pitza
مبروك النزول :icon28:
يارب ...يارب...يارب
توصلين للي تبينه ، عزيزتي الغاليه : انتي ما تسوين رياضة عدل!!!!!!!!!!
صح ولا لا..............................
ولا ممكن ما تشربين ماي ، نصيحه شربي لتر ونص كل يوم وبتلاحظين ان الوزن
ينزل اسرع.............
انا لين الحين ملتزمه ......... يارب انزل تحت الستين!!!!!!!!!!! :angry:

كيف حالكم كيف الرجيمات وياكم

حبايبي حبيت انبهكم على نقطه في هاذي الجمله


(عزيزتي الفضل لله و للدعم اللي القاه ، البدايه اني الحمد لله يوم كنت دبه بديت الريجيم ويا اختي ،فكنا نشجع بعض ........... والحمد لله )


الفضل لله ثم للدعم اللي القاه لان الواو في الجمع مع الله من الشرك

الذي نقع فيه بدون ان نعلم لذلك اي شي مع الله نستخدم معاه ثم بدل الواو

اذا تبغون زياده او تفاصيل انا حاضره


اتمنى لكم الصحه والرشاقه

الصائمة لله
حبيبتي آنا انط كل يوم 100 نطة او اكثر والماي على طول
اشربه الله وكيلج صايرة بشة اربعة وعشرين ساعة اشرب
ماي وحتى لاعت جبدي من كثر ما اروح الحمام عزج الله
بس مو مشكلة المهم اني انزل حتى لو كيلو بالأسبوع آنا
الحين راضية انزل بالأسبوع كيلو بس المهم ان وزني قاعد
بنزل وهذا هو الأهم

السلام عليكم

هلا بنات

كيف حالكم ؟ .. أكيد أشتقتولي

بيتزا .. الصائمة لله ..شو العلوم؟

الصائمة لله (( مرحبتين كبار .............هلا وغلا بالصامدة ، استمري صدقيني بتوصلين المهم العزيمه .......... لا تصيرين مثل بعض الناس وتنسحبين ؟؟؟؟؟؟؟؟؟ )) منو قصدج ... فاهمتنج أنا .. بس مسامحتنكم

لو إن الغائب عذره معاه

والله يا بنات ما تدرون شو صار لي .. أسبوع كامل وأنا في المستشفى .. فجأة وبدون سابق إنذار .. طبعا بتقولون سلامات وما تشوفين شر ( الله يسلمكم ويعافيكم) الله يطول بعماركم أنا رحت أفحص أذوني الإسبوع الماضي بسبب ألم فيها وكنت أحس إني ما أسمع عدل من مدة .. قالي الدكتور إنه تحتاج عمليه بسيطة لأنهم حصلوا كيس ماي في إذني .. وقالي ان السالفة مجرد يومين وعملية خفيفة .. عاد أنا توكلت على الله وسويتها لكن للأسف .. عقب العمليه بيومين قالي الدكتور إن إذني اليسرى فيها التهاب ولازم أتم في المستشفى وما سمحلي أطلع وما ظهرت إلا يوم الأربعاء عاد بيتنا ما وقف الحمدلله زيارات وأهل يسلمون علي وما تفيجت إلا الحين..

المهم الحين وعرفتوا عذري .. سامحتوني وإلا بعدكم زعلانين

أنا رديت وكلي عزيمة .. ومكملة في الريجيم
بس لما كنت في المستشفى صراحة كنت أكل من أكل البيت اللي امي تييبه (الله يطول بعمرها)) بس ما كنت أكثر

دعواتي لكم بالرشاقة والصحة الدائمة.
مع السلامة

فتاة القرآن
شلونج حبيبتي وسلامات وما تشوفين شر ان شاء الله
والله فقدنا غيبتج عنا آنا الصراحة توقعت انج مليتي من
الموضوع وقاعد تابعين نفسج بروحج لأن الصراحة
العدد قل وايد يعني بس صقيت آنا والصائمة بس اثراج
كنتي بالمستشفى الله لا يرويج المرض فيج او في عزيز
ويبعد عنج وعما المرض اللهم آمين
يالله الحين كملي من جديد ريجيمج والله يوفقج فيه
آنا قاعد امشي على ريجيم الدكتور خالد الطيب عندنا في
الكويت اذا تبينه تلاقينه في الصفحات السابقة والحمد لله
في اسبوع نزلت كيلو ونص وهو قايل النزول 2-3 كيلو
بس آنا شوي خربطت بالأكل باجر ان شاء الله ببدي فيه
مرة ثانية لين اوصل الوزن المطلوب