انا فلسطينية و في الاردن وفلسطين نفس العادات تقريبا أهم شي لااااازم القرفة اللي هي السينامون بتكون مغلية و بتشربها الوالدة باستمرار لتنظيف الرحم .. و كتير مهم تشرب اليانسون لمنع الغازات ..
في عنا شي اسمه كراوية بينطبخ مع الرز المطحون زاكي وبيتقدم للضيوف كمان .. انا ما بحبه وما بعمله لما اولد وما عندي فكرة اذا مفيد او لأ ..
طبعا الاساسيات شوربة الخضار و الدجاج لازم والحلبة في ناس بيدققوا عليها انا مستحييييل المسها ولا ادخلها البيت :) .. وكمان الحلاوة الطحينية بيقولوا بتدر الحليب بس انا ما بحبش طعمها (ما خليت شي) .. المهم انا اللي مقتنعة فيه انه الاكل المغذي والصحي هو الأفضل في فترة النفاس لازم شغلات دافية وفيها فايدة صح مش تنفخ على الفاضي..
واستقبال الناس عادي في غرفة الضيوف او الصالون ما في وحدة تستقبل الناس نايمة يمكن في نادرا بس حوالينا ما في هالحكي ابدا .. و بعد اسبوع عشر ايام خلص الحياة بتصير طبيعية وخاصة لو الجو حلو ربيع ولا صيف بتلاقينا انطلقنا وكله تمام باذن الله تعالى .. :) ...
الصفحة الأخيرة
انا مصريه وبنفاسى سويت نفس كلامك بس زياده عليه تمر مع سمن وحلبه بالصباح >>> أقتباس من اخوتنا السعوديات