حابه اتغير تعالو

اي وابي صابونيه تكون مجرررررررررررربهه تفتح وترطب وتنظف ومشكووورات

اقسم بالله لو يحذفون الموضوع احسن
بس مشاهدات ع الفاضي

رفع لعيونك انا بعد ودي اهتم

وعليكم السلام ،


اول شيء اول شيء انصحك فيه تدرين وش هوو ؟؟


العنايه الداخليه .. لازم لازم
اشربي اقل شيء 2 لتر اي 2 لتر لاتنفجعين ولو بامكانك تزيدينها ل 3 لتر ترا افضل لانها تنظف لك جسمك من السموووم وتحل لك مشكلة الحبوب هذي وعدم توحد وذبول بشرتك
كلي فواكة طازجه وخضرواات طازجه وركزي على
البرتقال والاناناس والكيوي والبقدونس والطماطم ، والليمون والورقيات بشكل عام خس وجرجير
السكر الابيض ترى هذا عدوو اللدود للبشره يدمرها تدمير ومرض هذا مو سكر اقسم بالله اني لين جلست يويمن مااكل شيء فيه سكر ابيض بشرتي تصير زي الورده وتكون نضره وفرش ماشاءالله حتى وانا اهتم فيها تخيلي السكر يبهتهاا ..
فقررت اقطعه واستعيض عنه بعسل طبيعي وسكر ستفيا العضوي وسكر الفواكه وكلهم متوفرين في الهايبر ماركت ..
المعجنات اللي مصنوعه من الدقيق الابيض تدمر البشره برضوا واستعضت عنعا بالدقيق البر الكامل وخبز النخاله ..
القهوه وماادراك م القهوه تسحب السوائل اللي في الجسم وبككذا الجسم يفتقر لسوائله و يبهت الجلد ويشيخ بسرعه ..
خففي منها وحطي معها حليب وزعفران عشان تكون لها فايده شوي ..
انصحك بالفواكه المجففه زي التين والزبيب الاسود والمشمش روعه للبشره ، خذيهم ك سناك مفيد وصحي بدال الشوكولاتات والحلويات اللي تبهت البشره


هذا اولا


ثانيا لازم تعالجين بشرتك .. اتوقع بشرتك مختلطه دهنيه ع الانف والخدود وجافه عند الدقن والجبهه


مناطق الدهنيه واللي فيها حبو استخدمي لهم غسول يحتوي ع حمض الصفصاف او السالسليك اسيد زي كلين اند كليرر اللي لونه فضي ونيلي واستخدمي ع الحبوب دالااسين تي المعقم وع الحبه كريم دفرين بالليل طبعاا
المناطق الجافه استخدمي لهم كريم مرطب زي ليبوبيز ..
استخدمي غسول مفتح وافضل شيء غسول بيوديرماا
مثلا اول م تصحين غسول بيوديرما وقبل النوم غسول حمض الساليسلك ..
اذ1 خفت حبوب بشرتك استخدمي كريم مفتح طبي اسمه ( افالون الفا بلاس ) ترا جديد ماله يمكن الا سنه ومره جميل
يستخدم للوجه والرقبه
الهالات رطبيها بزيتت فيتامين اي وحطي عليها كمادات الشاي الاخضر
الماسك استخدمي ماسك الشوفان والنشا مع ماء الورد 3 مرات بالاسبوع..
اوشوفي مواضيعي نزلت كذا مااسك جااهزز يباع بالانستقرام ..


جسمك لازم تسوين اول شيء حمام مغربي ودلكه عشان يتهياا للخلطاات ..
وبالاستحمام استخدمي السنفره ( كاب او العروسه )
ولازم بعد الشور مرطب مفتح ( كل لوشنا ت سكين وايت ممتازه في التفتيح )


الصابونه لجسمك خليها مفتحه زي البالبايا او الجلوتاثيون ( راح تلقين موضوع بملفي الشخصي اسرار عنايتي متكلمه عن هالصابونات)
او صابونيه مفتحه يعني لاتنتظرين نتيجه من شاور جل معطر او شاور جل عادي الشاور جل وظيفته ينظف ويعطي ريحه فقط يعني الشاور جل ابتعدي عنه واستعيضي عنه بصابونه مفتحه



واعلمك طريقه جميله تفتح الجسم
اول ماتطلعين من الشور وتنشفين جسمك تحطين مسحه بسيطه ع كل اجزاء جسمك والرقبه ماعدا الوجه من زيت جلسرين مسحه بس مو تصير المنطقه تلمع لا لا ..
اجلسي ابو دقيتين كذا وحطيلوشن جسمك .. ماراح تحسين باحساس يدبق او يلصق وبيتفتح جسمك بسرعه ومع ترطيب ونعومه ..
قبل الشور حاولي تستخدمين خلططات مفتحه لو جليسوليد وليمون ساعه او ساعتين قبل الشور او خلطات كرستين تلقينها في قوقل ( ماسك الالماسه ممتاز جدا)
اهم شي وجهك قبل لاتدخلين المطبخ او تطلعين للشمس او مكان حاار حطي واقي انا استخد واقي افين واحيان بايوديرما ..
اذا التزمتي بها الاشياء راح تتغيرين 180 درجه وبتطلعين بالعيد قمر 14 زي الورده باذن الله بس الله الله بالعنايه الداااخليه عشان النتلايج تكون ملمووسه وسريعه ..




دعواااتك