@====تعالوا نساعد بعض في الإلتزام بعمل الخلطات====@

بسم الله الرحمن الرحيم

شلونكم حبيباتي ،،، بغيتكم بموضوووووووووووووع

الموضوع ومافيه ان برنامجي للعناية دايما يكون بشكل عام واسوي خلطات من وقت لآخر ،،، بس ولا مره التزمت بخلطه اسويها يوميا :(

في اشياء ثابته اعملها مثل مره بالشهر حمام مغربي (بعد الدورة على طول)،،، مره بالشهر بدكير ومنكير مع الشمع الدافيء (برافين)(اثناء الدورة عشان مايكون علي صلاة واحط صبغ :D ) ،،، مره بالشهر مساج للجسم <<<<<<<<<<<<<<< لاحظوا كل الأشياء اللي اسويها بالصالون (وحده كسلانه مالها خلق)

المهم لما دخلت عالم حوا (صارلي فترة قصيره) شفت الخلطات وودي اجرب بس حدي يومين ثلاث بالكثير وانسى أو ما اكمل

فخطرت على بالي فكره :laugh2: ان اي وحده تحب تعمل خلطه وتلتزم فيها (على سبيل المثال خل التفاح لشد الجسم) نفتح موضوع جديد بإسم خل التفاح ،،، فقط اللي حابه تعمل هالخلطه تدخل تشارك ،،، شلون تكون المشاركة ؟؟؟ انها تكتب.....

اليوم الأول: عملت الخلطه

وتدخل ثاني يوم ونفس الشي ...

اليوم الثاني: عملت الخلطه

واذا ضفتي في هذا اليوم اي شي مع الخلطه ممكن تذكرينه،،،،،،،

يعني باختصار جدول ،،، بتقولون ممكن نحط دفتر ونسجل فيه او نسجل بالرزنامه كل يوم أو أو ،،، انا جربت كل هالطرق ما فادت معي ،،، بس اذا شفت احد معي ونعمل نفس الخلطه لو عضوه وحده ممكن نشجع بعض

وممكن نحط قوانين وتصير مثل لعبة ونستمتع وما نحس انه التزام ،،، شلوووون؟ مثلا نقول...

اذا عملتي الخلطه اليوم الأول والثاني ،، وجيتي اليوم الثالث وما عملتيها ورجعتي اليوم الرابع وعملتيها نخليك تعيدين وتحسبين من أول وجديد وتبدين من اليوم الأول كنوع من العقوبة :30:

وممكن نخفف العقوبه بعد ما تتجاوزين 10 أيام متواصله ،،، وجيتي عقب اليوم العاشر وطوفتي يوم ما عملتي الخلطه ترجعين وتحسبين من جديد بس خط البداية يكون من اليوم العاشر ... وهكذا

وكل وحده تخلص شهر مثلا تقول لنا النتايج وتكمل شهر ثاني وثالث مثل ما اهي حابه :icon28:

عسى وصلت لكم الفكره :27: صراحة جات هالفكره بمخيلتي وما ادري اذا احد طرحها من قبل

بس انتظر ردودكم وبشوف اذا حابين تبدون فيها