تعالو ساعدوني بخصوص كشنة الرز

هاذي طال عمرتس احلى كشنة رز
وغالبا نسويها مع الرز الابيض

تقطعين بصل شرايح رفيعه مرة وتحمسينها على نار هادية احد ما يصير لونها بني
تصيرين محظرة البهارات حقت الكشنة وهي عبارة عن قرفة مطحونة وليمون اسود مطحون وشوي سكر فيه احد يضيف هيل وفيه احد يضيف فلفل اسود وفيه احد يضيفهم سوا عاد انتي كل مرة ضيفي شي وشوفي وش الطعم اللي يناسبتس
وقبل مايستوي الرز وهو على النار ترشين على الوجه صفار الزعفران اللي علبته حمرا يباع في اي بقالة وعند العطارين بس انتبهي لا تكثرينه مره لان طعمه مالح وتضيفين الكشنه عليه بس صفيها من الزيت وغطي القدر مظبوط وخلي الرز يستوي على اقل من مهله
عند التقديم تشيلين الكشنه وشوي من الرز اللي على السطح وتخلينه على جنب وبعد ما تغرفين الرز واللحم او الدجاج ترشين الكشنه على الوجه
وتعالي شوفي الريحه والطعم :p

بالنسبه للدجاج انا سويت مره خلطه حلوه عبارة عن علبة زبادي وزنجبيل طازج مقشر وفص ثوم وفلفل حار ورشه بهار ورشه فلفل اسود وملح وعصير ليمونه طماطة صغيرة في الخلاط وصبيتها على الدجاج المقطع طبعا تتركينها تتبل في الثلاجة اقل شي ساعتين تحطينه في صينيه تيفال او اي صينيه غير قابلة للالتصاق وترشين حوالين الدجاج بصل شرايح وتغطينها بقصدير بدون ما تشدينه يعني تغطيه خفيفة وتدخلينها في فرن حامي مشغل من تحت بس وتصير الصينيه في الوسط وتقريبا تقعد ساعة الى ربع تشيلين القصدير وتشغلين الفرن من فوق لحد ما توصلين للون المطلوب
هذي الطريقة سويتها مرة طلعت روعه جربيها وشوفي :)

سهلة جدا
قطعي البصل جوانح او قطع صغيرة وحطي زبدة اطعم او زيت وحطي عليها بهارتك وشوية ملح ناعم وحركي الى مايذبل ويصفر البصل ثم حطي ازبيب اذ كنتي من عشاقة طبعا وحطي اشوية كركم ويفضل مسحوق صبغة اصفار عشان يعطي لون احلى
ولا تنسي اتحطي الصنوبر المحمر وملعقة رز طبعا مستوي وتحركينهم سوى بسرعة وطفي النار بس عشان ياخذو نكهة الكشنه
وحطية على وجة ارز اثنا تقديم ارز اممممممممممممممممممممممم وتمتعي بمذاق ارز
:26: :26: :26:
الدجاج احط اشوية كتشاب+عصير ليمونة+ملح وثوم ناعم وبهارات وادهن وجهة الدجاج فيها
واذا كنتي تبغي الدجاجة اتكون طرية ولينة مو ناشفة حطي بصنية الدجاج كاس تقريبا اواكثر اشوية من مرقة الدجاج وغطيها بقصديرة وشغلي عليها من تحت بس لمدة ساعة الا ربع ثما شغلي اشوية من فوق عشان تتحمررر وعليكم بالعافية

بالنسبه للكشنه ماراح أزيد على الاخوات لان طريقتي نفس طريقتهم تقريبا اللهم اني احط زيت وقليل من الزبده على البصل على شان النكهه لكن لاتحطين زبده لوحدها مع البصل لان الزبده تحرق فضيفي لها زيت ....
والدجاج اذا كان قصدك بخلطه له بعد مايكون نضج وتبين تحمرينه بشواية الفرن رح اقولك طريقتي والكل يمدحها ولله الحمد.. بعد ماتنشلين الدجاج من المرق وتصفينه بصينيه خذي صحن عميق وحطي فيه الاتي : 3 ملاعق طعام زيت + فص ثوم مهروس + رشه من أصفر الطعام + ربع ملعقه خل + رشة ملح + ملعقة معجون طماطم + ملعقه ماء . واخلطيهم مضبوط وادهني بها الدجاج وشربيه زين من الخلطه ثم دخليه الفرن وخليه في النص لاتقربينه من الشوايه مره علشان لايحترق وبالعافيه على قلبك...

حمسة البصل >الكشنه<
بصله مقطعه صغار فنجان زيت...ونحطه على النار نااااار هاديه مرررره...وغطي القدر السعنون..بس انتبهي لا يحتررررق
نفتش القدر اذا شفنا البصل ذاااابل نطفي عليه
الحين..طبعاااا يصير الرز شرب مويته..تقومين تصبين زيت البصل(الزيت بس البصل خليه) بشكل دائري على الرز تقطرينه عليه.....فهمتي علي؟؟تواسين هالقطرات بالتساااوي على الرز عشان ينزل عليه
الحين تقومين للبصل تحطين عليه شوية ملح وبهار وكركم وملعقتين معجون طماط..ولو تبين حطي كسيرة<مكعب ماجي> وخلطيه شووووووي على النار مجرد ينخلط...
بعدين خليه ...وحطيه فوق الرز وغرسي بالرز ياااااا فلفل حار 2...او قطعة زنجبيل عشان الريحه...بسسسس:42:

أهلآوسهلآ بجميع من ردو والله بعيد عنكم التقصير ماشاءالله عليكم راعين فزعات بس بغيت أسأل الأخت ** ترانيم ** وشهو السكر اللي تقولين عنه السكر العادي أوغيره ؟؟ يعني فهمت إن الخلطه بس قرفه وليمون ماأظيف لها بهارات عاديه أو كمون مثلآ ؟
باالنسبه لخلطة الدجاج ماقصرن الأخوات ( احب الخير1) و( أم ريما**ودانه ) راح أجرب الخلطتين بإذن الله و..مربى كرز.. مشكوره راح أحتفظ بالخلطات وأجربها إن شاءالله
مشكـــــــورين جميعآ والله يوفقكم ... وهذي مني لكم :26: :26: :26: :26: