اولا بعتذر عن اننا مش هنتكلم انهارده عن ذكر الله زي ما قولتلكم المحاضرة ايلي فاتت
لاني لقيت ان ذكر الله دي سلسله كبيييييييييييرة مش هتخلص في محاضرة واحده فهنبقى نمسك السلسلة دي ورا بعض باذن الله في وقت تاني
تاني حاجه حابه اقولها قبل ما نبدا...ايه رايكم يا بنات نبدا مع بعض فى حفظ القران ونعمل مثلا محاضره امتحان وحفظ ومحاضره تانيه عن العبادات عادى زى متعودنا وعلى فكره ده علشان يساعدك على الصلاه لان وانتى بتحفظى القران جديد وصليتى بالايات الى انتى بتحفظيها لسه ده هيخلى فى خشوع كبير اوى فى الصلاه ولما تحسى انك بتقرى باللى بتحفظيه ده هيخليكى مرتاحه اوى فى الصلاه وده الى احنا محتجينه فى الفتره دى
انا مستنيه ارائكم بالله عليكم
سمعاكي ياللي بتقولي كفاية رغي انجزي هتتكلمي ف ايه
هنتكلم يابنات عن حاجه مهمة جدا جدا وتعتبر مشكلة حياتنا بجد وهي الوقت
وقت ايه يانسمة ايلي هنتكلم فيه هي حصلت للدرجة دي؟
اه للاسف
هحكيلكم موقف كده
اخت بتسال اختها انتي بتقعدي على الكمبيوتر تعملي ايه؟؟
سؤال عااااااااااااادي جدااااااااااااا جه ف بالها..تخيلوا تقول ايه...بجد اجابة صاعقة ملهاش مثيل
قالت بلا مبالاة عادي بضيع وقت مش لاقيه حاجه اعملها!!!!!!!
ها اتصدمتى
معقول في كده؟؟ في حد يابنات منكم كده زيها؟
طولت معاها شويا في المناقشه قالتلها حاجات صاعقه اكتر
بتقول انتي مالك مكبرة الموضوع ليه هي جت عليا دا كل صحباتي كده بيصحوا الصبح يقعدوا على الفيس بوك ميقوموش ابدا !!!!
بصراحه كلامها دا خلاني دلوقتي اعرض عليكم حاجه مهمه جدا جدا جدا جدا
كتير منكم بيشوفها تافهه مش مستدعيه اننا نتكلم فيها حتى
جريت وقولت هتكلم انهارده عن كده
قال رسول الله صلى الله عليه وسلم " لن تزول قدما عبد يوم القيامة حتى يسأل عن أربع: عن عمره فيما أفناه وعن شبابه فيما أبلاه وعن ماله من أين اكتسبه وفيما أنفقه وعن علمه ماذا عمل به ؟
بنات ارجوكم اسمعوني شويا بجد وركزوا
للاسف قليل اووووووووي ايلي يحس بقيمة وقته ويحاول يحافظ عليه وميضيعوش عالفاضي والمليان
وكتييييييييير اوووووووووي اكتر من 70 في المية مش حاسين بعمرهم ايلي عمال يضيع منهم عالفاضي
حضرتك مثلا لما بتصحي الصبح بتعملي ايه؟؟؟؟
شوفي اجابتك انهي اجابه ف دول:
1/ياه يانسمة دانا بصحى ومش ببقى عارفه اعمل ايه ولا ايه علشان ألحق يومي قبل ما يخلص
2/بصحي عادي يعني يانسمة اغسل وشي واصلي لو هصلي واقرا اذكار الصباح واروا البيت او اودي العيال المدرسه واروح اجيبهم اخر النهار واعملهم الاكل واستنى جوزي ييجي واغديه او اعشيه وشويا وطول اليوم بهري وانكت مع العيال جننوني وقرفوني ف عيشتي لحد ما اليوم يمر بسلام وننام واصحى ف نفس الموال(ايلي نبات فيه نصبح فيه)
3/بصي بقى ياست نسمه انا يومي مختلف عن اي حد اصحي من النوم كده براحتي باشا واعملي النسكافيه بتاعي عشان ازبط نفسي وانعنش كده وادخل ع النت اقضيها شات مع صحابي وياسلام احلى وقت والله انا كده 100 فل
4/بصراحه يانسمة مش بعمل حاجه بحس بملل طول اليوم مش لاقيه حاجه مفيده اعملها اتخنقت
5/انا بصحي يانسمة اجري على شغلي او كليتي اتمرمط هناك و الله يااوختي وارجع مهدوده ومش طايقه نفسي ولسه بقى ياما اذاكر بعد الشر عليا ياما انام لتاني يوم ياما اقعد معملش حاجه ياما اتخانق مع اخواتي مع جوزي مع عيالي اهو اطلع غلبي ف اي حد بلا هم
ها اخترتي اجابة؟؟؟؟
شوفتي نفسك على حقيقتك ولا لسه؟؟
فرحانه بنفسك؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ مبسوطه بحياتك دي ؟؟؟؟؟؟؟
لو اجابتك لأ ...طب مستنية ايه؟ بتضيعي ف وقت ليه اكتر من كده على العيشه دي؟
لو اجابتك اه. .. اشك مش مصدقاكي انك مبسوطه كده والله العظيم دي السكينة سرقاكي وهتندمي ندم فظيييييييييييييييييييييييييييييييييييييييع شنيييييييييييييييييييييييييييييييع على كل لحظه ضيعتيها ف حياتك معملتيش بيها حاجه
بصي ابن القيم بيقول ايه: كل نفس (جمعها انفاس يعني) وكل عرق يخرج في الدنيا في غير سبيل الله سيخرج يوم القيامه حسرة وندامة.
ياااااااااااااااااه جاوبيني بالله عليكي مستنية ايه؟..مستمتعه بيومك بالمنظر دا؟ حاسه ان ربنا راضي عنك كده؟
خلاص يانسمة انجزي وقولي اعمل ايه انظم وقتي ازاي؟؟
هقولك
اول حاجه لازم تعمليها حددي هدفك في حياتك دنيا واخرة..يلا مستنياكي تحددي..... ها حددتي؟ طيب تمام
تاني حاجه حطي هدفك دا قدامك ... مثلا يعني انتي عايزة ايه؟
مين يانسمة؟ ايوه انتي اهو
يااااااااه عايزة اتخرج وربنا يوفئني في دراستي واخلص بقى من المذاكرة/عايزة اتخطب واتجوز/عايزة اجيب عيال /عايزة اربي عيالي احسن تربيه/عايزة ربنا يحبب خلقه فيا/عايزة ادخل الجنه /عايزة عايزة عايزة كتيييييييييييير
طيب
تالت حاجه حكمي ضميرك واتقني عملك(ان الله يحب اذا عمل احدكم عملا ان يتقنه)
ايلي عايزة تنجح ودا هدفها طب ماتحطيه قدامك وذاكري عدل بضمير بجد ونظمي وقتك على الاساس دا لحد ما توصلي لهدفك
ايلي عايزة تربي عيالها كويس طب ما تقري كتير في الموضوع دا وخلي الرسول عليه الصلاة والسلام قدوة ليكي وخليكي قدوة لاولادك ..بالله عليكي هتنصحيهم ازاي يصلوا وانتي اصلا مبتصليش قدامهم ..ازاي عيزاهم يتعلمو القرءان وانتي مش عارفه تمسكي المصحف صح قدامهم..عييييييييب
ايلي عايزة تتخطب ولا تتجوز..طب بصي لنفسك شويا بصي لروحك حلوة ولالا؟؟ انتي رشيقه ولالا ؟بغض النظر انتي رفيعه ولا تخينه الرشاقه حاجه تانيه ملهاش علاقه بالتخن او الرفع والله عيييييييييب اووووووووووووي تكوني بنت او ست عموما وعندك بطن ايه دا انتي انثىىىىىىى ربنا مديكي نعمة الانوثة ازاي مش محافظه عليها معلش محدش يزعل بالله عليكم مني...زبطي نفسك شويا ونظمي وقتك وادي لحاجه زي دي جزء من وقتك اعملي تمارين ...بصي للسانك بينقط سكر مع الناس ولا طوب وزلط
يابنات كللللللللللل دا اساسيات الحياااااااااااااااااااااااااااااااااة ازاي بنضيعها؟؟
بصي ابن مسعود بيقولك ايه: (ماندمت على شئ كندمي على يوم غربت فيه شمسه ولم يزد عملي)
دا ندمان على يوم
اومال احنا نعمل ايه بقالنا سنييييييييييييييييين كده!!!!!!! بنصحى زي ما بنام وننام زي ما بنصحى وادينا عايشين وخلاص لحد ما نموت ونرتاح بقى دي عيشة تقصر العمر
طبعا معاكي حق
ماهي لازم تقصر العمر لانك هتجيبي لنفسك المرض بالخنقة ايلي انتي فيها دي
جربي تستمتعي بكل لحظة في يومك
نظمي وقتك ولو بورقة
اصحي قولي مثلا انهارده هعمل كذا من الساعه كذا لكذا وبعدها هعمل كذا
تعالي انا هساعدك ولقيت خطه جميله اوووووووي وجبااااااااااااااااااااارة لا تقاوم بجد هتعمليها بمنتهى السهولة في يومك وغير كده وكده هتبقى بتعملي زي حبيبك النبي عليه الصلاة والسلام بالضبط في يومه يعني الخطه ايلي هقولها لو عملتيها هيبقى اسمك مطيعه لله ولرسوله (ولقد كان لكم في رسول الله اسوة حسنة )
يلا نقلد الرسول؟؟؟؟؟ يلا نعرف رسولنا كان يمارس يومه ازاي؟
الخطه دي يابنات انا لقيتها صدفه وبجد ممتااااااااااااااااااااااااااااااااااااااااازة لاني جربتها وحسيت براحه ما بعدها راحه
اووووووووف يانسمة انتي ممله خلصي ايه هي؟
حاضر من غير ضرب
هما 4 حاجات وانا هضيف عليهم واحدة كمان هتعجبكم اووووووووي ...نعمل ال 5 حاجات ايلي هقولهم دول كل يووووووووووم ولمدة اسبوع واااااااااااااااااااااااحد تجررررررررررررررررربة وهنشوف ارتاحنا وعجبنا النظام كان بها ولو مرتحناش ؟ معتقدش ابدا
يلا
1/عمل(لعقلك)
2/عبادة (لربك وقلبك)
3/رياضة(لجسمك)
4/اجتماعيات(لعيلتك)
5/نفسك (طبعا لنفسك )
ايه يانسمة دا مش فاهمين حاجة
مانا لسه مقولتش حاجه اصلا
بصو هنمسك حاجة حاجه
1/العمل
بصي يا ست البنات
كللللللللل يووووووووم ولمدة اسبوع عليكي 6 ساعات عمل متواصل او غير
يعني ايه برده مش فاهمين؟
يعني لو انتي طالبة يبقى كل يوم تقعدي 6 ساعات صااااااااااافي بتركيييييييييييز شدييييييييييييد تذاكري(اقفلي موبايلك بقى ابعديه عن عينك اقفلي بابك عليكي قولي مفيش قعاد على النت ومفيش متعه لنفسي غير بعد ما اخلص من ال 6 ساعات دول) والله سهله متقوليش صعبه مانتي كده كده مبتذاكريش تقريبا طول السنه يعني محتاجه 24 ساعه علشان تلحقي تخلصي الهم ايلي وراكي في المذاكرة فانا بقولك اهو لو اعدتي 6 ساعات فقط لا غير في اليوم هتنجزي كتييييييييييير واكتر من ال 24 ساعه كمان بس شرط التركييييييييييييييز..افتكري هدفك حطيه قدامك هتلاقي نفسك بتنجزي علشانه
لو انتي خريجه او بتشتغلي يعني عموما راعي ضميرك في شغلك بلاش شغل الكروته وسلق البيض دا
بلاش نقعد نقول ونفتخر بالدول المتقدمة ونعيب على بلدنا والعيب فينا اصلا ابدئي بنفسك ملكيش دعوة بحد لان ربنا هيسالك انتي عملتي ايه ف شغلك نفعتي حد ولالا؟ هتقوليله ايه بقى لا دانا كنت بخرط الملوخيه وبأمع البامية!!!!!
ولو انتي حتى ست بيت او مش بتنزلي فالعمل ايلي عليكي انتي تقعدي ال 6 ساعات صاااااافي من يومك تقري بقى او تعلمي ولادك حاجه مفيده او تخلصي شغل بيتك بضمير او تمارسي اي هواية تحبيها
كده نقطه العمل خلصت ويارب تكون مفهومه
2/العبادة
اكتر حاجة كان بيحافظ عليها الرسول عليه الصلاة والسلام ايه هي؟؟؟ غير الفرائض طبعاااااااااااا
قيام الليل/الدعاء/ذكر الله/القرءان
ومع ذلك انا هخليكي تعملي كل داااااااااااااااا في 20 دقيقه فقط
هقولك قدامك طريقيتين
1/اصحي قبل الفجر بربع ساعه اتوضي وصلي ركعتين امسكي فيهم المصحف واقري صفحه في كل ركعه (كده عملتي قيام ليل وقريتي قرءان كمان من المصحف )
بعد الركعتين اقعدي شويا ادعي ولو دقيقتين لحد ما الفجر يأذن (دا افضل وقت لاستجابة الدعاااااء اقسم بالله)
الفجر اذن يلا صليه وبعد ما تخلصي قولي اذكار الصباح او اي ذكر لله ولو لا اله الا الله لمده 3 دقايق( كل دااااااااااااا مش هياخد من وقتك 20 دقيقه والله واقل كمان وجربيها بنفسك)
ويا سلام ياسلام لو قومت قبليها بساعه خليتى ربع ساعه قران ونصف ساعه صلاه وربع ساعه دعاء واستغفار لحد الفجر مياذن
يبقى يا بختك يابختك يابختك عند ربنا
2 / تاني طريقه لو حاسه انك مش هتقدري تصحي قبل الفجر بربع ساعه
صلي قيام الليل بعد العشا قبل ما تنامي واقري برده من المصحف اثناء الصلاة صفحه واقعدي ادعي واذكري الله 5 دقايق بسسسسسسسسسسسسسس ونامي بس دى الاحتمال التانى
هيجرالك ايه يعني
ايه هينقص منك بالعكس دانتي بكده بتقلدي الرسول عليه الصلاة والسلام ووخداه قدوة ليكي بجد مش كلام وخلاص فض مجالس
اقسم بالله هتبقى قريبه اووووووووووووووووي من ربنا وهتشوفي والله اعمليها ارجوكي مش هتاخد من وقتك 20 دقيقه اسمعي الكلاااااااااااااااااااااام انا خايفه عليكى
كده جزء العبادة خلص
3/ الرياضة
والله يابنات النبي عليه الصلاة والسلام مكنش عنده بطن ابدا من كتر الطاقه ايلي بيمارسها
اهتمي بجسمك شويا(وان لبدنك عليك حق)
كل يوم خصصي من وقتك نص ساعه اعملي فيهم رياضة
سواء بقى في البيت او برا البيت نص ساعه امشي فيهم اتحركي شويا ايه القعده والكسل ده
...المهم انك كل يوم خلال الاسبوع الى اتفقنا انه تجربه نص ساعه رياضة
4 /اجتماعيات
كل يوم برده نص ساعه تقعدي فيهم مع باباكي ومامتك او جوزك او عيالك
بس نص ساعه مركزة معاهم لوحدهم مش مع التليفون او التليفزيون
او دلوقتي حالا هاتي ورقة وقلم واكتبي شوفي مين مقصرة ف حقه ومش بتسالي عنه من عيلتك او صحابك حتى
خصصي كل يوم في الاسبوع انك هتتصلي ولو 5 دقايق بواحد منهم
انهارده كلمتي خالك
بكرا بنت عمتك بعده صحبتك بعده خالتك بعده حماتك وهكذا
5 /نفسك
كل يوم ربع ساعه او نص ساعه برده
اهتمي بنفسك شويا بصي في المراية وصلحي عيوبك علشان تبقى حلوة قدام جوزك
ولو مش متجوزة فقدام نفسك على الاقل
خليكي طول مانتي اعده في البيت زي القمرررررررررررررررررررررر واجمل من القمر
ايه الايد الخشنه دي وايه الشفايف المقشرة دي وايه البشرة المجعدة دي وايه الكولكيعه السودا ايلي تحت عنيكي دي وايه الشعر دا ...ليه كده بتهيني نفسك ليه بتهيني خلقة ربنا ليه يابنتي ربنا مخلقناش كده ربنا خلقنا في احسن تقويم احنا ايلي بنبهدل نفسنا علشان مقصرين
شوفي عيوبك وصلحيها شوفي ايه الناقص في شخصيتك وقويها مستنية ايه يعني جوزك يبص لغيرك بعد الشر؟؟ ولا عيالك يطلعوا زيك مش حاسين بقيمه نفسهم ...شكلك وجسمك وبشرتك وشعرك وشخصيتك ولسانك كللللللللل دا حاجات غاليه اووووووووي ربنا مديهالك انتي وخصصك انتي تكوني انثى ازاي تضيعيها بس
خلاص الخطه خلصت
بس احسبيها كده هتاخد وقت اد ايه من يومك(6 ساعات عمل+ 30 دقيقه عبادة+ 30 دقيقه رياضه+ 30 دقيقة صلة رحم+30 دقيقه لنفسك= 8 ساعات ويمكن اقل كمان
ايه يعني 8 ساعات مانتي بتقعدي بالايام والاسابيع والشهور مش حاسه بوقتك ولا حاسه بنفسك واسمك عايشه وانتي اصلا ميته
جربي تقضي كل يوم 8 ساعات بالشكل دا وباقي اليوم اعملي ايلي انتي عيزاه ياستي
شوفي كده لما ربنا يبصلك ويلاقيكي محافظة على وقتك وعبادتك وعملك وصحتك ونفسك وصلة رحمك
شوفي كده نبيك عليه الصلاة والسلام لما يلاقيكي بتعملي زيه...هيفرح ازاااااااااااي
شوفي بعد الاسبوع دا علاقتك بربنا هتبقى عامله ازاي؟
شوفي علاقتك بجوزك واهلك هتبقى ازاي؟
شوفي جسمك بعد اسبوع هيبقى رياضي ازاي؟
شوفي مذاكرتك نجاحك في عملك رضاكي عن نفسك والاهم رضا ربنا عليكي
تخيلي الفرحه وانتي واقفه قدام ربنا بيتنادى عليكي انتي وهي وهي وربنا يقولك:انتو نفذتوا خطوات النبي ف اسبوع وساعدتوا بعض
وانتوا متعرفوش بعض اصلا ...تخيلي الثوااااااب وتخيلي فرحه ربنا وفرحة نبيك بيكي وانتي بتقولليه انا عملت زيك اسبووووووووع في حياتي مش قادره انساه من كتر حلاوته بس انتى عارفه مش هتقولى كده لانه مش هيبقى اسبوع لانك بعد متحسى بجمال حياتك فى الاسبوع ده
هتشوفى بنفسك
بصي بصي ابن القيم بيقولك ايه :من علامات مقت الله للعبد تضييع الوقت في لا فائدة لانه يفوت على نفسه فرصة للجنة ومن علامات حب الله للعبد ان يجعل شواغلك اكثر من وقتك!!!!
يعني ايه يانسمة الكلام الكبير دا
يعني عايزة تعرفي ربنا بيحبك ولالا راضي عنك ولالا؟؟
بصي لوقتك
بتضيعيه على الفاضي ولا عارفه بتعملي ايه بالزبط وعارفه تستنفعي منه؟؟
يعني البنات ايلي بتقول يااااه دانا انهارده ورايا حاجات ااااااااااد كددددده دي حاجات تزهأ ايه دا الواحد قرف .... لا ياقمر دي من علامات رضا ربنا عليكي
لان ايلي فاضي هيعصي ربنا وبيئة الشيطان الفراغ يعني الشيطان مش بيعرف يضحك على المشغول
وبعدين انتى عارفه ان انتى فى الاخره هيبقى ليكى ثلاث طابات
1 الاولى من نور وده الوقت الى انتى عبدتى فيه ربنا وعلى فكره ضميرك فى مذاكرتك شغلك جوزك وعيالك دول عباده لربنا ((العمل عباده فى غير اوقات العباده))
2 التانيه هتكون مظلمه جدا وده الوقت الى انتى عصيتى فيه ربنا والعياذ بالله
3والتالته بقى لهى ضلمه ولا نور وده هو الوقت الى انتى ضيعتيه على الفاضى يعنى لعملتى طاعه ولا معصيه ودا الغالب فينا الا من رحم ربى
انتى عارفه كمان انك هتقولى وقت متشوفى طابه النور دى هتقولى يارتنى مضيعت ولا ثانيه مذكرتش فيها ربنا
علشان كل دا يابنات
انا مش هقبل ان بنوته فيكم تيجي تقول لا مش هقدر التزم بخطة الاسبوع دا
هقولها حرام عليكي نفسك اتقي الله في وقتك ونفسك
محدش يقولي 8 ساعات كتير
مانا هقولك انك بتقعدي ساعات بتتفرجي على التيفي او قاعده على النت وبتقعدي ساعه ساعتين تكلمي صحبتك ولا جارتك في التليفون وبتقعدي ساعتين في المطبخ وساعة تاكلي وكام ساعه نوم
مستكترة 8 ساعات من كل وقتك الضايع دا في حاجه رسولنا كان بيعملها!!! ايه بقى مش عايزة تقلدي رسولك حبيبك عليه الصلاه والسلام؟؟؟ مستكترة على جسمك يكون رياضي؟ مستكترة على نفسك ركعتين قيام الليل والدعاء!!! مستكترة على نفسك تحسني علاقتك بربنا؟؟؟
عيشي بقى شويا كفاية كده عليكي تعبتي نفسك وضيعتي وقتك في حاجات غريبة
جربي تضيعي وقتك في الحاجات ايلي بطلبها منك دي وشوفي هتحسي بايه
انا مش بطلب اكتر من اسبوع على سبيل التجربة
مش يمكن تعجبك/مش يمكن حياتك تتغير 360 درجة/مش يمكن لا اكييييييييييد علاقتك بربنا تتحسن اوووووووي /مش يمكن تحسي براحه بال وترضي شويا عن نفسك/مش يمكن اولادك يقلدوكي وياخدوكي قدوة/مش يمكن علاقتك بجوزك تتحسن/مش يمكن تعرفي تنجزي جاااااااامد في المذاكرة والمعلومات تدخل جري لدماغك/مش يمكن تترقي في شغلك علشان اتقنتي فيه اسبوع /مش يمكن مش يمكن كله اكيييييييييييييييييييد بس جربووووووووووووووووووووووها مستحيل تحسوها بالكلام لازم تجربة انتو وراكو ايه يعني غير المذاكرة والشغل وتربيه العيال كفايه كده احسبوها صح ولو مرة
صدقوني بالله عليكم
الوقت دا مهم اوووووووووي عند ربنا وغاااااااااااااااااااالي والا مكانش اقسم بيه (والفجر وليال عشر/والعصر ان الانسان لفي خسر/والليل اذا يغشى والنهار اذا تجلى ...............
غيروا حياتكم بايديكم ساعدوا نفسكم
انا كده خلصت الحمد لله
يارب اكون وصلت ولو معلومة صغيرة
هستناكم خلال الاسبوع دا تدخلوا تقولوا انكم ماشيين على الخطه وفي اخر الاسبوع هتقولوا حسيتوا بايه .................ودا الواجب وخدى بالك انا مش شيفاكى لكن ربنا رقيب عليكم بقى
هنستمر في تقرير الصلاة متنسوش
المحاضرة الجاية عن الغضب وازاي نمسك اعصابنا شويا
بالله عليكى متزعليش منى انا عايزه مصلحتك والله العظيم
سبحانك اللهم وبحمدك
اشهد ان لا اله الا انت
استغفرك واتوب اليك
جزاك الله خير
لااله الا الله محمد رسول الله
اللهم صل وسلم على سيدنا محمد
لاحول ولاقوة الا بالله العلي العظيم
استغفر الله الذي لااله الا هو الحي القيوم واتوب اليه
سبحان الله الحمدلله الله اكبر لااله الا الله
دعواتكم ربي يرضى عني ويجعل همي الاخره ويسترني بستره الذي لاينكشف ويجمعني بزوجي على خير عاجلا غير اجلا يارب
لااله الا الله محمد رسول الله
اللهم صل وسلم على سيدنا محمد
لاحول ولاقوة الا بالله العلي العظيم
استغفر الله الذي لااله الا هو الحي القيوم واتوب اليه
سبحان الله الحمدلله الله اكبر لااله الا الله
دعواتكم ربي يرضى عني ويجعل همي الاخره ويسترني بستره الذي لاينكشف ويجمعني بزوجي على خير عاجلا غير اجلا يارب
جزاك الله خير لااله الا الله محمد رسول الله اللهم صل وسلم على سيدنا محمد لاحول ولاقوة الا بالله العلي العظيم استغفر الله الذي لااله الا هو الحي القيوم واتوب اليه سبحان الله الحمدلله الله اكبر لااله الا الله دعواتكم ربي يرضى عني ويجعل همي الاخره ويسترني بستره الذي لاينكشف ويجمعني بزوجي على خير عاجلا غير اجلا ياربجزاك الله خير لااله الا الله محمد رسول الله اللهم صل وسلم على سيدنا محمد لاحول ولاقوة الا...
جزاكى الله كل خير حبيبتى وجعله الله فى ميزان حسناتك اتمنى تكونى قريتى المحاضرات واتمنى اشوفك معانا دايما
اسال الله العظيم رب العرش العظيم ان يسترك فى الدنيا والاخره وان لا يجعل الدنيا اكبر همنا ولا مبلغ علمنا وان يرزقكى الفردوس الاعلى بلا حساب ولا سابقه عذاب وان يجمعك بزوجك عاجلا يارب لا اجلا
اسال الله العظيم رب العرش العظيم ان يسترك فى الدنيا والاخره وان لا يجعل الدنيا اكبر همنا ولا مبلغ علمنا وان يرزقكى الفردوس الاعلى بلا حساب ولا سابقه عذاب وان يجمعك بزوجك عاجلا يارب لا اجلا
الصفحة الأخيرة
ازااااى
أن الأحنف بن قيس كان جالساً يوما فجال في خاطره قوله تعالى
لـقد انزلنـا إليكـم كتاباً فيـه ذكركـم
فقال:
عليَّ بالمصحف لألتمس ذكري
حتي أعلم من أنا ومن أشبه؟
فمر بقوله تعالى
كانوا قليلاُ من الليل ما يهجعون وبالأسحار هم يستغفرون
وفي أموالهم حقٌ للسائل والمحروم
ومرَّ بقوله تعالى
ينفقون في السرَّاء والضرَّاء و الكاظمين الغيظ والعافين عن الناس
فمرَّ بقوله تعالى
يؤثرون على أنفسهم ولو كان بهم خصاصة ومن يوق شُحَّ نفسه فأولئك هم المفلحون
ومرَّ بقوله تعالى
يجتنبون كبائر الإثم والفواحش وإذا ما غضبوا هم يغفرون
فقال تواضعاُ منه
اللهم لست أعرف نفسي في هؤلاء
ثم أخذ يقرأ
بقوم
إذا قيل لهم لا إله إلا الله يستكبرون
ومرَّ بقوم : يقال لهم ما سلككم في سقر قالوا لم نك من المصلين ولم نك نطعم المسكين
فقال
اللهم إني أبرأ إليك من هؤلاء
ومر بقوله تعالى
وآخرون اعترفوا بذنوبهم خلطوا عملاً صالحاً وآخر سيئا عسى الله أن يتوب عليهم إن الله غفور رحيم
فقال
اللهم أنا من هؤلاء
والآن جاء دورك اعرضى نفسك علي القرآن الكريم
إذا قال تعالى
قد أفلح المؤمنون ..............
أكمل لترى أأنت منهم أم لا
إذا قال تعالى
أقـم الصـلاة .................
أكمل لترى أتفعل أم لا
إذا قال تعالى
أولياء الله لا خوف عليهم ....
أكمل واسأل نفسك متى ستكون منهم
إذا قال تعالى
وعباد الرحمن ..............
أكمل لترى أي صفة تنطبق عليك منهم
إذا قال تعالى
استغفروا ربكم ...................
أكمل لترى أين أنت من الاستغفار
إذا قال تعالى
أدعوني أستجب لكم ................
أكمل لترى أين أنت من الدعاء
إذا قال تعالى
إن الله مع الذين اتقوا ..............
أكمل لترى أأنت منهم أم لا
إذا قال تعالى
فاذكروني أذكركم .............
أكمل أين أنت من ذكر الله
إذا قال تعالى
وسبح بحمد ربك ................
أكمل لترى أين أنت من التسبيح
إذا قال تعالى
استعينوا بالصبر والصلاة .........
أكملى لترى أتستعينى بهما أم بالناس؟؟!
إذا قال تعالى
واصبر نفسك مع الذين يدعون ربهم ...
أكمل لترى مع من تصبر
إذا قال تعالى
نسوا الله فأنساهم أنفسهم ................ ؟؟؟
أتعلم كم مره ذكر لفظ
يا أيها الذين آمنوا ؟؟؟
أأنت ممن اتبع ما بعدها ؟؟؟
هيا بنا نقرأ القرآن بتدبر وخشوع
ولنعلم أنها مخاطبة الرحمن
وأن كل أمر علينا تنفيذه
وكل نهي علينا اجتنابه
لنحظى برضى الرحمن
والفوز بالجنان
ونمتِّع أعيننا بلذة النظر في كتاب الله تعالى
لنفوز بلذة النظر إلى وجهه يوم القيامة
وحتى لا نكون ممن قيل فيهم
لهم قلوب لا يفقهون بها ولهم أعين لا يبصرون بهاولهم آذان لا يسمعون بها
أولئك كالأنعام بل هم أضل أولئك هم الغافلون
وأعوذ بالله أن أذكركم بهذا وأنساه
بالله عليكى قومى افتحى المصحف وشوفى انتى فين وطريقك وصل لفين وعايزه توصلى لحد فين وعايزه تكونى زى مين
انا مش شايفاكى لكن ربنا شايفك ومطلع عليكى امانه عليكى قومى افتحى المصف واقرى
لا تنسونى من صالح دعاؤكم فدعوه المسلم لاخيه المسلم بظهر الغيب مستجابه باذن الله
سبحانك اللهم وبحمدك اشهد ان لا اله الا انت استغفرك واتوب اليك
افى امان الله