مع مرور الزمن يخف الوجع على فقدك لأخوك


وتحتاجين لسفره حلوه تتجدد نفسيتك معاها

الله يرحم اخوك ويسكنه فسيح جناته
احمدي ربك على العافيه وهذا اللي تسوينه بنفسك اعتراض على قدر الله الحي أبقى من الميت

شوفي انا مات أبوي الله يرحمه وبعد 4 شهور بالضبط مات ولد اختي وولد اخوي سوى في حادث سياره بعمر الزهور الله يرحمهم 17سنه و18 يعني وش تتخيلين امهم وأبوهم اللي هم اخوي وأختي الله يصبر قلوبهم رضوا بقضاء الله وقدره وعاشوا حياتهم بين الحنين والدعاء وزياده على كذا قبل عشر سنوات ماتت بنت اخوي الكبير بعمر الزهور عندها بنت وفاه طبيعيه والحمدلله على أقداره

عيشي حياتك اطردي الملل شوفي مصايب غيرك تهون عندك مصيبتك إنتي مافيك الا العافيه
لاتضيعين لحظات في حياتك عيشيها
ادعي لااخوك تصدقي له هذا اللي هو محتاجه منك الان التفتي لزوجك وأطفالك حرام مالهم ذنب
حاولي تغيري من أسلوبك بالحياه اطلعي سافري خذي عمره لك ولااخوك غيري بيتك اذا حصل جددي كثري قراءه قران وأذكار وادعيه عليك بالاستغفار شغلي القران إذاعة القران بالبيت اذكري الله الا بذكر الله تطمئن القلوب
حاولي كل ماجاء اخوك على بالك تدعين له وتذكرين ذكرياته الجميله معاكم لاتخلين الشيطان يوسوس ويعشعش برأسك ويخليك تفكرين بالطلاق وتضيعين زوجك وعيالك وتشتتينهم بكره يكبرون وتنبسطين فيهم بوجودك انت وزوجك حولهم
الله يشفيك يارب وتحدي التعب والوسواس وتغلبي عليه عليك بالرقيه وشرب ماء زمزم وربي يشفيك ويعافيك ...،،


حسبي من الفخر انك والدي وحسبي من الحزن انك تحت الثرى

نفس حالتك بالضبط ويمكن اخس ووحولوني دكتور نفسي وقال عندي اكتاب بس خفت ما استخدمت دواه لاني متاكده ان فيني عين وسحر

صراحه انا مو معترضه ع القدر بالعكس لمن توفى اخوي انا عرفت وش معني الرضا بالقدر خيره وشره
والله ماعترضت ولابكيت وراضيه بكل شي

بس انا نفسيتي تعبت من اشياء كثيير حاولت كثير اغير من نفسسي

بس مادري بعد ماتوفى وبعد مامرضت انا كل شي تغير بالنسبه لي حتى مفهومي للحياه تغير

برضو الوحده تسوي حااولت اطلع اسوي شي بس انا عايشه بعيد عن اهلي

الله يشفيك ويعينك