ام ليونه:26:

وعسى ان تكرهوا شي وهو غير لكم

صادقه ومعاج حقققق

ومشكورة على مرورك

السلام عليكم ورحمة الله وبركاته ..
كيفكم ؟؟ و أيش أخباركم ؟؟؟

أختي غالية ..
شكرا على مرورك وردك وجزاكي
الله خير على دعائك ليا و آميييييييييين ..
وبالنسبة لأمي أنا سمعت إنه في زيها
و أفظع منها لكن لسة ماشوفت بعيني
أحد أتبهدل زيي في حياته ..
لدرجة إني في كتير من المرات ومن
كتر تعذيبها ليا شكيت إنها تكون أمي
وإني متبناة أو لقيطة أو بنت أبويا من
زوجة تانية وهادي ماهي أمي ..!!!!
ومن كتر ما الموضوع دا شغل بالي
ومن قهري طلبت تحليل يثبت أبوّة
أهلي وإذا هما أصلا أهلي الحقيقيين
أو لا ؟؟؟؟؟؟؟؟؟؟؟؟
وطبعا طلبي أتقابل بالضرب والتلطيش
لكن بعدين عملته بطريق غير مباشر أثناء
ماكانت أمي بتعمل تحاليل لها .. وأستغليت
الموقف وليا صديقة دكتورة ساعدتني في
الموضوع .. وللأسف طلعت هي أمي الحقيقية !!!

أختي بنت النيل ..
أنا للآن ماني قادرة أفهمك .. المسألة مش
مسألة غيرة .. المسألة إني أنا أبغا رضاها
عشان كدة بأحاول معاها المستحيل لأني عارفة
إن رضاها يدخلني الجنة و يدخلني النار !!!!
يعني لو ماكانت أمي ماكانت تهمني لكن أنا
محروقة من الموضوع لأني أبغا رضاها فقطططط !!
والفتور والامبالاة هي من أمي ومش مني أنا !!
وأنا إذا كنت وضحت وقارنت في معاملتها لمجرد
التوضيح وضرب المثال وغير كدة أنا عمري ماحكيت
هادي الأمور لأي أحد غير إتنين من صاحباتي المقربين
ليا هما إللي يعرفو كل شي عني .. لكن حكيتها لكم عشان
أوضح الصورة عشان لا تقولو إني أنا الغلطانة !!!!
يعني أنا صح أنقهر من تعاملها معايا ومعاملتها الكويسة
لأخواني لكن ما أغار منهم أبدا ولا عمري فكرت
في أي شي من هادا النوع .. والغيرة المرضية لها
إنعكاسات سلبية وتمرد وسوء أخلاق وحقد ومحاولة
أذية الطرف التاني والتخطيط لتخريب حياتهم .. وأنا
ما عملت ولا أفكر أعمل أي شي من هادي الأشياء !!!!
وأنا دائما أتقبل النقد وجدا عادي كلامك .. وأنا ما أبغا
الشفقة ولكن أنا مقهورة و بأطلع إللي جوايا عشان تعتبرو
وتعرفو لما الأم تقول لك إنتي جيتي غلطة !! قد أيش
تكون كلمة تحرق !!!!! والشي الوحيد إللي تقدرو تعملوه
هو إنكم تدعولي في ظهر الغيب إن ربنا يوفقني ويسترني
ويزوجني ويريح قلبي ويخلي أهلي يرضو عليا ..
لأنه خلالالالالالالالاص مابقي غير الدعاء .. بدأت
بيه وحاولت خلاله كل شي ممكن أعمله ولازلت أدعي
لأنه بعد تجربتي ما بقي في يدي غير الدعاء وربنا كبييييير
وقادر إنه يحنن قلبها .. لأني ما أبغا إلا رضاها وربنا
وحده يعرف هادا الشي !!!!!!!
ولو كنت عاقة ماكنت فكرت في رضاها وفي حياتي
وفي آخرتي !!!!!!
وبالنسبة للطبيب النفسي أنا ما أعتبره عيب ولا شي
لأني أخدت رأي مختصين كبار في السعودية
وفي لندن وفي أمريكا من كبار البروفيسورات
النفسيين وكلهم قالو إنه الغلط من أمي وهي إللي
تحس بالغيرة مني .. وأكبر دليل إنها دايما تخرب أشيائي
وتبهدلني .. لأني أخدت إهتمام أبويا وصار
يتجاهلها نوعا ما لأن الكلام معاها مو نافع !!!
وكل من شاف تصرفاتها معايا قدام الناس
ينتقدها ويغلطها !!!!
وكلهم يقولو لي أصبري أصبري أصبري
يعني مو أنا الغلطانة !!!!!!
والدكاترة كلهم طلبو إنهم يشوفوها لكن
مجرد إقتراح الفكرة خلاها تضربني ضرب
جاني المرض بعده وصارت تقول عليا أنا
مجنونة وأروح لدكاترة المجانين !!!!!
وفي صديق الوالد أستاذ علم النفس في الجامعة
دايما يقول لبابا إنه أمي إنسانة جدا غريبة
وعمره ماشاف زيها في حياته وإن تصرفاتها
مع بنتك عييييييب عييييييب عييييييييب !!!

ولا تزعلي مني يا أختي بنت النيل أنا مو قصدي
إني أستهتر بكلامك أو ردودك وبالعكس يمكن
رأيك له وجهة نظر .. !!! ولا تحرمينا مشاركاتك ..
:)

أختي بنت الكويت ..
جزاكي الله خير وآميييييييييييييين ..
وأنا هادا إللي بحاول أعمله وبأزورها وبتطردني
من بيتها لكن برضو متحملة ومحتسبتها عند الله !!
وربنا عالم بالقلوب .. لكن تعبت وقلبي صار يوجعني
وقلت لها أنا لو جاتني جلطة أو متت بسكتة قلبية
أو دماغية أو ذبحة فحيكون بسببك لكن مسامحتك
طول ماإنتي راضية عني !!! وكان ردها إنها قالت
إن شاء الله !!!!!!!!!! يعني بتتمنى موتي بهادي
الطريقة كأنها بتتعمد تعمل الشي هادا !!!!!
ودايما تدعي عليا بالموت والتشوه والحوادث
والبلاوي .. وصارت تقول عليا إنتي ما يأثر
فيكي شي وربنا مو راضي يجيب لك مصيبة
ويقصف عمرك !!! وقلت لها ربنا قال :
دعوة بغير حق لا تــُــحق .. وبالفعل لأنها
بتدعي ظلم وربنا ما يحب الظلم وماراح يستجيب
دعاها .. صارت تصلي الليل وتدعي عليا عشان
ربي يستجيب لها !!!!!!!!
والحمدلله الحمدلله الحمدلله ألف مرة إني متأكدة
إن دعواتها ظالمة والحمدلله ربي ما بيستجيب لها ..
ودايما أقول يارب أديها خير نفسها وبين لها الحق
وحسسها بغلطها تجاهي وأكفيها شر الشياطين
إللي حواليها وإللي خربو بيتنا حسبي الله عليهم ..
آمـــــيــــــــــــــــــــن

أختي نبض ..
آمين يارب على دعواتك .. آمييييييييييين ..
و أنا بأنتظر الفرج ويجي اليوم إللي يتحقق لي
فيه إللي أبغاه من زمااااااان وربنا قادر على كل شي..
وبالنسبة لتأخير الزواج كله بسبب أمي مبهدلتني ..
وقلبي مو عاطيني أتزوج بدون رضاها .. ولكن أنا عارفة
من ناحية تانية إني إذا سويت لها إللي تبغاه وما تزوجت
هذا الشخص .. عمري ما راح أتزوج غيره .. وهي بتسوي
كدة وبتعذبني لأنها عارفة إني أبغا رضاها !!!!!!!!!!
مع إنها ما تفكر فيا ولا تبغا راحتي وسعادتي وتبغاني أعيش
في ذل .. ولو أتزوجت هي عارفة إن لا هي ولا أخواني ماراح
يكون لهم كلمة عليا !!!!!!!
حاولت كتير إني أتزوج بدون رضاها لكن ماني قادرة ..
قلبي يقول لي إن ربي ماراح يوفقني إذا سويت كدة :( ..
وهي ما يهمها غير كلمة : إذا تزوجتي مانتي بنتي ولا أعرفك
ليوم الدين !!!!!!!! وكل ما سار شي تتبرأ مني وقدام الناس !!!!
الكلمة مرة سهلة بالنسبة لها :( .. وتعرف إني بنتها بس لمن
تبغا تحرق لي قلبي وتسمم بدني بكلامها وتهديداتها !!!!
وبسببها حرمتني إني أعمل ملكة زي باقي الناس وأفرح ..
وسويتها ملكة رجال في الحرم وعشاء رجال !!!!!
وتقدرو تتخيلو كيف كان موقفي قدامه وقدام أهله هداك اليوم :( ..
لدرجة جاتني أيام وفكرت إني أهرب مع خطيبي ونتزوج
ونحطها أمام الأمر الواقع !!! وصرت أحاول أجيب له بعثة
دراسة للخارج عشان أحطها أمام الأمر الواقع وأتزوج وأسافر
معاه و أقول لها إني سافرت عشان دراسة زوجي !!!!
يعني أنا لو عليا كنت أتزوجت مع زماااااااااااااااااااااان
لكن ماهو بيدي لأني لآخر لحظة أبغا رضاها وأبغا حضورها
وما أقدر أعمل فرح بدون وجود أمي فيه !!!! يكفي إنها حرمتني
من الملكة ( للتوضيح فقط :الملكة (الشبكة) عندنا زي الفرح تماما
يعني لازم فستان وحفلة وهيصة وفرحة وزفة وكل شي ) !!!!
لأني ما أبغا أصغر في عين خطيبي وأهله أكتر من كدة ويكفي إللي
سمعوه وشافوه منها في حياتي كلها وفي الخمسة سنين الأخيرة
إللي قررو يخطبوني لولدهم فيها وكانت ترفضهم وتهزئهم ألين
ما أنا وقفت في وجهها وقلت خلالالالالالالالالالالالالاص ..
وما أبغاه يجي في يوم من الأيام ويعايرني إني وقفت جنبه
بدون أمي وأهلي كأني يتيمة وأهلي عايشين !!!!
وما أقدر أتزوج بدون فرح لأن الناس حيتكلمو عليا
وتكون فرصة لأمي عشان تتكلم عليا زيادة وعلى أبويا
وعلى زوجي وأهله !!!!!!

وجزاكي الله خير .. وآميييييييييييييييييييييين يارب العالمين ..


تحياتي ..
جـــداويــــــــة

بنت الكويت الف مبرووووووك على الحمل الله يتمم لك على خير ياااااااارب .......

اختي جداويه ...الله يكون بعونك والله حالتك تقطع القلب لكن المشكله انها امك ولازم تتحمليها ولك الاجر من الله

لكن معقوووووووووووله فيه ام تسوي ببنتها كذا ؟؟؟؟؟:confused: :confused:

لانها مهما كان حملتك وتعبت فيك وغريزة الامومه شي طبيعي حتى لو كان الحمل بالغلط ...

اختي حملت بابنها الصغير بالغلط وكانت تبغى اي شي ينزله ولما ولدته قالت ماادري كيف طاوعني قلبي وابغى انزله ...

((( اعذريني اختي لكن اتوقع امك اللي فيها مو شي طبيعي يمكن شي نفسي غصب عنها (اعذريني على الصراحه بس اللي تسويه فيك مو طبييييييييييييييييعي )

الله يحنن قلبها عليك ويوفقك مع زوجك يااااااااااااااارب .....

اختى جداوية..... تلاحظى فى كلامك وردك على الاخير انكى لم توضحى من قبل بعض الاشياء المهمة والتى قد يكون لها تاثير كبير على مشكلتك.... عندما ذكرتى ان والدك طلق والدتك...... ثم ذكرتى لنا فيما بعد ان والدك يقف معك ويحن عليكى.... وهنا بيت القصيد... فعلا والدتك بهذا تشعر بالغيرة منكى لان والدك معكى ضدها... والسيدة مهما كانت فيها من جبروت الا انها امام من تحبة اومن كان بينها وبينة شىء فى يوم من الايام تجدينها كالنمر المفترس لا تريد ان يقترب منه احد حتى لو كانت ابنتة وطبعا هذا ليس بتفكير عاقل انما يدل على انها غير طبيعية وغير سوية كما ان رفضها ان تذهب الى طبيب حتى من ورائكم جميعا يدل على انها اما لا تعى ماتفعلة بسبب حالتها النفسية اما انها تعلم جيدا انها تفعل ما هو خطا الا انها لا تحاول اصلاحة.... الموضوع اختى معقد جدا لان الطرف الذى يؤذيك هو امك وانتى لن تستطيعى ان تفعلى لها اى شىء.... وانا معك ولست ضدك لان ما تفعلة لا يرضى الله ابدا لكن انا احاول ان اطلع كل ما بداخلك حتى نقف عند الحقيقة بكاملها بل انا عندى خالة نفس امك تماما وادت بابنتها انها اصيبت بالسكر وهى عندها20 سنة بسبب ما تسببتة لها من قهر وعذاب .. لدرجة انها عندما تقدم لها شخص رفضت ان تزوجة لها الا لو ماتت امة عندها ستزوجة منها... ولا حول ولا قوة الا بالله ماتت بعدها الام فعلا فى حادث سيارة وهو واختة وابية كانوا معها نجو كلهم وهى التى توفاها الله ولا تدركى مدى السعادة والشماتة التى شعرت بها خالتى هداها الله عند موته الست ... كما انها كان ابوة العريس يذهب لها للتكلم عن تفاصيل الفرح تمسك فية وتسبة هو وابنة وتطردة من البيتوالراجل مستشار محترم ولا يجوز اهانتة بهذة الطريقة الا انهم تحملوا كل ما يحدث لهم لانهم يحبون ابنة خالتى ويعرفون ان لا ذنب لها فيما يحدث وفعلا تزوجت وانجبت الا انها تتعامل مع والدتها فى اقسى الحدود ... كما ان هذة الخالة كل العائلة تعتبرها مريضة ويتقبلون منها اى شىء عن طريق المقاطعة لها تجنبا لمشاكلها الفتاكة فهى ان وضعت احد فى عقلها ظلت خلفة الى ان يطرد من عملة او تسيء سمعتة ... كما ان والدتى كانت مريضة بالسرطان وذهبت معها الى فرنسا وظلت تعذب فيها وتزلها على مساعدتها فى اى شىء حتى ذهبت انا لها ومن ساعتها وانا اكرة هذة الخالة لما فعلتة فى امى من اذلال ... لذلك فانا اشعر بكى لان لدينة من هذة العينة بل قد تكون ما عندنا ابشع من كل ما تفعلة امك بكى.... لذلك التمس لكى العذر وانا كما قلت لكى لست ضدك انما كنت فقط اريد ان اخرج كل ما فى صدرك حتى نصل الى شىء ويكون هناك حل لمشكلتك .... وانا ارى كما رات معظم الاخوات بسرعة زواجك وخروجك من البيت حتى تنفصلى عنها بدون زيادة حدة العلاقة بينكما وتبدا حياتك الجديدة مع زوجك وعسى ان يكون هو عوضك واهلة عن كل ما حدث لكى من ماسى... وانا زعلت منك شوية لكن خلاص لا يوجد بيننا اى زعل وكلنا هنا اخواتك نحن عليكى وناخذ بيدك الى بر الامان ان شاء الله....

الله يرزقني يارب عاجلا غير اجلا انا وكل بنات المنتدى ..

اصلا اللي تقول كذا لو بتحط نفسها محل وحده نفسها تسمع كلمة ماما كان بتخاف ربي يحرمها من اللي عندها ..

فعلا شي محزن ..

وتصدقون بنات والله العظيم اني وحده مره قالت لي انها تنطط اول حملها وتلمس المروحه بالسقف بس ربي ثبت الحمل وجابت بنوته الحين ..

فعلا شي غريب ..

يارب يارب يارب ارزقنا بالذرية الصالحة واسعد قلوبنا عاجلا يارب ..