ممكن اقبل
لكن ياليت صديقتك و اخواتها يجتهدوا اذا كانوا يدرسون
عشان يلقون وظيفه تعيلهم وبعدين يستاجروا شقتين جنب بعض
عشان كلام الناس و القيل و القال مثل مافهمت هم مايبون الناس تكلم عنهم

أكيد بوافق ماني قليلة أصل ولا قليلة تربيه بحطهم ع راسي هذولي فوق وفاة أبوهم تشردوا من بيتهم يعني كيف نفسياتهم الحين وإذا ولدها ماوقف معاهم من يوقف معاهم هذولي أهله هذي أمه أمه إذا زوجة الولد ماتبيهم عندها تطلع هي من البيت لبيت أهلها وبصراحه الموقف هذا يبين معدن الزوجه وتربيتها..

وترى الدنيا دواره..

شي طبيعي برضى يسكنون بس أقلها نكبر السكن شوي
يعني يكون فيه غرفه وحمام خاصه للأم وبناتها وبلاش يشتركون مع الأطفال بغرفه
وبخصوص الطبخ يتشاركون مع بعض وكلن يقوم بمهامه
ولازم بعد يقدرون وضع الصغار وإزعاجهم صعبه تتم السيطره على الأطفال
يعني المفروض الكل يكونو متفهمين لوضعهم و ظروفهم

اكككيد بقبل وارحب فيهم حرام من لهم بعد الله غير اخوهم .. وفعلآ زي ماقالو البنات اذا زوجك مافيه خير لأهله مافيه خير لكك واذا تخلى عن اهله راح يجي يوم يتخلى عنك .. وبعدين حطي نفسك مكانهم او افرضي خواتك وامك مكانهم اكيد راح تتشرهين ع اخوك ياخذهم .. البنت العاقله والفاهمه والي تخاف الله تحط خواته خواتها وتحط امه بعيونها بكره تترجين من ضناك يبر فيك .. عجب للي تقول يروحون يشتغلون يختي حرام عليك الشغل ماهو سهل خليهم عند اخوهم الين ربي يرزقهم بالازواج .. هذا رئيي ورأي كل وحده تخاف الله ،،


يـارب

حبيبتي صراحه مافي اي وحده تقبل اهل زوجها يسكنون معها اكيد لها حياه شخصيه وماتبي احد يطلع عليها لكن هم وضعهم غير يعني مساكين لا عندهم فلوس يفتحون بيت ولا يقدرون يسوون شي اقل شي الاخ يسويه يبني لهم لو غرفه صغيرونه مع حمام ومطبخ ويخليهم بجزء من بيته هذا اقل شي لراحته وراحه اهله وراحه زوجته بس هو غلطان وبعدين اكيد الشؤون بيعطونهم لو مبلغ بسيط يبنون فيه او يدبرون حالهم فيه كذا عيشتهم حرام وشو ينامون مع عيال اخوهم وزوجته متضايقه منهم وحالتهم حاله الله يعينهم من جد