اتوقع عندك مس هو الي ياذي الناس لانه يدافع عنك

سبحان الله انا عندي هالحالة بس مو دايما احيان لما انظلم بس اقول هذا ربي سبحانه ياخذ حقي من كل ظالم

فلانة الفلاني
مدري انا اشوفها من وجهة نظر ثانية و موعاجبتني هالصفة اتمنى تزول عني نهائيا
واختلاف الرئي لا يفسد للود قضية

غريبة في دنيا عجيبة
والله فكرت فيها بس كتبت ليش ما اقدر اروح لشيخ
طيب المس العاشق حسب علمي يمنع الحمل وانا الحمدلله حاليا حامل
فـ احتمال يكون القرين...وهذا كيف علاجه ايضا رقية؟ لان القرين يكون ملازم للانسان حتى يموت

قطرات ندى
شفتي كيف هالشكليات مؤذية و كيف انتي تقولين الله يكفينا شرهن
انا كذا بنظر غيري مؤذية والناس تخاف مني و يبوني يفتكون من شري
والله المستعان وانا نفسي عجزت اعرف السر

الحلوة
انا طيبة و على نياتي بس أشك ان قلبي نظيف ! يعني لو قلبي نظيف ما بيستوي كذا بالناس مع ان ابي الخير للجميع لكن لما اشوف حد يؤذيني و يغلط علي هاذيك الساعة يظل شيء عالق بقلبي لان انا ماسويت لهم شيء

الحلوة
تدرين انا بالعكس لو تكلمت بيصير الوضع اسوء
انا كنت ماخذة بخاطري من وحدة كانت دايما تجرحني بشكل ما تتصويرنه
وانا طبعي خجول و انطوائي و استحي أرد على احد
صبرت سنوات على اللي تسويه فيني و بيوم من الأيام انفجرت واتكلمت
لكن بنفس اليوم أو ثاني يوم علطول تضررت و صارت لها اشيااء كثيرة واللي صار كان بمثابة شرارة بداية
من يومها و هم يتضررون
يعني قبل كان الوضع هادئ مع اني اخذ بخاطري بس ا كتم غيظي لكن لما طلعت غيظي بدأت الشرارة و خلاص ما وقفت من يومها و هي تتضرر مني لو زعلتني او غلطت علي
فالافضل في حالتي اني اكتم غيظي
مع ان في ناس حتى لو كتمت غيظي لازم لازم يتضرررون
بالنسبة للماي البارد فكرة جدا رائعة
راح اتوضا بالماء البارد اتوقع راح يهدي حالتي و جزاك الله خيرا ان شاء الله يعطيني نتيجة


لولينا
يصير خير و جزاك الله خيرا على اقتراحك

رمانة
بعرض حالتي بمنتدى خليفة و جزاكي الله خيرا
بس ما اعتقد عندي سحر ولا مس عاشق ولله الحمد
بس يمكن القرين والله أعلم لان انا ما انوي شر بحد لكن كأن حد يتصرف بدالي

الهنوف
لاتتمنين هاذي الصفة بكرة تندمين اشد الندم
اللي ايده بالماي مو مثل اللي ايده بالنار
ادعيلي بصلاتك الله يفكني من هالصفة

الهدباء امي
مشكورة على النصيحة عزيزتي
بحاول اطبق اللي تقولين عليه
مع ان كثير احاول انام وانا متسامحه بس صعب
والغريبة ساعات حد يزعلني و يطلع وعلطول يصير له شيء يعني مايمديني اتسامح معه
وجزاك الله خير

النحلة
ماشاءالله لا قوة الا بالله
هنيئا لك لان هالصفة راحت منك
مشكلة انا لو حاول اخذ حقي بيدي يزداد الوضع سوء مثل ما كتبت من قبل باحد ردودي
وبالنسبة للحديث ما اتوقع انه ينطبق علي حالتي
لان في ناس ملتزمين وما ازكى على الله أحد يعني اشوفهم افضل مني من ناحية الطاعات والعبادات والنوافل لكن سبحن الله لو يأذوني لازم يتضررون
بهالحالة اشعر بان موقعي بالعكس، اشعر ان انا اللي عاديت أحد أولياء الله و أخاف أكون ممن ينطبق عليه القول "فقد آذنته بالحرب" لان تعبت نفسيتي كثير وتشوهت سمعتي جدا مع بعض المجتمعات و اتوقع ان هاذا عقابي
للعلم الحديث دايما فبالي و دايما اشوفني في الاتجاه المعاكس مثل ما قلت لك يعني احس ان انا اعادي أولياء الله واشعر بعدم الأمان والخوف من العقاب

ام محمد العمري
ان شاء الله مايكون مس وجزاك الله خيرا

نرجس
شكرا على مرورك بارك الله فيكي شكله كثير ناس مثلي

علم الطاقة الباطني د.فوز كردي - الفكر العقدي الوافد ومنهجية ...


العلاج بالطاقة... حقيقته... حكمه - إسلام ويب - مركز الفتوى - ...



حكم العلاج بـ " الطاقة الحيوية " وبيان حال المدعو " أحمد عمارة " - ...