نظرتي غير :

يعطيكي العافيه ام عبود دايما مبددعه انا دايما لما اكشن الدجاج احط معاها قرن او اثنين فلفل حار بيشيل الزفره ويعطي نكهه حلوه لما اسوي الرز وقبل ماقفل النار احط قطعة زبده على الرز بيعطي نكهه وبيخليه مفلفل طريقتي في الملوخيه بدون دجاج سريعه ولذييذه وهي اني افرم راس ثوم كامل لكل حزمة ملوخيه واكشن الثوم في زيت لين يبدى يحمر اضيف مكعب ماجي وبعدين احط الملوخيه مايحتاج ملح عشان المرقه ولااي نوع من البهارات بتطلع لذيييذه وسهله جدا واذا بغيتها بالدجاج اسوي نفس الطريقه بس بضيف الدجاج بعد الثوم واضيف شوية مويه عشان تستوي وبعدها الملوخيه بتطلع جنان من غير بصل ولا بهارات وكمان المسقعه دايم اسويها بدون لحم مفروم وتطلع لذيذه وطريقتي ارص في الصينيه طماط حلقات وبصل حلقات وبعدين بطاطس مقلي وباذنجان مقلي وفي قدر ثاني اكون مكشنه بصله مفرومه مع ثوم تحمر احط عليها بهارات ومرقه لين تطلع ريحتها وبعدين احط حبتين طماط مفروم وصلصه اذا تكشنت احط عليها مويه واصبها على الصينيه واحط فلفل رومي حلقات وبصل مقلي وشريحة ليمونه واقصدرها واحطها في الفرن واخليها ربع ساعه وذوقي احلى مسقعه بدون لحم وعندي كمان طريقة صينية مكرونه بدون لحم مره لذيذه ادري ازعجتكم كل شي بدون لحم حتى اختي تقولي انتي طبخاتك تنفع لزنقات ان شاء الله بكتبها لكم فيما بعد ولي رجعه اقولكم طريقة شاورمتي نفس المطاعم

يعطيكي العافيه ام عبود دايما مبددعه انا دايما لما اكشن الدجاج احط معاها قرن او اثنين فلفل حار...