مراحب ياحوااامل الله يسهل عليكم الحمل والولادة ومابعدها ...
هذا جدول للغذاء والدواء الي يناسب للنفاس قسمته حسب ايام الاسبوع تسهيلا لمهمة الي بتقضي نفاسها في بيتها ممكن انك تعلمي الخادمه عليه والله يكون بعون الجميع.. اعتذر عن قلة الجوده هذا الي طلع معنا اهم شي يكون واضح
ملاحظات1-..الاضافات الي ممكن تضاف لحليب الافطار "زنجبيل-فلفل اسود-ماش- قرفه-حلبه-شمر-يانسون"
الاضافات الي ممكن تضاف للغداء والشوربات"فلفل اسود حلبه ماش شمر حبه سوداء حلبه رشاد "
الاضافات الي ممكن تضاف للعسل "حبه سوداء- قشر رمان"
الاضافات الي ممكن تضاف للشاي"اعشاب مخلطه-نعناع-جنزبيل-زعتر-قرفه-كمون-يانسون-مراميه
الاضافات الي ممكن تضاف للقهوه"في الفنجال لما تصبينها"مره-كمون-خواجوا-"
الاضافات الي ممكن تضاف للتمر في قهوة العصر"سمن-زيت زيتون-رشاد-فلفل اسود-
ومن باب الترغيب واضافة النكهه"سمسم-مكسرات مجروشه- بسكوت مطحون-طحينه-اقط غير حامض
مااقصد هنا أن كل هالاضافات توضع مره وحده انتي وطريقتك..
2- انصحك نصيحه لوجه الله اذا شريتي هذي البذاير والاعشاب ونظفتيها قبل تخزنينها اقرئي فيها ماتستطيعين من الرقيه الشرعيه
لو الفاتحه7 مرات خير عظيم
3-العدس مفيد للغايه لكن قد يسبب غازات اضيفي له وريقات نعناع او حبه سودا يعالج هذي المشكله ويؤكل مع ليمون عشان امتصاص الحديد
4-السلطه روتيني اضيفي لها زيت الزيتون وملح ساسا عشان اليود بس لاتكثرين ملح
5-الاضافات السابقه لو خزنتيها بالثلاجه وهي حب ودقيتيها بالهاون عند الحاجه يكون افضل بكثير
6-من ضمن الجدول ماء زمزم خليه عندك قريب واذا كان مقري فيه يكون افضل
7-قبل النوم لاتنسين الفيتامينات او الحديد والفوليك
8-راعي الطريقه الصحيه في طهو الخضار والحليب
9-اذا تكاسلتي فيه اشياء اساسيه لاتتكاسلين عنها(الحليب-تمر-عسل-7حبات حبه سودا-بر-ماءزمزم-زيت زيتون-سمن-عسل أسود-سمك اوتونه-شوربه-شاي اعشاب-سلطه-حبوب فيتامينات اوحديد وفوليك)
10- الفطور الي على الريق لازم لازم يكون بدري بالمره وكل ماكان قبل طلوع الشمس كان افضل عشان تدركين اذكار الصباح ووردك اليومي
حتى اكتشفوا حديثا ان الجسم بالصباح الباكر يكون ملتهب والافطار الباكر يرفع مناعته ويقويه
11-ممكن تضيفين النشويات احيانا –مره بالاسبوع-
12-اذا انشغلتي او حبيتي التغيير ممكن تطلبين من مطعم وجبات شعبيه مايعجبك
مميزات الجدول....
1-على وقت العصر تكونيين انهيتي اكل دوياتك المهمه ينفع للي اجتماعاتهم كثيره
2-بعض الاغذيه ممكن تخزينها "خبز المطازيز-كباب- قشد- حنيني- تبوله ..الاضافات كلها تتخزن.. وبعضها جاهز "معمول-شابوره-توست-"
خلي عنك الكسل
3-راعيت الابتعاد عما يسبب الغازات والامساك "العسل والزيت زيتون-سلطه يعالج الامساك النعناع الكمون والشمر يعالج الغازات
4-راعيت التنويع للي تعاني من فقدان الشهيه
5-راعيت اضافة مضادات الاكتئاب مثل الشعير-تونه –مكسرات- كالسيوم-عرق سوس-حمض فوليك
اتمنى اني مانسيت شي اخذ وقت تجميعه على بساطته
روابط من المنتدى لأطباق تخص النفاس ممكن انك تستفيدين منها او تغيرين في المنيو حسب رغبتك
http://forum.hawaaworld.com/showthread.php?t=1107965&highlight=%D8%CD%ED%E4
http://forum.hawaaworld.com/showthread.php?t=1162149&highlight=%D8%CD%ED%E4
http://forum.hawaaworld.com/showthread.php?t=1123756&highlight=%D8%CD%ED%E4
http://forum.hawaaworld.com/showthread.php?t=1064317&highlight=%D8%CD%ED%E4
http://forum.hawaaworld.com/showthread.php?t=1192978&highlight=%D8%CD%ED%E4
http://forum.hawaaworld.com/showthread.php?t=1145143&highlight=%D8%CD%ED%E4
http://forum.hawaaworld.com/showthread.php?t=1125651&highlight=%D8%CD%ED%E4
لاتحرمونا المشاركات والاقتراحات والملاحظات اليد الوحده ماتصفق
(((((أسطر شكري وعرفاني للأخت جنان مساعدة مشرفة الحاسب والانترنت على مساعدتها لي وبصدر رحب كثر الله امثالك))))
واهم شي ماتحرمونا الدعاء الصالح بظهر الغيب والنقل free
بس احس دسم البيض المقلي والخبزمدهون بسمن والا وش رايك؟