مرحبا دكتورة ..الله يعطيك العافية على مجهوداتك معانا والله يجعلها في ميزان حسناتك..
دكتورة ولدي عمرة 4شهور و25 يوم ووزنه كان قبل شهرين 6 كيلو
ولدي يرضع صناعي 90 مل كل ساعتين ونص الى ثلاث ساعات..واحيانا يشرب 120 مل بس يرجع منها شوي ..ومااعطية اي شي ثاني ..ماالنظام الغذائي المفضل لعمرة...وهل 90 مل كافية لعمرة ..ولو حابة ااكلة تفاح مهروس من الصيدلية او جزر متى اعطية..يعني قبل الرضعة او بعدها.

هلا دكتورة عندي بنتين توأم اعمارهم 4 سنوات وحدة طولها 102 سم ووزنها 16 كيلو
الثانية طولها 100سم ووزنها 17 كيلو ..
سؤالي الاول هل اوزانهم متناسبة مع اطوالهم واعمارهم ..وياريت يادكتورة لو تعملي لهم نظام غذائي متنوع يناسبهم ولك جزيل الشكر.

السلام عليكم دكتوره

ولدي عمره 8 شهور

بس وزنه قليل ورضعته قليله

وزنه 7 واعطاني الطبيب فيتامين ماكسافيت بس ماتقبله ابدآ اذا اخذه صار يستفرغ وتركته

والرضعه يشرب 60 ملي وبعض الاحيان 90 ملي كل 5 الى 4 ساعات

والسيريلاك ماتقبله ابدآ جربت سيريلاك الصحه وسيريلاك نستله وسيريلاك بيليفيت بلس

ومانفع معه والخضار ماتقبلها بعد وش الحل وش ممكن ااكله

ابي اكلات تزيد وزنه وابي فيتامين يزيد الوزن

على فكره انا اعطيه حليب سيملاك 2

هل ممكن يادكتوره اعطيه حليب بديا شور الان مع حليبه ملعقه مثلا سمعت انه يزيد الوزن

الله يجزاك خير

يعطيك العافيه دكتوره
بنتي عمرها الحين اربع شهور ووزنها 5,700
حاليا ارضعها صناعي حليب سيميلاك1 ومشكلتها انها
صارت ماترضع مثل اول الحين تشرب 90 كل 4 ساعات
وتنام عشر ساعات بدون ماتطلب حليب ولما تقوم تشرب 60 بس
ماتكمل الرضعة مع انها اول كانت تشرب 90 كل ساعتين او ثلاث ساعات
بديت ااكلها زر الصحة ومرطبانات خضار وفواكه 4 شهور وتاكلهم بس بعد الاكل
تقعد 5 ساعات تقريبا الين تجوع مره ثانية ومن كم يوم صارت اذا اكلت ترجع اكلها
صارت نفسها مسدوده عن الاكل والحليب وحجمها زغنطوطه
وصرت احسب الي تشربه من الحليب طلع تقريبا 450 خلال 24 ساعه
ياريت تقولين لي هل هذا طبيعي او عندها مشكله

اهلين دكتوره ..

بنتي عمرها سنه واربعه اشهر وزنها 10 كيلو سمله عليها ..

بس حبيت اقولك نظامها الي متعبني وقوليلي له فائده لها والا مايفيدها ..

بنتي يادكتوره تمضغ وتعرف بس لو بعطيها ماتاخذ غير لقمه ولا تاكل ماتبي ..

لكذا اكلها الي اعتمده للحين مهروس ..

اذا قامت رضعه ..
وبعدها اهرس خضار مسلوقه بطاطس كوسه جزر واحيان مرتين بالاسبوع دجاج هرس ناعم جداً ويكون غدا

وبالعصر مهلبيه او اي نوع حلى ..

وبعدها بفترة زبادي ..
وعشاها موزه وتفاحه وكم حبة تمر مهروسه ناعم جداً ..

ورضعه قبل النوم 180 ملم ..

واذا حطينا اكلنا تاخذ مني القمها بالكثير لقمه لقمتين ..

تتوقعين ينفعها هالاكل المهروس ..؟؟
محيرتني وماتاكل لو بقعد اعطيها تمضغ ترفض بشده وحتى المهروس بالقوه تاكله بس احاول اشغلها وااكلها علشان اعرف كمية اكلها ..

افيديني يادكتوووووره