يبدو يا اختي ان زوجك يعلم جيدا فرضية صلاة الجماعة , وهو يخجل من نفسه عندما يرى الرجال عائدين ,

واضح بان ما يمنعه هو الكسل أو عدم التنظيم والنسيان . قد يفوته الوقت دون أن يشعر .

لذلك نصيحتي لك , بان تجهزي له ماء الوضوء مع المنشفه وملابس الصلاة -وحبذا لو كانت جديده ومميزة ومخصصة للصلاة ي المسجد - بمجرد سماع الأذان تشجعيه على القيام وأنت إلى جانبه بالكلامات اللطيفه , فيتوضأ وأنت تحملين له منشفته , وتوصليه بنفسك إلى الباب ...

قد يكون محتاج للتذكير فقط لحظة الصلاة والتشجيع

السلام عليكم ورحمه الله وبركاته

صراحه اختي اعجبني موقفك وخوفك على زوجك والحاحك له باقامه صلاه الجماعه في المسجد بارك الله فيك وجعل بقيه نسائنا من امثالك

انصحيه نصح طيب وبالين شوف وش اللي يفيد معه واخذيه بالهداوه ..
قولي له لاني احبك واخاف عليك ودي انك تصلي مع الجماعه واشوفك احسن الناس

وانا مع كلام اختي نرجس :
حبيبتي فيه شريط رائع اسمه( دموع المآذن ) للشيخ العريفي ..........رائع اسمعيه أنت وزوجك في السيلرة لتشجيعه ثم اكتبي له رساله حزينة عن خوفك عليه وأنك تدعين الله له دائما أن يهديه للمحافظة على الصلاة ....وأن ذلك هم كبير بالنسبة لك ...........وهكذا .....اللهم في هذه الساعة المباركة في عصر الجمعة الفضيلة أسألك اللهم بأسمائك الحسنى وصفاتك العلى أن تهدي زوج بدر الجوري وأن تعينه للمحافظة على الصلاة في المسجد ..يارب العالمين
يامجيب الداعين ...ووفقها لنصحه وعظم أجرها ياحي ياقيوم

انا ماسمعت شريط العريفي لكني اعرف هالشيخ وماشالله عليه واسلوبه حلو

شوفي اختي بقولك قصه لعلها تزيدك من الدعاء لزوج بالهدايه وعدم التهاون وتركه على هواه

القصه حصلت لي في يوم قريب واحد من جماعتنا قام قبل الفجر بشوي ودخل الحمام وبطلعته او فيدخلته جته سكته قلبيه وتوفي الرجال صحيح مافيه شي ماهو كبير عنده من العيال 4 اكبرهم في الابتدائي يمكن 1 واصغرهم بنت عمرها سنه اللي اعرفه ان صلاه الفجر ماكان منتظم عليها في الجماعه كان يصلي في بيته والله اعلم متى كان يصليها ( انا مااجزم بهالشي لكن سمعت ىمن ناس مقربه له مره بهالامر )
اخذه الله فجأه
جلست اكلم نفسي لو كان زوجي اللي مكانه وكان مايصلي الصلاه بوقتها وكان يدخن والعياذ بالله ومانصحته وتوفي على غفله وش بيكون حالي !!!!!!!!
مو بس بكون فقدت زوجي لاااا
والامر من كذا اني عارفه انه بيتعذب الا اذا رحمه ربي
ماراح يقدر يرجع ويتوب ولا راح يرجع وانصحه
ضااق صدري وحمدت الله ان زوجي ماهو كذا لكني حرصت زيااااااده على اني اشوف زوجي بالوجه اللي يرضي ربي منه
خوفي عليه ليس في الدنيا فقط وانما بالاخره
فنصيحه اخواتي ماحد يعرف متى بيموت وكثر موت الفجأه من علامات اقتراب الساعه فلنحاول نبذل اقصلا جهدنا لنرضي الله وننصح ازواجنا للي ينجيهم من عذاب الله
والله يعينا انشالله وهو المعين ..

أختي بدر الجوري

الحمد لله أن زوجك يصلي حتى لو كان يجمع وأنه مايروح للمسجد بس " يصلي " وهاذا جانب الجيد
عموما الرجال مايحب النصيحة المباشره " مثل كلمة قوم يارجال الصلاة طلعت " شي طبيعي لمن يقولك أستحي أطلع والناس راجعين " من الصلاة
قولي له مثلا مايصيرالأولاد يشوفون أبوهم قاعد وقت الأقامة ومايروح يصلي شلون يسمعون كلامك أذا قلت لهم قومو صلو أو روحو للمسجد وأيش موقفهم من منك راح تنهز صورتك قدامهم
وبعدين لمن يأذن على طول قولي له يالله ترى أذن للصلاة أجيب ثوبك أجيب جزمتك أعزكي الله
أو أنتي أنقزي وجيبي غترته وثوبه وجزمته وبيني أنك فرحانه فيه وأنك راح تفرحي أكثر برجعته من الصلاة أستقبليه عند الباب وقولي "حراما ياحج" وهو يقولك " جمعا أن شاء الله " على سبيل المزح
دليليه وحسسيه أن هو أبو البيت وعامود الخيمه أذا أستقام أستقامو الأهل كلهم معاه
ملاحظه " هاذي النصيحة مجربه ومفعولها 100بالميه مع الدعاء طبعا "
وبالتوفيق

أيوه أختي على سيره الدعاء
" أبيك تدعين لي بالهدايه وراحة البال "
شرط في العشر الأواخر من رمضان :42:

لاحول ولا قوة الابالله

ترك الصلاة كفر والاصرار على تاخيرها عن وقتها

من علامات الاستهتار بالدين واللي كذا مايصلي الصلاة في وقتها مايستاهل الجلوس معه اذا كان عندك عيال وشلون بيربيهم وهو كذا مستهتر حاولي معه بجد واذا ماستجاب افراقه اولى والله يعوضك بواحد محافظ على الصلاة

اللي انا مستغربته ردود بعض البنات الله يهديهم

ابعدي المنكرات عن بيتك واكثري من الدعاء آ خر الليل وادبار الصلوات

ياأختي لا تضيقين صدرك ولا تشيلين هم .. بإذن الله مصيره ربي بيهديه خصوصاً إذا دعيتي له وخصوصاً انه يصلي في البيت ( أقول هذا الكلام لأني أسمع عن ناس كثيييير للأسف مايصلون حتى وهم كبار ومتزوجين وكل شي ! ) فتخيلي كيف بيكون الوضع ساعتها ؟ فاحمدي ربك ان بيدك أشياء كثيرة تسوينها ..
مثلاً لو كان عندك أطفال ، فأنا أنصحك بالضبط بنفس المكتوب في الرد .. مو الرد اللي قبلي على طول ، لأ ، اللي قبله :)
وش أسوي مااتذكر .. فشيلة :( المهم .. وإذا ماكان عندكم أطفال ، فأنصحك بعد بنفس نصيحة الأخت اللي قالت لك تكتبين رسالة وتوضحين خوفك عليه الشديييد اللي ماله أي مبرر غير انك تحبينه وهالشي أكييييييد بيأثر فيه .. ويحس ان اللي يسويه مو سهل .
طبعاً غير السواليف اللي بدون قصد ، مثلاً تسولفين عن أي قصة سمعتيها عن عاقبة إهمال الصلاة ، و موت الفجأة ، و البركة اللي تروح في الدنيا بإهمال الصلاة .. يعني تعالي له من اكثر جانب تحسين انه بيأثر فيه وانتي طبعاً أدرى مننا :) ومع الأشرطة والكتيبات بس إذا حسيتي بإعتراض منه لا تضغطين عليه .. أو تجبرينه بصورة أو بأخرى على سماعها لأن ممكن يسبب العناد .. والله يوفقك ويفرحك بهدايته ويعطيك الذرية الصالحة .
وادعي لنا بالستر والصلاح والعفو والعافية ، وان مانفجع بعزيز أو قريب .. آمين .