جانا الفرج يابنات كل الحوامل والوالدات والمتينات واللي تبي تستفيد تدخل

اليوم في برنامج التفاح الاخضر جابت المذيعه لقاءات مفيده ......... الاول مع الدكتوره الصيدلانيه منى العريان ...... وكان الموضوع عن الزيوت الطبيعيه وفوائدها وسالتها المذيعه عن التمددات اللي تصير بالجلد ( الاسترتش مارك ) كيف تروح وقالتلها العلاج الوحيد استخدام زيت جنين القمح لان موجود فيه نسبه كبيره من فيتامين هاء وفيتامين الف وباء مع اتدليك بحركه دائريه ...... وقالت لازم تشترونه من الصيدليه لانه يكون معقم اما العطارين فيكون مختلط لان هذا الزيت من انواع الزيوت الطياره اللي بسرعه تختلط بغيرها من الزيوت ..... وتكلمت عن زيت اللوز الحلو وقالت انه مفيد ........ اما زيت اللوز المر فكررت كلمه ضار لانه يحتوي على ماده الزرنيخ السامه لذلك لايباع في الصيدليات فقط في العطارين ........ والسبب ان زيت اللوز الحلو غالي لذلك يستبدل بالمر ......وحذرت جدا منه ........ اما القاء الثاني فكان مع خبير الياقه الدولي كريم ستيرجو ........ وقالت المذيعه له مالفرق بين فقد الوزن بالميزان وفقد الدهون ........ قالها الفرق انج اذا لعبتي تمارين رياضيه ورحتي للميزان تلاقين ناقصه نصف كيلو ...... ومجرد ماتشربين ماء يرجع لنفس الوزن والسبب ان اللي فقدتيه كان سوائل ..... اما فقد الدهون فهو نتيجه فقد كميه من الكالوريز ........ سالتهالمذيعه كم كالوريزنحتاج حتى نفقد الدهون الموجوده ...... قالها تاخذين الوزن حقج بالكيلوجرام وتضربينه ب2.2حتى يتحول للباوند وبعدين تضربينه ب100 وبعده تضربينه ب20% وبعدين تجمعين باقي الاعداد ...... مثلا الوزن 65 كيلو نحوله للباوند يصير 65*2.2 =143*100 = 1430 * 20% = 286 وبعدين نجمع النواتج يصير 1430+ 286=1716 ويعطينا الكالوريز اللي يحتاجه شخص قليل الحركه طبعا هذا الكلام للمراه لانه قال للرجل نضرب ب70% اما المراه من 20% الى 40 % ..... وانا هذا هو وزن اختي سويت هذي النتيجه لها يصير هي تحتاج 1716 كالوريز لانها قليله الحركه ...... يصير عدد الكالوريز اللي نحتاجه اقل من عددالكالوريز اللي نفقده بالتمارين الرياضيه ........ علشان الشخص يقدر ينحف ...... هذا كل اللي قاله بالحرف الواحد ....... واتمنى تدعولي ........طبعا راح تلاقون بالمنتدى موضوع عن السعرات الحراريه لبعض الاطعمه لانه راح يساعدكم بمعرفه عدد السعرات ....ز