السلام عليكم ورحمة الله وبركاته
انا حاسة بكل وحدة معفوسة حياتها فوق تحت من كثر متطلبات الحياة الي ما تنتهي
خصوصا في زمن ندرة البركة في الوقت وكثرة المشاغل والله المستعان
بالنسبة لي ... توصلت لعدة امور بطرحها هنا علها تفيد اي وحدة توها متزوجة ومخلفة بيبي او اثنين و حاست حوستي <<<من قبل اما الان وضعي احسن كثير والحمد لله..
...بس الي موظفات وطالبات هالموضوع ما يمشي معهم
الموضوع يا طويلات العمر اني
اكتشفت سر خطييييييييييير
هو
السهرررر
ما اقول لك لا تسهرين بالعكس
انا صايرة اسهر
هذا مو دعوة وتحبيب في السهر والعياذ بالله
ادري ان السهر عدو للدين
بس احنا لازم نتأقلم مع ظروفنا وطاقاتنا
لاننا مطالبين بـ
بيت نظيف
مظهر لائق
اطفال مرتبين ومتربيين
مهام زوجية على اكمل وجه
طيب كيف ... او بالاحرى متى ؟؟؟؟؟
لذلك توصلت لاني اسهر اذا هجد الناس ونامت
بنتي وابوها واخلص شغلي
تدرون سهري في انهاء امور بيتي ريحني من عدة جوانب
- بنتي الصغيرة الله يحفظها تنام 12 بالليل للصبح تصحى بس ترضع كم مرة يعني تكون بامان في سريها لا اقلق عليها ولا شيء
- زوجي نايم وماله طلبات ولا اوامر
- لو جاني ضيوف فجأة او خروج او مشوار ما اكون معطلة شيء من شغلي اعيش يومي كلة وفالليل الشغل
- احب اصحى اليوم الثاني القى كل شيء مرتب تقريبا المواعين مغسلة غر فة المعيشة متعطرة وتفتح النفس
- المطبخ اذا دخلته بعد ما اصحى يكون لي نفس اطبخ واتفنن
- بنتي الصغيرة تبيني اكون معها اغلب الوقت ولازم ااكلها والبسها وعيني عليها طوال النهارطيب كيف اغسل واكوي واحوس وهي متعلقة فيني
- صلاة الفجر اهم شيء لاني اتعب وما اقوم لها الا بمعاناة فاذا سهرت الين الفجر اصليها بوقتها
- اثناء الليل اكون هادية وانا اشتغل اقدر اسبح استغفر اذكر الله ... بس اذا كنت في النهاربكون حايسة بين بيتي وزوجي وشغل البيت
- اثناء الليل اقدر اخبص في بشرتي وانا اشتغل احط اقنعة احط كريمات ... ضامنة ان زوجي نايم ومحد راح يطب علينا ويزورنا وتدرون الماسكات يبيلها وقت
- اذا استمريت طول النهار واقفة في المطبخ واغير لبنتي واشوف طلبات بيتي واصلي ويمكن نخرج او يجينا ظيوف بتكسر من التعب ... لكن لو كان التنظيف والكوي والغسيل والمهام المجهدة في الليل راح انام بعدها وبعد ما اصحى مهام ثانية اخف
- الي عندها احد ساكن برى المملكة او في بعثة
وتبي تكلمة بيكون الوقت المتأخر عندنا مناسب لعم
يعني اكلم اخوي في امريكا وصديقتي في بريطانيا بعد الساعة وحدة بالليل ماسنجرانسب لهم ولي
- لا تقولون لو سهرتي الليل تنامين النهار مو صحيح .. انا اصحى على صلاة الظهر اصليها وابدى يومي بس اكون ارتحت في نومتي وقسمت الشغل على مدار اليوم والليلة مو بس في اليوم ..وطبعا اذا نام زوجي وبنتي العصر انام معاهم ولو ساعة وبعدها اصحى واعيش يومي
يمكن في معارضات لموضوع السهر
وهاذي مجرد تجربة عشتها وطرحتها
وسلامتكم
**غربية** @ghrby
عضوة نشيطة
يلزم عليك تسجيل الدخول أولًا لكتابة تعليق.
اكيد حبيبتي انيم زوجي وانيم بنتي
وكل طقوس النوم
بس اول ما اطفي عليهم النور اطلع من الغرفة
بعد ما اسمع شخيرهم الثنين
انطلق لشغلي
وربي ان اكون مرتاحة مو شايله هم طلباتهم
الله يحفظهم
وكل طقوس النوم
بس اول ما اطفي عليهم النور اطلع من الغرفة
بعد ما اسمع شخيرهم الثنين
انطلق لشغلي
وربي ان اكون مرتاحة مو شايله هم طلباتهم
الله يحفظهم
الصفحة الأخيرة
مره فكرتك حلوه بس لازم تنومي زوجك ما تخليه لحاله