تكفوووون !! ابغى عدة طرق للكرشة والمصارين ورؤوس الخرفان !!

بصراحه انا مااحبها بس عندي لك طريقه وان شاء الله تعجب زوجك
نظفي الراس وقطعيه وكسريه الى اربع قطع او اكثر والكرشه اغليها ونظفيها وقطعيها بالمقص بصراحه التقطيع يكون اسرع والمصران افتحيها من النص ونظفيها جيدا وقطعيها صغار
الكوارع نظفيها من الشعر وقطعيها ثلاث قطع وبعد التنظيف خذيهم اما مع بعض او كل صنف لوحده وضعيهم في الكاتم وعليهم بصل وكمون وكركم وملح حوالي ثلاثة ارباع الساعه راح تلاقيهم يذوبوا في الفم
وان شاءالله البنات يفيدونك اكثر

هلا حبيبتي


عن نفسي اولا ابدأ بالتنظيف صابون وماي طبعا اقصد الكرش والمصارين وبعدين اصب على الكرش ماي مغلي


واتركها دقيقتين بعدين انظفها بالسكين يعني اكشطها اما المصارين اضع هوز الماء بداخلها لين تنظف


واتركها جانبا اما الرأس اهم شيء تفكين الرأس يعني تفتحين الفكين عن بعض وبمساعده السكين

ثم تنظفينه من غير تكسير ولا شيء



الكرش والمصارين ممكن تحشينهم خلطه المحشي اللي هي ارز وبهارات وبصل وثوم وطماط مفرومين

ولحم مفروم وكزبره وبقدونس وشبت يعني نفس المحشي وتخيطين الكرش اما المصران تربطينهم بسلك

بعدين تسلقينهم بحمسه بصل وثوم وطماط ولومي تكثرينه وبهارت و ورق غار طبعا مع الرأس


الطريقه الاخرى تقطعين الكرشه قطع صغيره وتلفين كل قطعة بقطعة من المصير بشكل بكره


ليييييييييين تتجمع عند قطع كثيره ملوفه بالمصران وتحطينهم بصينيه وتضعين عليهم نفس

اللي قبل ماي ولومي اسود وبهارا ودارسين صحيح و ور غار وشوي دبس الرمان وعصير ليمونه

ويكون الماي ثلاث كاسات تقريبا وتلفين لصينيه بقصدير وتدخلينها الفرن ساعتين تقريبا او اقل شوي

وهذي الطريقه لذيذه


والطريقه الاخيرة للكرش والمصران فقط


تقطعينهم صغير بعد التنظيف طبعا بس لقطع صغار جدا وتضعين عيهم جميع البهارات والملح وشو

ليمون وبصل مفروم ناعم وطماط مفروم ناعم وثوم مفروم وكاس ماي فقط وتحطينهم بعلبه حليب

زي النيدو مثلا بس كبيرة وتحطينهم على نار هادئة جدا وتخرمين غطاء النيدو بالسكين وهذي

تصلح لطلعات البر وبعد الطعم لذيذ حسب كلام زوجي لاني ما احبهم


اما الكراعين اعذريني ما قد جربتهم



اتمنى افدتك يالغلا

الرأس يا حبيبتي نظفيه زين ونظفي اللسان ولفم وبعدين اسلقيه ولا فار وطلع الزفر كبي المويه وارجعي اسلقيه مره ثانيه وبعدين شيليه وملح وفلفل وحطيه بالفرن وتعالي كولي الاصداغ لحمه يجنن واللسان بعد ما تشيلين الطبقه اللي فوقها
والمخ وبالعافيه
المصارين طبعا بعد التنظيف ممكن تقطع قطع صغيره ومعاها الكبده والكلاوي وقطع لحم من البطن وتنطبخ قصابيه بصل وثوم واللي عندك من الكبده والكرش وطماطم وماجي وبالهناء والعافيه
او تنظف زين وتسوين حمسه بصل وكثير مع لومي مطحون وبهارات وتقطع الكرشه وتحشي فيا مع ربطها بالمصارين وتنحط فوق الذبايح
أو تربط بالمصارين بدون حشو وتنحط في الفرن او تقلقل على الصاج مع اللحم
وكل طيب

ماشاء الله عليكم

شكرا للجميع وعلى فكرة ثقلتها عليكم
لو تعرفون طريقة الكمونية ..