الدواليب والله نسيت سرتها في دولابي مع البكلا ت<<<<<<<<< شكلي بغيرمكانه :27:

برضه بيقولو إن اللي خارقه زمام ماتقابل حامل ولا يلتهب عليها ( قصه ) <<<<<< أحب القصص
أنا خرمت قبل ما أحمل وكنت أعرف بهذي التخروفه بس ما آمنت بها المهم بعد سنه حملت والتهب مكان الزمام ولما راجعت الدكتوره سألتها إش أحطله مرهم وكان معاي زوجي تدخلت الممرضه اللي عندها ( بفلسفة الجدات) قالت لا تقابل حامل قال زوجي إيوه هي حامل... مايدري عن القصة وأنا ماتشوفوني من:42:

هوى الغالي تسلمين على المرور والمشاركه وها الأضافه الحلوه ..........:26:

للرفع:27:

حلوة خراريف يداتنا خواتي ماتشوفن انه كثيرمن الخراريف متشابه في دولنا ؟
يعني هذا الشي يمكن يكون متعارف عليه وهذا مابيكون الا عن طريج تجارب عرفوا من خلالها هذا الشي . انا متبجره بولد اول ماطاحت سرته قالن يداته انهن بيربطنها في ظهر الناقه علشان ايي يحب البوش !!!!
مخليتن شي اقوله خلصن الخراريف:mad: يمكن يت متاخره اذا تذكرت شي برجع بسره.