تسلمي ياقلبي على الكلام الحلو
بالنسبه للدقيق ايش نوعه
وحلى قشر البصل من اطباق النخبه ولا في غيره؟
يالله بالله اكتبيلنا اشيائك الحلوه ولا تبخلي علينا

والله مره اكون مبسوطه لما تقولوا الموضوع روعه
الله يسعدكم يابنات

وهذي الورده لكل وحده ردتلي

رفع

فكرة الموضوووووووع رووووووووووووووووووووعه
المفروض يثبت الصراحة :)

انا اشتهرت اكتر شي بالموالح صواني وكدا والسلطات يمممي
والحلى ينزبط ويطلع روعه بس عشاننا مانحب الحل كتير ف مااسوي دايمن
المعجنات العجاين ماتزبط معايا + الكيك << عقدتـــــــــــــــي بس احيانن الكيك ينزبط ويطلع روعه واحيانن زيو زي المعجنات :(

حكتبلك اكتر شي يحبوه اهلي وصحباتي مني

اولا الفته << ححط الطريقه مع المقادير

الطبقه 1 ..) بطاطس مقطعه مكعبات ومقلية

طبقه 2) باذنجان برضو مقطع مكعبات ومقلي

طبقه 3) حمص جاهز اللي هوا البليله احط علبه كبيرة كامله << ممكن تحطي النص بس احس كاملة احلى

طبقه 4 ) بصل مقطع صغار تحمسيه مع زيت على النار وبعدين تضيفي توم مهروس فصين بس لمن يذبلو تحطي في الخلاط تلاته طماطم مع حبة فلفل رومي كبيرة وفلفل حار ( الفلفل الحار الكمية بكيفك او ممكن ماتحطيه ) بعد ماتطحنيهم تكبيهم على البصل والتوم وتخليهم يتسبكو شويا بعدين تضيفي مكعب ماجي + كمون بسسسس ( الكمون حيخلي الريحه واااو والطعم كمان ) وبس لمن تحسي انهم اتسبكو مزبوط اطفي النار وحطيها طبقه رابعه

طبقه 5 ) اللي هيا الصوص الابيض ( ويستحسن اول ماتخلصيه تحطيه شويا في التلاجه طعمويكون احلى لمن يبرد وغير كدا يتشرب الصوص نكهه التوم ) علبتين او تلاته علب زبادي + ملعقتين مايونيز ( لاتكتري مايونيز في الفته احسن ) + 4 فصوص ثوم مهروسه + ملح +ليمووووووون ( انتي اتحكمي في درجه الحموضه ) عن نفسي اعصر 4 حبات

طبقه 6 ) خبر شامي تقطعيه مربعات وتقليه او تحمريه في الفرن + ادا تبغي ترشي عليه بقدونس يطلع احلى كمان

ووبس دي اول حاجا

وعلى قولة البنات هيا نفس المقادير والطرق اللي تعملوها بس كل وحدا ونفسسسها :)


bRb
لي عوده وححط كمان كم حاجا

شكرا صاحبة المووضوع
المووضوع مررررا حلو ومفيد

baaaaaaaaaaaack
ودحين سسسلطة الدوريتوس
الصراحا شفت كدا منتدى وكذى عضوة عاملين سلطة الدوريتوس وكل وحدا فيها شي مااحبو
ف جمعت من كل وحدا حاجه وطلعتلي دي السسسلطة في النهاية طعـــــــــــــــــــــم رووووعه والله صحباتي يطلبوووها مني كل مرا

نجي للمقادير مع الطريقه < وانتي على حسب عدد اللي حياكلو زيدي
3 خيـــار مقطع
جزره كبيرة مبشورة
خمسه او سته اوراق خس مقطعه شرايح
بصصصل اخضر مقطع صغير
بقدونس وكزبرة شووويا
علبة ذره صغيييرة كامله

الصوص ..
علبتين زبادي + فص توم مهروس بس وااااحد + ليمون 5 حبات + رشة ملح + ملعقتين مايونيز + غطا خل + ملعقتين مويا بس للتخفيف بس اذا طلعتلك خفيفه مو لازم المويا
بس تخلطي الصوص مع الخضار يميييييييييييي انا افضل الصوص يكون كتيرررر ويغرق الخضار يطلع مرا رووعه
المهم في النهاية تحطي عليهم شيبس شيتوووووس اللي لونه ازرررق حار وحلو اعتقد << كدا وحدا عملتها بالشيتوس اللي بالجبنه بس انا ماحبيتها به طعمه مو حلو مرا

جربووها مررررا ادمااااااااااان وخفيفه

BrB
لي عوده