تقول مافيني الا العافية وهي مسقطة!!!!

السلام عليكم


كيف حالكم
عندي جارة ساكنة فوقي وانا عندي اعيال وبنات رزق من الله الله يصلحهم ويهديهم
هذي جارتي عندها ولد واحد عمره سنتين
وامها كبيرة بالسن وماعندها الا اخت واحدة
وكذا مرة ترسل لي تقول ابي انزل ولدي عندك لانه فيني نوم ..
وانا اعتذر اقول هذاي ابي اطلع
مشغولة
بيجوني اهلي
وكذا مرة اعتذر لانه بصراحة مابي استقبل ولدها وهي ماعندها ظرف طاريء لاقدر الله
يعلم ربي اني ما انام الا ٤ ساعات باليوم اركض ورا عيالي وعندي حالة توحد بالبيت يعني معذورة
المهم
الموقف صار قبل يومين
جاء زوجي قال
جارنا فلان يجيب ولده معه للمسجد
والولد متسخ وحالته رثه
يقول شفته امس عند المستشفى هو وولده نايمين بالسيارة
وسلمت عليه قلت عسى ماشر
قال المدام مرقدة هنا
جاء طاير لي يعلمني انا تقطع قلبي على الود وخفت عليه من البرد يلعب فيه
ارسلت لها
قلت انه زوجي شاف ابو فلان وقال له انتي بالمستشفى سلامتك
ارسلي الولد عندي ينام واراعيه لين تخلصين امورك الله يشفيك
ردت علي
قالت مافيني الا العاااافية بس عندي شوية تحاليل وبس
انا دعيت لها بظهر الغيب واسكتت
بعدها باسبوع رجعت للبيت يقول زوجها انها مسقطة
يقول زوجي اتصلي والا روحي لها وجبيها
قلت يامسلم هي ترد علي تقول مافيني الا العافية
يمكن ماتبي اعرف عنها شي مدري
احس ردها علي غريب
والمفروض تفرح انه امسك ولدها لانه دايم تعرض علي امسكه لاسباب تافهة
وش رايكم الحين
بصرااااحة مالي خاطر ارسل ولا اكلم ولاشي
لانه مابي تحس اني ابي اشوف اخبارها او شي من هالقبيل
وش رايكم بردها علي احس انجرحت