مودا ٩١ :

انا ماادري كيف بعض الحريم ينصحوك تتركيه يبكي الين ينفجر من جد قلوب بلا رحمه ،الطفل مايبكي طول الوقت بدون سبب ،تخيلي نفسك ماتعرفي تتكلمي ومحد يفهم عليك اكيد بتقعدي تبكي طول الوقت . لما يبكي اشغليه اعطيه كاسات يلعب فيها او ملاعق ،جيبي قدر وخليه يدور قدامه بينبسط ،اعطيه براد شاهي بيفتحه ويقفله وبينبسط ،جيبي قدر او مروانه وحطي فيها مويه وخليه يلعب ،عبي البانيو مويه وخليه ،جيبي ألوان وخليه يطبع اصابعه عالورق ،العبي معاه بالحيوانات وقلدي اصواتها ،ارمي عالسرير ونطوا فوقه ،خليه ينسدح واسحبيه من رجوله والعبي معاه ،شيليه ودوريه ،العبوا بالصلصال ،حطيه في كرسي واعطيه شويه لبن زبادي وخليه ياكل بنفسه وبينبسط . ترى كل الاطفال او اغلبهم كذا بس دايما الناس لما تشوف الام منهاره وتعبانه من ولدها يزيدوها ويبينةلها انه اول مره نشوف طفل زي كذا وهم كذابين . ولدي انا زي ولدك وارضعه زيك ونفس الحاله ،بس احاول اشغله قد مااقدر وبرضه مو كل مره تزبط معايه ،بعدين هو البكر ماعنده احد غيرك ومحد بيحن عليه غيرك ،هو انت شغله الشاغل وقاعد يتسلى فيك . اصبري واتحملي ،انا عارفه صعب وتعب وانا عايشه نفس وضعك بس حطي في بالك مستحيل تعيشي كل حياتك زي كذا ،ربي مايكلفك الا بالشي اللي تقدري عليه ،وكلها فتره وتعدي باذن الله ،اوثقي في ربي وادعيه وهو بيستجيب . وحطي في بالك الطفل اذا مااعطيتيه مجال يلعب ويستكشف ويقربع البيت مع تعليم وتنبيه بدون ضرب ،لما يكبر بيعاندك وبيجننك لان مااعطيتيه فرصه للاكتشاف . ولاتحبسيه في المحبس زي مايقولوا ،خليه يتحرك ويلعب ويكتشف العالم كله ولما يخرب قوليه لا حبيبي هذا مكانه هنا وهذا نحطه هنا ،واذا رجع الشي مكانه امدحيه وشجعيه شاطر حبيبي يسوي كذا كذا وسمي الشي اللي سواه ،مع الايام كل شي بيزبط . ودايما خذي النصيحه من اهلها مو من هنا ،لان كل نصايحه سيبيه يبكي ،خليه ،احبسيه ،انت السبب ،انت الغلطانه .،طنشيهم. شوفي حساب علمتني كنز في الفيس بوك وحساب بيبيميلونز في اليوتيوب وحساب حنين الخياري في الانستقرام

انا ماادري كيف بعض الحريم ينصحوك تتركيه يبكي الين ينفجر من جد قلوب بلا رحمه ،الطفل مايبكي طول...