كوبونات الراقية تسجيل الدخول

ارقى رقة
ارقى رقة •
يــا هــــلا و غـــلا ...

تـنور الكــويت فيــكم والــله ... يا زينها من ساعة :icon28:

انا مستعدة أقول اللي أعرفه كله من غير عنف حتى :22:

بس عطيني معلومة مهمة ... ميزانية السكن تقريبا شكثر ؟؟


و الا تدرين.. أنا اعطيج خيارات حلوة ان شاء الله و انتي تبصري فيهم على راحتج ...


السكن :


فندق المرينا .. السالمية على البحر ..
ميزته انه موقعه ممتاز .. مسافة مشي بسيطة توصلين لمرينا كريسنت و هذا المكان عبارة عن قهاوي و مطاعم تطل على المرسى ..

و منه توصلين لمرينا مول ..



هوليدي ان .. مقابل المركز العلمي .. ايضا موقعه لطيف بالسالمية
و فيه مطعم لبناني حلو :42:



عندج بعد يا طويلة العمر ...

منتجع الهيلتون .. روعة .. غالي .. نظامه شاليهات على فلل .. احس ما يسوى اذا منتي قاعدة فيه و غالب وقتج بالطلعة و التسوق .. و اصلا بعيد عن الديرة .. اهوا بمنطقة اسمها المنقف ..



ماريوت كورت يارد .. انصح فيه قولي ليش ؟؟
لانه ملحق بمجمع الراية .. من أرقى مجمعات الكويت .. ولد عم الصالحية اذا سامعه فيه .. تلقين محلات تسوى اللوية .. و فيه مطاعم راقية .. و شوكوليت اند ماكرون لذيذ و قاتل :30:


و المريديان .. على البحر .. فيه مطعم المرسى .. اكل بحري كويتي نــــاطع جدا .. غرام الوالد هذا ترى :42:




حلوين لي الحين ؟ اذا ما يازت لج الخيارات عطيني خبر و ابحث لج عن غيرهم ان شاء الله

بالنسبة لباقي الأمور .. سأعود و بقوة بإذن الله و لا تكونين الا راضية :26:



------
رائــعــة الكلمة
رائــعــة الكلمة •
ام فوفتي

الف الف الف شكر غلاي عالافادات الحلوة
فعلا انا من تالي من محبين الاسواق الشعبية عقب ماشفتها ببانكوك ادمنتها
لانه فعلا تحصلين شغلات حلوة ورخيصة
هالمطعمين اشوف كثير نصحوني فيهم
مشكوووورة حبيبتي ربي يسعد قلبك

بنات الكويت واللي خبرة فيها من السعوديات وغيرهم..

تنصحوني بالشاليهات او الفنادق او الشقق الفندقية...؟
اشوف بالمواقع مدح لمنتجع كمبنسكي و الخيران ... شرايكم فيهم؟
وهل هم منتجعات عالبحر بمعنى شاليهات او مجرد مسابح كبيرة وحواليها الغرف والسويتات..؟

علما باننا ندور سكن نظييييييييف لذلك منجبرين ناخذ غالي..

بسالكم
هل السفر البري من المملكة للكويت زين...مافي غلبه..؟


طيب بودل .. هل هو راقي كثير..؟


انتظركم حبوباتي ربي يسعدكم
deema al-7lwa
deema al-7lwa •
ايه ما فيه شي اذا من الرياض للكويت خمس
ساعات
ارقى رقة
ارقى رقة •
المجوهرات .. ما عندي اي فكرة حاليا .. و الوالدة رايحة البحرين الله يردها بالسلامة ... يمديني باجر ارد لج خبر هالنقطة ؟؟

.
.

دراريع مميزة ..

امممم .. قالت وحدة من البنات ما قصرت مجمع العربيد ..
بس انا اقول لج ...
العربيد شطار حيل حيل حيل بالتنفيذ لكن التصاميم لج عليها شوية فاااا انتي شوفي موديل يعجبج و شيله مني زيدي علي يعني غيري فيه و النتيجة اكيد ذوق ..

اقدر افيدج بمكان خطـيـــر حيل .. اسعاره مرتفعة لكن اخذيها مني .. خامات فظيعة شغل راقي وايد وايد وايد .. صاحبته بنت كويتية قمة بالسنع و اللباقة .. باختصار بنت فاهمة :42:





تبين سواريه .. جاهزة و ماركات و الا تصاميم كويتية ؟؟


انطر جوابج .؟
لا لا ما راح انطر ما فيني صبــر ابيج تزهبين اغراضج :22:

مجمع زهرة .. السالمية شارع سالم المبارك ..

المحلات اللي تعجبني فيه ..
s-style .. في 3 بوتيكات بهالاسم ما شالله .. دخليهم أول شي عشاني :42:
نورامينا .. محلين هم ما شالله ..


و انتي بعد تمشي فيه اهوا اصلا صغيرونو سلم قلبه ...




مجمع الراية بمنطقة شرق .. برج طويل مالنا شغل الا بالمول اللي فيه احنا ..
فيه محل البوشية .. القي نظرة تقريبا اهما تقليد ايلي صعب و ربعه ..


مجمع الصالحية بمنطقة الصالحية .. أشهر من نار على علم .. كل الماركات فيه ..
و هم ما علينا من الماركات .. الدور الثاني فيه بوتيكات تشوق ..




ترى حدي مشتطة جني انا اللي بروح و برد والله قاعدة اكتب اماكني المفضلة و اللي تبرد القلب ... :22:


و فجأة استوعبت ان يمكن ما يعجبج :(

عموما ... احاول اتفكر و اتأمل اكثر ... هذي كانت ردود عالطاير ..


كوني بخير و روعة :26:
رائــعــة الكلمة
رائــعــة الكلمة •
ديمة الحلوة

مشكوورة ..الكل يقول موبعيدة..بس 5 ساعات ........!
الف شكر غلاي


ارقى رقة

يااااااااااااااااحبي لقلبك يالحبيبة..الف الف الف شكر عنوني..
تصدقين اني حبيت الكويت اكثر منك انتي وعلشانك..بنات ذوووووووق ولطافة ولباقة واسلوب ومنطق ربي يحفظكم..
ماتتصورين عجبني كلامك الاخير انك مشتطة ههههههه ياجعل ربي يسلم قليبك ويفرح قليبك..قولي ااااااااامين