سر نكهة الشورما زي حق المطاعم هو طبعا في البهارات اول شي اجيب صحن صدور دجاج واغسله وانقعه بخل عشان الزفره واقطعه زي تقطيع الشاورما انا احب اكبرها احس بتتحمص افضل المهم بعد ماقطعها احط عليها وهنا السرر في البهارات احط م طعام كبيره ثوم مفروم م صغيره زنجبيل بودره م ص فلفل احمر بودره م صغيره قرفه م ص هيل مطحون م صغيره ملح م ص كمون واصب عليها نص كاس زيت زيتون او زيت عادي واولع النار بدون اضافة مويه واقلبها بين فتره وفتره واخليها لين تنشف طبعا بحبها تكون محمصه اذا خلصت مويتها ارفع النار واقلبها ليين تتحمص وقبل مااطفي ارش عليها خل تفاح ملعقتين تقريبا واقلب شوي واطفي النار وخلااص وطبعا اكون مسويه الخبز في البيت ولاتنسوا الثوميه هي كمان بتعطي نكهه المطاعم لشورما طريقتي بسيطه عليه زبادي وثلاث او اربع فصوص ثوم مدقوق وملعقتين مايونيز وعصرة ليمونه ورشة ملح وقلبهم بالملعقه مو في الخلاط انتبهوا واحطه مع الدجاج والبطاطس وخلاص اذا اتذكرت شي جديد برجع لكم🤗

نظرتي غير ماشاءالله شكلك فنانه بالطبخ حلوووه طريقتك ان شاءالله اجربها وبالذات الثوميه طريقتها بسيطه

لنجاح المعجنات اعجنوا العجينه مع لبن او زبادي وكمان الييتزا اعجنوها مع لبن او زبادي تطلع هشه احسن من عجنهم بالحليب واطلي الفطاير بصفار بيض العجن باللبن تخليهم رطبات وبعدما يبردوا شوي غطيهم بكيس
للبرياني سووا نعناع وكبزره وبقدنوس وبقيه اشياء البرياني وضيفوا بازلا للبرياني يطلع شكله حلووكمان اضيف البازلا لشربه العدس بالخضار
كشنه البيتزا ضيفوا لها فلفل احمر مطحون وزعتر واحلى جبنه موزاريلا بريدل لا يعلى عليها تمتط روعه تنباع بالكيلو الصحن يحتاج ربع كيلو منها وعند اضافه النقانق او قطع الدجاج او اللانشون تطلع روعه
المكرونه بالباشميل احب اعملها بالتونه بدل المفروم اكشنها واضيف الكبزره والفلفل البارد للتونه
اما خلطه الباشميل بعدما اسوي الزيت والدقيق والحليب اضيف ملعقه مايونيز وملعقه جبن سايل وييضه وارشها بفلفل اسود

مع الرز كبسة بخاري مندي ابشري قليل من قشر البرتقال بيعطي ريحةللرز رائعة جدا

حيا ك الله الاخت الجيل الجديد بيننا
فكره حلوه تسلمي جاري التطبيق