جدتي جدتي .. حلوة البسمتي ..

هلا بنوتاااات ..

وش رايكم .. نخلي هالموضوع عن الالعاب القديمه .. وحكاوي الجدااات اللي يسمونها سواليف .. .. والاناشيد القديمه ..

يعني نبي نعيد الذااكره لوراا .. وننسى شوي افلام ديزني وتوم وجيري .. وطقتهاا ..


يالله كلن يدلي بدلوه ..

الي عنده حكاية من حكايات جدته يرويها لنا 000

هذي لقيتها من النت ... يالله اللي عندها بنيه مو راضيه تنااام تقص لها هالقصه ..

حكاية عقيص الي ّ ما هي راضية تقيـــّــل ، وعقيص يعني البنت العنيدة

هذه سلمكم الله أبوها قال لها : يا عقيص قـيــّـلي ( ارقدي انخمدي )
قالت : ما ني مقيـّـلة 0
قال : يا ذيب تعال كل عقيص ، عقيص ما هي راضية تقيــّل 0
قال الذيب : ما ني آكل 0
قال : يا شيبة هد كلابك على الذيب ، الذيب ما هو راضي يآكل عقيص وعقيص ما هي راضية تقيل 0
قال الشيبة : ما ني هاد ( يعني يطلق سراح الكلاب على الذيب زي ما شارون مسوي مع كلابه

قال أبوها : يا نار كلي دقن الشيبة الشيبة ما هو راضي يهد كلابه على الذيب و الذيب ما هو راضي يآكل عقيص وعقيص ما هي راضية تقيــّل 0
قالت النار : ما ني آكله ( كسر خاطري ما هو لاقي أحد يسمع كلامه )
قال الي هو أبوها : يا سيل طفي النار ، النار ما هي راضية تأكل ذقن الشيبة والشيبة ما هو راضي يهد كلابه على الذيب و الذيب ما هو راضي يآكل عقيص وعقيص ما هي راضية تقيــّل 0
قال السيل : ما ني مطفي ( هذه والله النشبة )
قال ( أبوها تراه يحب كثر الهرج ) : يا جمل أقطع السيل ، السيل ما هو راضي يطفي النار و النار ما هي راضية تأكل ذقن الشيبة والشيبة ما هو راضي يهد كلابه على الذيب و الذيب ما هو راضي يآكل عقيص وعقيص ما هي راضية تقيــّل 0
قال الجمل : ما ني قاطع 0
قال ( برضه أبوها تراه رجال يحب التهديد والوعيد والاستنكار ) : يا غرارة اقطعي قلب الجمل ، الجمل ما هو راضي يقطع السيل و السيل ما هو راضي يطفي النار و النار ما هي راضية تأكل ذقن الشيبة والشيبة ما هو راضي يهد كلابه على الذيب و الذيب ما هو راضي يآكل عقيص وعقيص ما هي راضية تقيــّل 0
قالت الغرارة ( الي ّ هي الحمل الثقيل ) : قالت ما ني قاطعة 0
قال : يا فأرة شقي الغرارة ، الغرارة ما هي راضية تقطع قلب الجمل و الجمل ما هو راضي يقطع السيل و السيل ما هو راضي يطفي النار و النار ما هي راضية تأكل ذقن الشيبة والشيبة ما هو راضي يهد كلابه على الذيب و الذيب ما هو راضي يآكل عقيص وعقيص ما هي راضية تقيــّل 0

قالت الفأرة : ما ني شاقة 0
قال أبوها ( الي وراها وراها لما يرقدها ) : يا قطو كل الفأرة ، الفأرة ما هي راضية تشق الغرارة و الغرارة ما هي راضية تقطع قلب الجمل و الجمل ما هو راضي يقطع السيل السيل ما هو راضي يطفي النار و النار ما هي راضية تأكل ذقن الشيبة والشيبة ما هو راضي يهد كلابه على الذيب و الذيب ما هو راضي يآكل عقيص وعقيص ما هي راضية تقيــّل 0

قال القطو : هم بآكلها
قالت الفأرة : خلاص أشق الغرارة 0
قالت الغرارة : خلاص أقطع قلب الجمل 0
قال الجمل : خلاص أقطع السيل 0
قال السيل : خلاص أطفي النار 0
قالت النار : خلاص آكل ذقن الشيبة 0
قال الشيبة : خلاص أهد كلابي على الذيب 0
قال الذيب : خلاص آكل عقيص 0
قالت عقيص : خلاص أقيـــّل أقيــــــــــّل 0

____________________________________________
____________________________________________


واعرف لكم لعبه طاق طاق طاقيه (بس قالوا انها حرام ..

هههههههههههههه تدرون ليه اضحك ؟

لاني مالقيت العااب اذكرها !!!

يالله تكفووون علمونااا .. نبي نعلم بزراانا ..

ابي انشوده سويرة راحت البر كامله ..