آمين يارب تنزلين ياpitza يابنت أمpitza وتنزلين وتنزلين ليييييييييييييييييين تقولين بسسسسسسسسسسسسسسسسسسسسسسسسسسسسسسسسسسسسسسسسسسسسس

:26: :26: :26:

هذا لكم ، خلاص عاد بعد اليوم لاتسألو حد عن عدد السعرات في اي أكل
الجداول عندكم شوفوا واختاروا:55::02:

http://www.your-doctor.net/nutrition/Calories/Calories.htm

الصائمه لله
مشكورة الغالية على المدح :)
شفتي عاااد الرجيم شو يسوي هههههه
ان شاءالله راح احافظ على الوزن لاني بصراحة كل ما اشوف عمري في المنظرة والله اني احتقر عمري :(
الغالية كنت اكل كل شي بس كنت امخففة

الصبح كنت اول شي اشرب كوبين ماء ، وبعد ما ايي الدوام اول شي اشرب كوب شاي اخضر أو قهوة عربية ، وبعده تقريباً ب ساعتين اشرب نسكافيه مع كوفي ميت لايت ، واحاول اني اتحرك واااايد يعني احط وانزل بالدرج .

اما الغدا فكلت: كانو امسوين سمك وكلت منه قطعة بس بصراحة كان مقلاي :D واهم شي عندي على الغدا طبعاً سلطة ، وكنت اكثر من الجرجير (مع اني ما كنت احبه) بس ضغط على عمري لانه يقولون انها تمتص الدهون وبعد الغدا مباشرة اشري شاي من غير سكر طبعاً .

اما العصر احلى شي ;) كلت بسكويت دايت كنت ماخذتنه من دكتور نيوترشن

اما العشاء كلت حبتين كيوي :)

وكان الله غفر رحيم :)

اهم شي الماء ثم الماء ثم الماء ..........................

لا أعرف

عزيزتي خليها على الله ، ليش تحتقرين نفسج ، ترا الاكل لذة مثل التدخين وغيره من البلاوي

والتدخين الواحد يدمن عليه مع انه يعرف انه من مسببات السرطان ، وانه ممكن يموت بسببه:30:

منو الشجاع اللي بيودر التدخين بعد ما تعود عليه ؟؟؟؟؟؟؟؟؟؟؟؟؟؟

ناس ياخذون سجارة وحدة وناس خمس وناس خمسين ، والاكل بعد نفس الشي ، ناس عاد تنفجع

كانه بيخلص الاكل من السوق ،او انه بتصير مجاعة ............. بعيد الشر:06:

المهم انا كنت من هالنوع ، والحين صارت عندي قناعة ان اي شي ممكن يسد الجوع ، اكل خياره بدال
الشبس ، والتفاح بدال الباونتي ، واللايت بدال العادي ، وسلطة وشويه من لحوم البيت اذا كانت مشويه
واخلي العيش ، ماصار لي شي الحمد لله :13:

نظامج زين بس ترا بتتعبين منه ، حاولي تزيدين الاشياء اللي تشبع ومغذيه وسعراتها قليله :27:

الله يوفقنا يارب

هلا بنات

كيف حالكم اشتقتلكم وايد

لا أعرف . مبروك عنزول وزنج .. وانشالله بتنزلين أكثر بعد

بيتزا .. كيف حالج ؟ شو الاخبار.. يا أختي أنا كل ما اقرأ اسمج اشتهي البيتزا.. حرام عليج رحمينا نحن نحاول ما نذكر هالأشياء... وإلا هو نوع من التعذيب النفسي.

الصائمة .. شخبارج.. أنا وياج في اللي تسوينه، حطي النظام اللي يناسبج..خاصة انه انتي وزنج الحمدلله ماشاء الله زين يعني انتي مب متينة عشان تذبحين عمرج.. شوي شوي وإنشالله الوزن المثالي على بعد خطوات عنج.

بنات بخبركم أنا شو سويت
انااليوم لي رابع يوم فريجيم عذاري..

امس الصبح شربت نسكافيه
والغداء سلطة(وبصراحة كلت لقمتين من غداء البيت، والله بس لقمتين)
والعشاء بيضة مسلوقة وعصير برتقال

اليوم
تريقت شابورة مع شريحة جبن وشاي لايت
والغداء نوع واحد من الفواكه..أعتقد بكل برتقال ، لأني أموووت فيه
والعشاء : توست وحليب

.. الصائمة .. تساؤل ..
في أختلاف بين الجداول، يعني فأول جدول حطيتيه العيش الابيض المسلوق سعراته اقل من الخبز.. وفي الجدول الثاني العكس..أحين كيف نعرف شو الصح وشو الغلط؟

مع السلامة