اميرة ان شاء الله يااارب تحملين قريب و
فعلا اللي يقولون جذي ما يدرون انهم في نعمة غيرهم يبكي الليل و النهار عشانها

الله يرزق المحرومين ان شاء الله

آآآآآآآآآآآه جـــداويـــــــــة

عورتي قلبي والله ..ودمعت عيني عليك ..معقوله في ام جذي ..الله يعينك
يارب الله يعوضك بالزوج الحنون الطيب ..يارب ..ويسعدك
اختي مهما صار سامحيها ..هاذي مهما يكون امك ..ولوجه الله تحملي تصرفاتها واحسني لها ...وان شاء الله في المستقبل تعرف قيمتك ويحن قلبها عليك ..يمكن امك عصبيه ويبي لها معامله خاصه ..كوني حنونه معاها دائما حتى لو كانت تقسي عليك ولاتنسين لك الاجر ..وان شاء الله يعضوك خير:26:

سمعت من أحد المختصين و العهدة على القائل
أنّ الجنين الذي لا تتقبّله أمّه عاطفيّاً و تشعر بالنفور من وجوده ،، يشعر بذلك و يتأثر بسبب بعض الحرمان العاطفي/الهرموني
و هذا الجنين يخرج إلى الدنيا طفلاً عصبياً متوتراً و قد يكبر ابناً عاقّاً صعبَ التربية

ربما هي عقوبة إلهية لمن لا تحمد الله على النعمة
الحمدلله من قبل و من بعد

و ألف مبررررووووك أختي بنت الكويت
و يتربى في عزكم يا رب :) :26:

السلام عليكم ورحمة الله وبركاته

صباح الخير يا أخواتي وأتمنى إنكم تكونو بخير..
وآسفة عالتأخر في الرد ولكن أنا كتبت ردي الأول
وأنا مقهووووووورة وأعذروني إذا غلطت في شيء
من كلامي .. لأن إللي بقلبه اللوعة يكتب ويوصف
إحساسه و مو شرط إن الطرف التاني يستوعب المكتوب..
ويقدر يتخيل الموقف .. وأنا عاذرتكم إذا ماصدقتوني ..

أختي بنت الكويت جزاكي الله خير على ردك ..
والله يسامحك إنك فتحتي دا الموضوع من أساسه ..
لأنك قلبتي عليا المواجع حقت سنيييييييييين طويلة
مرت وأنا أحاول ألاقي أحد أقدر أثق فيه وأفضفض
له باللي في قلبي ولو 5% منه بس !!!
وآميييييييييييييييييين على دعوتك ليا والله يوفقك
وتعيشي وتزوجي بناتك يارب وتفرحي بيهم ..
وصدقيني والله لو أحكيلك أشياء عملتها فيا
أمي حتقولي عليا كذابة من كتر ماهي أشياء
صعبة صعبة صعبة !!!!


أختي بنت النيل ..
أول شي : الله وحده يعلم ويعرف أنا أيش عملت
عشان أتقرب منها وقد أيش دعيت لها وقد أيش
أبغا رضاها و أدعي إن ربنا ينولني رضاها
لأني مستعدة أتحمل جحيم الدنيا ولا إني أتحمل
جحيم الآخرة الله يجيرنا منه ... أميـــــــن
وحاولت حاولت حاولت كتيييييييييير لكن عذرها
إنها ما تحبني وما تبغاني وحملت بيا غصبا عنها !!
وما تطيق لي كلمة ولا تحب تسمع صوتي وتقول
إن صوتي يعمل لها حساسية في أذنها !!!!!!
يعني لا تتوقعي إني أنا بأخد الشي السهل وبأجرب
الطريق السهل والإنهزامي وإني أتراجع وأنطوي
على نفسي ، بالعكس تماما أنا جدا إجتماعية بس
مع غير أهلي (للأسف) !!!
و راح أقولك أيش عملت فيا في كذا مرة حاولت
أتكلم فيها معاها :
1-مرة حبيت أعمل فيها زي ما بأشوف في المدرسة
صاحباتي يحتفلو بعيد الأم فقلت في نفسي يمكن لو أشتريت
لها هدية زي صاحباتي تحبني !!! وبالفعل روحت مع بابا
وأشتريت لها حلق لؤلؤ حر وكلفني آلاف وطبعا بابا الله يطول
في عمره هو إللي دفع (عنده أمل إنه قلبها يحن !! ) وجيت
وأعطيتها هو .. طالعت فيا بإستهتار وقالت : أيش تبغي ؟
قلت لها جبت لك شي عشانك يارب يعجبك !! مسكت العلبة
ورمتها بعيد !!!!! جيت وبوست راسها وقلت لها اليوم عيد
الأم كل سنة وإنتي طيبة !!! ما أستوعبت غير إني أخدت
كف على وجهي !!!!! وطبعا روحت أبكي وسبت لها الهدية
وبعد فترة لقيتها مرمية ضمن أشياء كأنها زبالة وما كأنها
شي تمنه آلاف !!! مع إني من قهري قلت لها هذا لؤلؤ حر
ليش رميتيه حرام عليكي أنا عرفت إنك تحبي اللؤلؤ عشان
كدة أشتريتلك هو !!! وطبعا كان ردها عبارة عن نظرة
إستحقار من فوق لتحت كأنه ذبابة مرت من قدامها !!!

2-مرة من المرات ومن قهري أشتكيتها لبابا .. وبابا كمان
منقهر من تصرفاتها معايا فراح حاول يتناقش معاها .. قالت
له هي إللي قالت لك كدة ؟ وسابته وجات عندي الغرفة
وجلست تضربني بباكورة ( إذا تعرفو الباكورة عبارة عن
عصاية مخصوصة للضرب وغالبا تكون خيزران ) وضربتني
بباكورة حديد زي السلك المعدني ومابقي وصلة في جسمي
ما أتقطعت ( وطبعا ما تضربني إلا بعد ما تقفل الباب عشان
تضمن إنه مافي مجل أحد يقاطع متعتها!!!! ) ..

وبعد ما بدأو الناس يلاحظو آثار الضرب في جسمي
سواء في المدرسة أو القرايب .. صارت تضربني
في ظهري و(تحته) وراسي ، عشان تضمن إنها مو
أماكن مكشوفة يشوفوها الناس .. ومرة روحت لأمها
(ستي) وكشفت لها ظهري ووريتها جلدي المقطع
طبعا ستي مسكينة على نياتها راحت زعقت عليها
مالقيتها غير طاحت فيا ضرب قدام كل الناس
وقرايبي وخلت منظري منتهى الذل والحقارة :44:!!

3-مرة صحتني من النوم الساعة 3 في الليل في أيام الإختبارات
في صف أولى ثانوي ( طبعا صف أولى ثانوي
عندنا كان 18أو 19 مادة وضغط فظيع ) وطلبت مني أكوي
توب حق أخويا !!!!!!!!! ولما قمت وأنا طبعا تعبانة وأبكي
وماكويته كويس لأني ماكنت أعرف أكوي تياب أساسا !!!
كان رد فعلها إنها مسكت المكوى وحطتها على يديني الإتنين
وفضلت أكتر من 3 شهور ما أقدر أمسك شي كويس من قوة
الحرق وكنت أروح الإختبارات وأبكييييييي طول وقت حلي
للإختبار وخوفي إني أرسب عشان ماأقدر أكتب !!!!
وكانت يدي تفقفق وتعبي مويات مكان الحرق وألم فظييييع
وكل ماتشوفني أبكي تقول لسة لسة وراكي جهنم الله يحرقك
فيها وتشوفي النار مزبوط !!!!!

4-كانت أيام المدارس ( مع وجود شغالة في البيت ) تخليني
يوميـــــــا أغسل مريولي وملابسي وملابس أبويا وملابس
أخواني وتشجعهم إنهم يوسخو ملابس كتير وأغسل المطبخ
مرتين أو تلاتة في اليوم وأربعة حمامات أكرمكم الله وأكوي
الملابس وأسوي طلباتهم كلها وطبعا هذا كله بجانب المدرسة
وواجباتي وتفننها في إخفاء وتقطيع كتبي ودفاتري !!!!!!

5-تحرجني دايما قدام صاحباتي ومعلماتي وإذا مسكت
التليفون خمسة دقايق تقلبها حريقة عليا وتلطشني قدام
صاحبتي إللي عالتليفون وتخليها تسمع إهانتها ليا !!

6-كلهم يخرجو من البيت ويسيبوني لوحدي ويقفلو
عليا الأبواب بالمفاتيح هي وأخواني خصوصا إذا
كان أبويا مسافر ويقفلو سكينة الكهرباء عليا ويخلوني
أتجنن في البيت لوحدي في الليل والظلام وبدون تليفون
أو نور أو نسمة هواء !!!

7-أتعرضت لحادث وأنكسرت يدي وجبسولي هي وأنا
في أيام دراسة وطلبت منها مرة تساعدني وكان ردها
أستغفر الله العظيم أستحي أقولكم هوالله يسامحها بس ..
وكانت لمن تشوفني نايمة تيجي وتجيب الجزمة أكرمكم الله
وتضرب بيها عالجبس عشان أصحى ..
وهوايتها تنكيد النوم .. يعني أي وقت تلاقيني
فيه نايمة تمسك أي شي جنبها وترميه على راسي ووجهي
جزم، شباشب، بطاريات، قوارير عطر، سكاكين، ملاعق،
صحون، قدور .. والله يمكن ما تصدقوني لكن والله كل
شي يجي في بالكم ممكن يكون في متناول يدها ترميني
بيه على راسي والللللله وكذا مرة أنفتح راسي بسبب
إللي ترميه عليا .. ومرة رمتني بفرجار الهندسة وأنغرس
في الوريد إللي فوق الحاجب ووصل للوريد وعمل نزيف
داخلي لولا لطف الله الحمدلله كنت أتعميت ولا جا الفرجار
في عيني وأنفقعت !!!!!!

وغيرها كتييييييييييييييييير وتخيلي لما يحصل هذا الشي
يوميا على مدى 20 سنة !!!!! أيش ممكن تكون نتيجته ؟
ياما حاولت أتقرب منها وأحسسها إني أحبها لكن عمرها
ما أعطتني وجه لا حاولت تسمعني .. ولو أقولكم إنها لما
تضربني وتلاقيني أبكي أو أصرخ من الألم تجلس تضحك
ألين ما خلاص تتعب من الضرب تروح تشرب شاهي أو
قهوة و تتكلم مع صاحباتها في التليفون ولا كأنها سوت شي !!

وعموما أنا ماكان لازم أحكي عن تفاصيل خاصة أكتر
من كدة لكن عشان لا تيجي وحدة فيكم وتقول إني
أنا بأعاملها بجفاء وسوء معاملة وعقوق وعدم بر !!!!
يعني أنا صحيح كنت أعترض وأصرخ وأحاول إني
أستفزها أحيانا عشان أبغاها تتكلم معايا لكن من جوة
قلبي ضميري يأنبني وقلبي يوجعني على إني رفعت
صوتي في وجهها على الرغم من إللي بتعمله فيا !!!

وعموما للتوضيح أنا شملت كلمة (أخواني) الإناث والذكور
يعني المسألة ماهي مسألة إنها بتفرق بين الولد والبنت !!!
وفي بنت غيري !!!

وبالنسبة لقولك يا أختي بنت النيل إني أنا عندي غيرة
مرضية والله العظيم ضحكتيني وأنا مابدي أضحك :(!!!
أنا كانت عندي غيرة الأطفال في صغري وهادا شي
طبيعي جدا بالنسبة لطفلة !!!!! لكن من المرحلة المتوسطة
وأنا ما أغار منهم أبدا بالعكس بدأت أوضح لنفسي أمور
ومنهاج ومشيت عليهم وهما حاليا إللي بيغارو مني ويحقدو
عليا لأنهم على قد ما عملو فيا ماقدرو يحطموني ..
الحمدلله عدد خلقه ورضا نفسه وزنة عرشه ومداد كلماته
لأن الفضل وحده لله في إني أتوفقت في حياتي ودراستي
والـــحمـــــدلـــــلـــــــــّـــــــــــه
وربنا عالم بالقلوب ولو كنت عاقة أعوذ بالله كان ربي
ما وفقني في حياتي .. وهذا أكبر دليل إني مظلومة ..
وربنا يوفقني زيادة ويحقق لي إللي في بالي .. آمييييين ..

وبالنسبة لتحليلك النفسي مع إحترامي لكي فهو ×××××
خاطيء 100% .. والسبب الأساسي في إني مرضت
كتير إني أنا أزعل جوايا وفي قلبي وما أقول لأحد وأفضل
أفكر كيف ممكن أكسبهم ؟ وأنا أيش عملت لهم ؟ وأيش ممكن
أعمل أكتر ؟ وغيره .. لكن تفكيري ماهو تفكير غيرة أو حقد
منهم وعليهم !!!! أبــــــــــدا !!!!!!
وكل إللي قلتيه هو بالعكس تصرفاتهم هما معايا ..
مش تصرفاتي أنا إطلاقــــــــا !!!!!!
وأنا إنسانة جدا مستقلة وواثقة من نفسي وأكبر دليل
إني قلت لكم إني درست وأشتغلت وكافحت عشان
أثبت نفسي وأثبت وجودي لأني عارفة إنه مهما
طال الزمان أو قصر هما منتظرين اليوم إللي يموت
فيه أبويا بعيد الشر لاقدر الله .. الله يعطيه طول العمر
والصحة والعافية يااااااااااااااارب .. آمييييييييييين
عشان يستعبدوني ويبهدلوني لكن الحمدلله ربنا
ما راح يحقق لهم أمنيتهم لأني متعلمة وشهادتي
عالية والحمدلله وظيفتي محترمة وراتبي محترم
وتخصصي محترم وأقدر أصرف على نفسي
إذا حرموني من ورثي بعد عمر طويييييييييييييل
والله لا يبلغهم مرادهم يااااااااارب .. آميييييين
وعلى فكرة !! أمي تقول للناس إني أنا أشتغل
شغل مو محترم وفلوسي حرام وبأجيبها من طريق
غلط !!!!!! وطبعا الناس يفهمو على مزاجهم !!!!
مع إنه شغلي جدا محترم في شركة عالمية
ومافيه إختلاط غير مرتين في السنة في إجتماع
يضم أكتر من 1000رجل وإمرأة عبارة عن مدراء
الأقسام لمناقشة الخطةالسنوية والأرباح ويكون بالحجاب !!!!
وكله كلام رسمي وعمل ومناقشات طويلة ومنهكة ولا فيها
أي شي يعتبر خلوة !!!!!!!

وبالنسبة لخطيبي فهو يعرف أشياء كتيرة لأن أخته
صاحبتي من الإبتدائية وهذا شي مخليني خايفة
منه لأني حاسة إنه متزوجني شفقة !!!!!!! وهذا
الشي بيوجعني جوة قلبي لكن ما أقدر أتكلم لأني مو
مستعدة أخسره أبـــــــــــــــــــــــــدا ..
الله لا يحرمني منه يارب .. أمانة عليكم أدعولي
إنه يحبني ويحطني في عيونه ويوسع له في رزقه
ولا يظلمني ولا يتزوج عليا من كتر مشاكل أهلي !!!!
لأن صدره ضايق منهم وأخاف يجي يوم يوقع
معاهم في مشاكل ولا يتركني ويتزوج وحدة
أهلها ماجابوها غلطة :o !!!!!!!

وبالنسبة للوالد هو في البداية كان مشغوووول
ولكن بعد ما أتقاعد بدأ يستوعب إللي بيحصل في
البيت ... وقد ما حاول ينصح ويهدد ويتوعد ويتكلم
بالطيب ويهاود ويعطيهم إللي يبغوه ويحرمهم أحيانا
عشان يتأدبو .. لكن مافي فايدة .. وهو بعد ما مرض
وجاته أزمة أمي تركته وطلبت الطلاق بحجة إنها
ماتحب تشتغل ممرضة آخر عمرها :11:!!!!!!
فما بقي معاه غيري أنا وواحد من أخواني والبقية
أتزوجو وراحو بيوتهم ولا يشوفو وجه أبوهم ولا
يسألو عنه إلا إذا يبغو فلوس !!!!
وحتى أخويا إللي معانا في البيت تخصص مشااااااكل
ومحد يقدر عليه غير ربنا حسبي الله ونعم الوكيل عليه
هو إللي سبب الأزمة لأبويا وكان حيموت بسببه لولا
لطف الله !!!!

وشكرا لكي على دعائك و آمييييييييييييييييين يارب العالمين ..

أم سارونا الحلوة ..
الله يسامحها ويحنن قلبها ويخليها تموت راضية
عني ولا تدعي عليا ولا تظلمني .. ويسامحني لأني
كتير في لحظات غضب دعيت وأتحسبنت عليها ..
ولو كنت حزنتك .. لا تظلمي أحد من عيالك وتعامليه
معاملة تخلي في قلبه ولو شي بسيط عليكي ..
ولاتفرقي بين الأخوان ..

أختي عاشقة التصميم ..
جزاكي الله خير .. وآميييييييييييين
آميييييييييييين .. آميييييييييييييييييين
ياااااارب يا أرحم الراحمين والله دعوتك
فرحتني الله يجبر بخاطرك ..

والمصيبة إن أمي جربت معاها كل الأساليب
المعروفة وإللي أنا أخترعتها عشان أرضيها
لكن مااااااااااااااافي فايــــــــــــدة قلبها حجر
حجر حجر حجر حجر حجر حجر حجر حجر


وأعذروني يا أخواتي على كلامي الكتير
لكن قلبي ملياااااااااااااااااااااااااااااااااااااااان
الله وحده يعلم قد أيش قلبي مليان ..
أنا كل إللي يشوفوني يقولولي إحنا شايفين كل
العرايس محلوين ومرتاحين إلا إنتي .. ويحسبو
إن خطيبي مبهدلني أو أهله مبهدلينني ..
ويفكرو إن أهله سبب تأخير زواجي ..
وإللي يعرفو أمي وكلامها يفتكرو إنه كلامها صح
وإنه أنا بطـّــالة وحالي مايل عشان كدة ماتزوجت ..
وماحد يعرف أيش مسوين أهلي فيا وأيش سبب منظر
القرف والتعب والنكد كله في وجهي وشكلي ..
وكلام الناس كتر.. وأنا أبغا أتزوج و أرتاح وأنستر
وماأبغا كلام الناس يكتر عشان خطوبتي طولت
والكلام إللي أمي بتقوله عليا وعلى خطيبي
وأهله وعلى أبويا ... وأهله من جهة حزنانين
عليا .. ومن جهة تانية حزنانيين على ولدهم
إنه أبتلى بعيلة مشاكل :( ..

خلالالالالالالالالالالالالالاص
خلالالالالالالالالالالالالالاص
والله العظيم تعبت خلالالالالالالاص
معليش سامحوني .. أشوفكم على خير


تحياتي ..
جـــداويـــــــــة

اختي جداوية انا ابددددا مو مستغربة تصرفات امك لأني شفت امهات كده

الله يعينك ويوفقك ويرفع عنك:26: