،





وانا اقرأ الردود كأني كنت انتظر وحده تقول اللي قلتيه

بنات جارنا نفس الحالة..

حكولي انها تولد معهم وانهم وارثينها من جدهم

وسوا كان قرين او غيره

فهذا تسخير من الله لهم

:26:

قطرات الندى
الله يعينكم يارب و يكفيكم شرها و يكفي الناس شري ما احب اكون بنفس موقعها مع ان غصب عني هالشي صاير

ART Queen
الله المستعان ياختي ما دري شو اقول بعد اللي صار ما اشوفها زينة بحق اي احد ضميري يؤنبني لو صار لأي احد شي
مرة زعلت من خادمة تشتغل بالمدرسة متعودة تجي تساعدني بالبيت ووعدتني تجي و كنت توي حامل ومحتاجتها ضروري قلتلها لو ما قدرتي تجي بالباص احنا نجيبك لان عندي ضيوف ومحتاجتك قبل الاسبوع الجاي بس بعدين اتصلت قالت خلاص انا رحت البيت و ماراح اجي،، خذت بخاطري منها والمرة الجاية لما جت شفت ايدها مرة مجروحة ولمن سألتها قالت لي انجرحت بالسكين وشكلها مرة زعلانة مني... الظاهر انا كنت السبب حتى صارت تخاف لما ماتقدر تجي أو مريضة تقوللي لا تزعلين وتحاول تراضيني ، وساعات تغصب نفسها تجي علشان ما ازعل منها وتضرر، مع انها غير مسلمة بس آذيتها مع انها ما ضرتني مجرد اني خذت بخاطري منها وهالشي ما أظن الله يقبله

عيون الجنوب الله المستعان لاتنسيني من دعواتك

صباح العطر
ايوا هو مثل الوراثة لان امي كذا نفس الشي
لدرجة صارت دايم لما حد من اخواني يغلط عليها تقول ما ابي اخذ بخاطري منهم لا يصير فيهم شيء
وهي عارفة ان هالصفة فيها بس مو بايدها وامي عارفة ان الصفة ايضا موجودة فيني
طيب هالقرين شلون اتفاهم معاه الله يهديه بس

ساره آمين الله يشفيني ودعواتك لي

حليوة بكيفي
انتي اللي عندك حاسة سادسة + الشي الغريب اللي عندي مدري شو اسميه
هاي الحاسة السادسة اللي عندك موجودة عند أخي بقوة و مورطتني
لو فكرت بشيء عن أخوي و زوجته و ابناءه علطول يعرف و يحلم انا بشو أفكر وهالشي مسبب لي أحراج
خاصة انه هو اصلا تضرر مني كثير ويعرف متى اخذ بخاطري منه و بشو افكر عن طريق هالحاسة السادسة اللي عنده ومدري شلون امنع افكاري توصل له

ام يارا القمرة
والله مدري احس هالاشياء فوق ارادتنا بس ابي شيء يخليني على الاقل اتجنبها

ضي الهدى
بالعكس
انا صحيح طيبة و على نياتي
بس لو حد زعلني ما اسامح يعني بالعكس اكون ماخذه بخاطري منه أو غاضبة عليه و أحس اني مظلومة وان بقلبي ثقل تجاه هالشخص و احس اللي يصير مو من نصر من ربي لكن كأن في حد يطلق شرار مني للشخص اللي مزعلني
انا صحيح صرت استغفر و ادعي ان مايصيبهم شيء و احيانا ادعيلهم بالخير علشان اطفي الزعل اللي بقلبي لكن مدري اظل شايلة بخاطري ، ما عرف اوصلك المعلومة بس ما احس ان الموضوع لصالحي بالعكس احس مثل العين الحارة لمن تصيب وتؤذي
لكن من ناحية الظلم انا فعلا اسكت و مهما انظلمت ما أتكلم عن اللي ظلمني، ماشي على القاعدة اللي تقول "شيئان لا تحدث الناس بهما: إحسانك للناس، و إسائتهم إليك" جدا جدا ينطبق علي هالمثل، ومو من النوع اللي اشتكي و اقول فلان ظلمني و اتجنب جدا الغيبة لدرجة اعاني من مشاكل كثيرة مع اخواني بس زوجي مايعرف، يدري ان عندي مشاكل خاصة مع بعض الاهل لكن ما اخبره مع من، ما اخبره شو يسوون فيني، و هم بالمقابل فيهم غيبة وسوء ظن و افتراء و بهتان بشكل فضيع وهالشي اللي مخليني اخذ بخاطري كثير ،، وهالفئة هم اكثر فئة تتضرر ويصبها حوادث و مشاكل بسببي لان مرة مرة اخذ بخاطري لو حد اغتابني او ظلمني أو ساء الظن فيني

مقهورة جدا
انتي عندك الحاسة السادسة، وهي سلاح ذو حدين ساعات تكون مفيدة وساعات مدري تكون سبب للهموم




ا

غدا نلقي الاحبة
الله يجزيكي خير
موضوع الطاقة احاول اتجنبه مجرد ان اخذ فكرة شو الاشياء اللي تطفي الطاقة السلبية من سيرة الرسول زي الوضوء والماي البارد لان الرسول ذكر عند الغضب الواحد يتوضى واحس له علاقه لكن خلي الفتوى لأهلها هالموضوع كبير وما أبي اتطرق له و جزاكي الله خيرا عزيزتي بارك الله فيكي

ووردة
الله يهديه هالقرين شلون اتفاهم معاه و اخبره يبطل هالحركات
لا اله الا انت سبحانك اني كنت من الظالمين

هذه يسمونها حوبه

سبحان الله
اول مره اسمع بالحالة
يمكن انتي تدعين او تحسبين
والمظلوم دعوته مستجابه
الله يفرج همك