الله يفرج همكً

انا ماادري كيف بعض الحريم ينصحوك تتركيه يبكي الين ينفجر
من جد قلوب بلا رحمه ،الطفل مايبكي طول الوقت بدون سبب ،تخيلي نفسك ماتعرفي تتكلمي ومحد يفهم عليك اكيد بتقعدي تبكي طول الوقت .
لما يبكي اشغليه اعطيه كاسات يلعب فيها او ملاعق ،جيبي قدر وخليه يدور قدامه بينبسط ،اعطيه براد شاهي بيفتحه ويقفله وبينبسط ،جيبي قدر او مروانه وحطي فيها مويه وخليه يلعب ،عبي البانيو مويه وخليه ،جيبي ألوان وخليه يطبع اصابعه عالورق ،العبي معاه بالحيوانات وقلدي اصواتها ،ارمي عالسرير ونطوا فوقه ،خليه ينسدح واسحبيه من رجوله والعبي معاه ،شيليه ودوريه ،العبوا بالصلصال ،حطيه في كرسي واعطيه شويه لبن زبادي وخليه ياكل بنفسه وبينبسط .
ترى كل الاطفال او اغلبهم كذا بس دايما الناس لما تشوف الام منهاره وتعبانه من ولدها يزيدوها ويبينةلها انه اول مره نشوف طفل زي كذا وهم كذابين .
ولدي انا زي ولدك وارضعه زيك ونفس الحاله ،بس احاول اشغله قد مااقدر وبرضه مو كل مره تزبط معايه ،بعدين هو البكر ماعنده احد غيرك ومحد بيحن عليه غيرك ،هو انت شغله الشاغل وقاعد يتسلى فيك .
اصبري واتحملي ،انا عارفه صعب وتعب وانا عايشه نفس وضعك بس حطي في بالك مستحيل تعيشي كل حياتك زي كذا ،ربي مايكلفك الا بالشي اللي تقدري عليه ،وكلها فتره وتعدي باذن الله ،اوثقي في ربي وادعيه وهو بيستجيب .
وحطي في بالك الطفل اذا مااعطيتيه مجال يلعب ويستكشف ويقربع البيت مع تعليم وتنبيه بدون ضرب ،لما يكبر بيعاندك وبيجننك لان مااعطيتيه فرصه للاكتشاف .
ولاتحبسيه في المحبس زي مايقولوا ،خليه يتحرك ويلعب ويكتشف العالم كله ولما يخرب قوليه لا حبيبي هذا مكانه هنا وهذا نحطه هنا ،واذا رجع الشي مكانه امدحيه وشجعيه شاطر حبيبي يسوي كذا كذا وسمي الشي اللي سواه ،مع الايام كل شي بيزبط .
ودايما خذي النصيحه من اهلها مو من هنا ،لان كل نصايحه سيبيه يبكي ،خليه ،احبسيه ،انت السبب ،انت الغلطانه .،طنشيهم.
شوفي حساب علمتني كنز في الفيس بوك
وحساب بيبيميلونز في اليوتيوب
وحساب حنين الخياري في الانستقرام

قولي له الي مايخلص اليوم يخلص بكره اهمشي صحتي انا افدا خنفورك
وسلكي له
اما اني اشتغل كاالآله لاكلل ولا ملل فهذي يبيلها معجزه يختي او خادمه تساعدك
على العموم لاتعطينه وجه فأمور النظافه لانها شغلتك انت
٢/اهمشي مكانه ومحله نظيف وحمامه والباقي ماله شغل فيه

أسأل الله أن يفرج همك
الغرف ألي ما تحتاجيها قفليها
نظفيها مره في الأسبوع
زوجك اطلبي منه يجيب شغالة
لو مره في الأسبوع للتنظيفات العميقة
ولدك لازم لازم تبعديه عنك شوي شوي
أغلب تعبك من ولدك
أدعي الله دائما أنه يهدي لك زوجك وولدك

الطفل المدلع يضل مدلع حتى لو كبر راح يتعبك بطلباته الي ماتخلص ...
نصيحه مني شبعيه وغيري له وخليه بغرفه امنه وحطي عنده العابه وخليه يصيح لين يتعب دام صياحه دلع راح يترك الدلع اذا شاف منك تطنيش ...
ثاني شي زوجك النقاد لو تخلي البيت على سنقة عشره دامه نقاد راح يلقى عليك نقد وعيب لو يشوف نمله تمشي بالحوش قال ليش النمله هنا 🤨
فانصبحه مني خلي البيت يومين مكركب وقولي اليوم تعبانه وجاني صداع ماقدر اسوي اي شي منهد حيلي وراسي بينفجر والولد امسكه عني اليوم ماقدر امسكه
وخليك يومين لاتلمسين شي نهائي خليه يشوف الكركبه الصدق بحق وحقيقه ويعرف شغلك ومجهودك الايام الي فاتت
خلي البيت ينحاس وينقلب فوق تحت
ولو تروحين اليوم الثالث لاهلك زياره بحجة انك تبين ترتاحين يوم عندهم يكون احسن 👌
خليه يبتلش بالبيت والحوسه وتروح عنه عقدة وسواس النضافه 😂
بعدها صدقيني لو تنضفين تنضيف سطحي راح يشوفه واااااو 😂
اهم شي يومين الي تمثلين فيهم انك مريضه لاتلمسين شي وخليك بالسرير