بالنسبه للطريق البري مافيه تعب عن تجربه ..
انا انصحك انكم تسكنون شقق فندقيه مثل بودل موقعها حلو ..السبب/لأنك اول مره تزورين الكويت فالأفضل لكم الشقق لأن طلعاتكم بتكون كثيره ..و الشاليه يطلب منك انك تجلسين فيه ..مجرد وجه نظر مني وانتي شوفي وش الي تفضلونه..
ام فوفتي
•
و عليكم السلام و رحمة الله و بركاته :26:
ياااا هلا فيكم .. بتنور الكويت بوجودكم ..
بما إن هذي زيارتك الأولى للكويت .. راح أتكلم بالتفصيــــل الممــــل عن أهم الأماكن السياحية ..
الأسواق و المجمعات
* سوق شرق
المكان : منطقة شرق.
سوق شرق , مبني على ديزاين البيوت الكويتية القديمة .
مثل ما هو واضح يطل على البحر .. و فيه قعدات و ممشى تطل على البحر .
فيه تقريباً جميع المحلات التجارية المنتشرة بأغلب المجمعات ( من زارا و مانغو و نكست و دبنهامز ..إلخ)
فيه سوبر ماركت كبير مشهور عندنا اسمه "مركز سلطان" له مدخل خاص , وله مدخل يفتح على السوق.
و طبعاً فيه جناح للداينيق يضم أغلب المطاعم المشهورة. و اخيراً سينما "الشرقية".
نصيحة: بطريقك لسوق شرق , لا تنسين تمرين المعارض النسائية " أتوقع تسمونها بازارات" ,
تلقينها قبال السوق بجانب المستفشى الأميري , أربع معارض (كاريزما , بيت الشرق, بيت ديفا, بيت السدرة) كلهم
ملاصقين لبعض تصفطين السيارة و تفرين عليهم مشي , هي بالأساس بيوت كويتية قديمة , حافظوا على طابعها
القديم بشكل جميييل جداً و خلوها معارض .. يبيعون فيها كل شيء جديد و غريب (ملابس, إكسسوارات,
شنط..إلخ) , بعض البضايع شغل مشاغل كويتية , و بعض البضايع تكون بضاعة من برا .
* المارينا مول
المكان: السالمية.
مجمع كبير جداً , يضم أغلب الماركات .
ينقسم لجزئين .
الجزء الأول :
هو المارينا مول عبارة عن طابقين الطابق الأرضي للشوبينق , فيه المحلات التجارية بكل أنواعها , وفيه كذا كافيه , و الطابق الثاني فيه السينما و المطاعم العادية (ماكدونلدز , بيتزا .. إلخ ).
الجزء الثاني:
الجزء الثاني اسمه مارينا كرسنت , في الشارع المقابل .. يربطه بالجزء الأول ممر تقدرين تروحيله عن طريقه .. أو بالسيارة , هذا الممر:
و الجزء الثاني يطل على البحر وهو عبارة عن مجمع بس مافيه محلات .. فقط مطاعم راقية و كافيهات و قعدات حـلووووه جداً تطلع على البحر .
* نصيحة: حاولي تروحين له بدري , لأنه من أكثر الأماكن إزدحاماً , خاصة بالويك إند .
وهذا فندق المنشر روتانا :
*الأفنيوز
المكان: الري.
أحدث مجمع في الكويت , و أكبر مجمع . يوم واحد فيه لا يكفي .
فيه محلات جديدة مو موجوده إلا فيه. يضم كارفور و إيكيا , و لكل واحد فيهم مدخل خاص.
فيه داينيق سكشن للمطاعم العادية , و فيه المطاعم المشهورة (تشيليز , فرايديز , ماكي (ياباني) , أشاز (هنجي) ..إلخ)
فيه سينما روعه , هي الأحلى , و في بسينما الأفنيوز صالة VIP .
* نصيحة: لما تروحون الأفنيوز , لازم تتغدون أو تتعشون في مطعم أشاز ,
روعه من أحلى المطاعم الهندية , ولازم تحجزن قبل لا تجون لأن هالمطعم بالذات داااااااائماً FULL .
* مجمع الكوت + مجمع المنشر
المكان : الفحيحيل.
هم مجمعين مقابلين لبعض. يعتبرون من المجمعات الحديثة .
أولاً الكوت :
مثله مثل المجمعات السابقة ( محلات تجارية , مطاعم , سينما) ويطل على البحر أيضاً.
و فيه نافورة على البحر إتجننن .. الكافيهات و المطاعم تطل على النافورة . القعدة ما تتطوف روعه . خاصة بلليل.
ثاياً المنشر:
مجمع حليو مو كبير حيل , أحلى ما فيه غنه هادي , في مطاعم و كافيهات , و فيه فندق المنشر روتانا , حلو الفندق و راقي . إذا رحتي
الكويت لازم مري عليه لأنه قريب منه ما بينهم شيء .
هذا المنشر:
الصفحة الأخيرة
تـنور الكــويت فيــكم والــله ... يا زينها من ساعة :icon28:
انا مستعدة أقول اللي أعرفه كله من غير عنف حتى :22:
بس عطيني معلومة مهمة ... ميزانية السكن تقريبا شكثر ؟؟
و الا تدرين.. أنا اعطيج خيارات حلوة ان شاء الله و انتي تبصري فيهم على راحتج ...
السكن :
فندق المرينا .. السالمية على البحر ..
ميزته انه موقعه ممتاز .. مسافة مشي بسيطة توصلين لمرينا كريسنت و هذا المكان عبارة عن قهاوي و مطاعم تطل على المرسى ..
و منه توصلين لمرينا مول ..
هوليدي ان .. مقابل المركز العلمي .. ايضا موقعه لطيف بالسالمية
و فيه مطعم لبناني حلو :42:
عندج بعد يا طويلة العمر ...
منتجع الهيلتون .. روعة .. غالي .. نظامه شاليهات على فلل .. احس ما يسوى اذا منتي قاعدة فيه و غالب وقتج بالطلعة و التسوق .. و اصلا بعيد عن الديرة .. اهوا بمنطقة اسمها المنقف ..
ماريوت كورت يارد .. انصح فيه قولي ليش ؟؟
لانه ملحق بمجمع الراية .. من أرقى مجمعات الكويت .. ولد عم الصالحية اذا سامعه فيه .. تلقين محلات تسوى اللوية .. و فيه مطاعم راقية .. و شوكوليت اند ماكرون لذيذ و قاتل :30:
و المريديان .. على البحر .. فيه مطعم المرسى .. اكل بحري كويتي نــــاطع جدا .. غرام الوالد هذا ترى :42:
حلوين لي الحين ؟ اذا ما يازت لج الخيارات عطيني خبر و ابحث لج عن غيرهم ان شاء الله
بالنسبة لباقي الأمور .. سأعود و بقوة بإذن الله و لا تكونين الا راضية :26:
------[/QUOT
ياحبيبة قلبي والله
تدرين توي انتبه لردك هذا جعلي ما انحرم من ذووقك ياعسسسسسسل
ياربي مشكووووووووورة الف الف الف شكر على تعبك والله انا جدا خجلانه من كرمك ولطفك
حبيبتي كانه عجبني الميريديان واللي قبله
ولا شرايج..؟
هههههههههه
الف شكر اكرر شكري حياتي..