جيت بنحف وزدت كيلو !!!!!

السلام عليكم ورحمة الله


بنات انا وزني 62

الطول تقريبا159


عندي مشكله واللي هي زياده في الوزن و وترهل في منطقة المؤخره والأفخاذ والبطن

بديت الدايت من اسبوع تقريبا

انا هدفي اوصل لوزن 55 وجسم مشدود

ابي رايكم في البرنامج اللي اتبعته من تسبوع او اكثر

البرنامج صراحه مو متعبني
بس اخاف نتايجه تكون عكسيه او غير مرضيه

بالنسبه للأكل

اتعبعت التخفيف والصيام العكسي والنوم بدري

طبعا الصبح افطر اي شي ..

مثلاً فطوري احيان عباره عن حليب كامل الدسم وجبن وخبز ابيض
او حليب وبيض وخبز


والفتره اللي بين الفطور والغدا عباره عن حبة فاكهه برتقال ولا تفاح او اي فاكهه


طبعا الغدا عباره عن ارز وربع حبة دجاج مع سلطه وخضروات مسلوقه عباره عن كوسه بطاطس الخ
بالنسبه للكميه مو قليل .....اهم شي اني اشبع

العصر غالبا ما اكل ..
وغالبا اشرب فيها عصيرات

والوجبه الأخيره ما اعطيها اي اهتمام احيان فواكه
احيان زبادي مع سلطه

وطول اليوم اكثر مويه

والساعه 6بالليل اوقف اكل

وانام الساعه 9

واصحى الفجر

بالنسبه للبرنامج الرياضي

عباره عن ثلاث ايام بالإسبوع

احد و ثلاثاء وخميس

ابدأ الرياضه الساعه 9صباحا
ساعه تمارين مختلفه على الآجهزه الرياضيه ..والتمارين تكون خفيفيه مثل مشي على الجهاز واجهزة شد البطن والأوربت تراك
وساعه بعدها مباشره تمارين ايروبيك

يعني الرياضه ساعتين متواصله

والمشي يوميا من ساعه الى نصف ساعه


وهذا نظامي اللي انا اعتمدته من اكثر من اسبوع

ملاحظاتي

بالنسبه للوزن كان 61

واللحين صار 62
يعني زايد كيلو
صراااحه تحطيييييم

خالتي شافتني امس

وقالت وش فيك كبرانه وعرضانه :freak6:

وملاحظاتي اللي لاحظتها بعد تغيير الروتين

احس بنشاط

نومي مريح

اصحى بدري

منطقة الخصر نحفت عندي شوي

صار عندي لياقه بدنيه ومرونه

لاحظت بنفسي ماعاد اشتهي الأكل
يعني مثلا الصبح كوب الحليب اشرب نصفه
مو قاصده ..بس غصب عني
ونفس الشي الغدا ..


بس اللي محطمني كلام خالتي والكيلو اللي زاد عندي


ارائكم وماهي الأخطاء اللي عندي

وهل فيه امل ينشد الجسم المترهل

والبرنامج الرياضي ينفع لترهل الجسم


بأنتظاركم