خلي عندك عزيمه يااختي .. وقومي شوفي عمرك وشوفي اولادك وزوجك .. انتي خليتي نفسك كذا .. انتي من كثر ماتقولي لنفسك ماتقدري تشتغلي وتهتمي تبرمج عقلك الباطن ع هذا الشي .. مثل ماعلمتك اعزمي وتوكلي ع الله حتى لو حسيتي نفسك كسلانه اضغطي ع نفسك

ياحبيبتي استهدي بالله يمي
واتجهي لربك هو اقرب لك من الوريد يمي
وقومي بواجباتس تجاه ربك وهو اللي ينور بصيرتس ياحياتي
وبقولتس شي مهم احمدي ربك ليل ونهار انتس بعافيه وصحتس بخير
ادري تبين تقولين انا وانا لا انتي مافيتس الا الوسواس والتفكير الزايد
ومجهده نفستس ومتعبه زوجتس وعيالتس
لا قولي الحمدالله انا بصحه وعافيه وعيالي وزوجي متعافين وحولي
وبيتي
لا ياحبيبتي ارمي كل شي ورا ظهرتس وابدي صفحه جديده مع نفستس
ولاتقعدين تحطين الهم بقلبتس وتقهرين نفستس لا يمي
والله ثم والله اللي تشوف زوجها وعيالها ونفسها بخير وعافيه
ينها تحمد ربها ليل ونهار
شوفي هالعالم مطشرين يقلبي
وتيتمو وضاعة بيوتهم وافقدوا اعيالهم ورجالهم الامان وتشردوا
واحنا ماغير نشيل ونحط بالهم فينا وفينا
ونستسلم لاي ظرف يمر بحياتنا
لاااا خلي عندتس عزيمه واخذي قرار قولي ببدا حياة جديده
واطوي كل اللي مضى
والحمدالله كل شي موجود امشي بالرقيه على نفستس امشي بالاطبه عالجي بعمرتس
اذا شاكه بتس شي
مع اني حاسه مافيتس الا العافيه ماغير تبين صدر حنيين يلفتس بحضنه
ويريحتس يمي عوضيه بعيالتس ترا الاطفال حنونين بس تضحكين وربي يجونتس ركض
حتى لو انتس مزعلته( هشي ترا ذكرته لانتس ذكرتي مات الغالي؟)فهمتس
انسي يمي ونسي عمرتس وزوجتس وعيالتس وعيشي بهدنيا
العمر مرا بالعمر وش له عايشته بالهم فكري بكلامي ياحبيبتي
ربي يسعدتس ويشرح صدرتس ويرضى عليس يمي

ويش سبب الصدمه ومن هو الشخص اللي فقدتيه الله يرحمه

صراحه اعاني من نفس حالتك بس اقل شوي

بعد ظروف حصلتلي و تغيرت من بعدها

وكانت صدمه قويه بحياتي

ارقي نفسك عند شيخ موثوق صدقيني راح تستفيدي كثير يااختي دامك ماتقدري تقري بنفسك ارقي عند شيخ موثوق

بجد الله يسعدكم ماقصرتم
صراحه حاولت اغير حاولت انظف اشتغل اسوي اي شي بس احس بنفور من هالشي
بجد اتمنى الطلاق بس شسوي مااقدر حاليا

تعبت من عصبيتي الزايده احس بوجع والله احزن ع عيالي واتمنى لو اني ام مثل باقي الامهات تهتم ببيتها وعيالها
بس انا ابد مو من هالنوع
حاولت بكل شي بس كل شي احسه مقفل بوجهي كل اللي اعرفه اذا تطلقت ممكن ارتاح

مادري خايفه من قراري وحاليا قاعده افكر فيه كثير
ومازلت افكر بكيف ممكن تتغير حياتي واحاول بس مايطلع معي شي

دعواتكم والله بضيقه



اللي توفى اخوي الوحيد واقرب شي لي