تعالو يا مجربات دايت اتكنز

له حسنات وسيئات
قبل ما تطبقينه اقري عن مساوئه خاصة اذا ما طبقتيه تمام
ادرسيه مضبوط

حبيبتي قريت عنه بس تعرفين مو كل شيء يصدق
أبي أسمع من وحدة صدق مجربه
لان مثل ماقلتي فيه سلبيات بس اذا النتيجة واضحة بتحمل واحاول اوازن مضطرة

شاركوني بالله

ماجربته
كان لي تجربه بسيطه جداً مع رجيم دشتي وهو تقريباً يشبه اتكنز وماكملت يعني ما اقدر افيدك بالنتائج
اللي بقوله لك مثل هذي الانواع من الرجيم البروتيني الالتزام فيها ضروري مع اخذ المكملات وشرب السوائل وممنوع الغلط لانها تعتمد على منع الكربوهيدرات العاليه بهدف السيطره على هرمون الانسولين وتحويل نظام الجسم من الاعتماد على الكربوهيدرات كمصدر للطاقه الى الاعتماد على الدهون كمصدر للطاقه فبالتالي الجسم يصير يحرق الدهون المتراكمه بالتدريج وبنفس الوقت الجسم يفرغ الكربوهيدرات والسوائل المخزنه في خلايا الجسم من سنوات لذلك يحصل نزول سريع لكن هذا النزول مو كله دهون فلازم تنتبهين اذا بتطبقينه لا تقطعينه فجأه لان مجرد تاكلين نشويات بيرجع جسمك يخزن السوائل والكربوهيدرات
واذا عندك عزيمه واصرار ابدأي بالرجيم بدون بحث عن تجارب لانك جالسه تضيعين وقت لا اكثر
في كثير اخر فتره هابين في رجيم الكيتو ومرتاحين معاه وبعضهم مستمرين لهم سنه واكثر اعتمدوه كنظام حياة
وبشكل عام كل انواع الرجيم تنحف اذا اخذتيها بجديه وإلتزام مع ممارسة الرياضه
لكن الفرق ان بعض انواع الرجيم تحسين فيها بالجوع وانواع ثانيه بالعكس تحسسك بالشبع لدرجة انك ممكن تاكلين وجبه او وجبتين في اليوم تتغصبينها بدون نفس مثل رجيم الكيتو لانه يعتمد على رفع نسبة الدهون الصحيه في الوجبه والدهون تعطي شعور بالشبع والامتلاء

سبب تركي لرجيم دشتي لاني ما اكل كل انواع اللحوم فما عندي خيارات كثير
والشي الثاني استصعب الطبخ لنفسي وبصراحه ما استسيغ اكل اللحوم كذا كطبق اساسي بدون خبز او رز
والشي الثالث تعبت معدتي وجاتني رعشه ودوخه واسهال الله يكرمك وبدون تفكير قطعت الرجيم
وبعد سنوات من القراءه والبحث في بعض الرجيمات البروتينيه فهمت ان هذي الاعراض طبيعي تحصل وهي دليل دخول مرحلة الكيتوسسز ويفترض عند الشعور بالدوخه والرعشه اذوب ملح بحري بكوب ماء واشربه لان جسمي فقد املاح ومعادن واكثر اكل الطعام اللي فيه بوتاسيوم
واساساً ضروري اللي يتبع رجيم بروتيني ياخذ مكملات مغنيسيوم وبوتاسيوم عشان مايتضرر جسمك وصحتك واذا الاكل مافيه فيتامينات ومعادن متنوعه برضو لازم يؤخذ مكملات